Santa Maria Pirates i Santa Rosa Memories ta topa den wega finalísimo djasabra 2’or
WILLEMSTAD – Djasabra awor pa 2’or di mèrdia, Santa Maria Pirates i Santa Rosa Memories lo subi tereno pa lucha den e wega finalisimo ku ta primintí di bira kandela ayá na Vi Jansen Ballpark. Tur dos ekipo a demostrá ku nan no ta baha kabes pa otro i ta basta paréu tantu den bateo komo picheo.

Santa Rosa Memories den dugout
Santa Maria Pirates, kampion for di 2021, ta kla pa otro título, miéntras Santa Rosa Memories ta bini ku determinashon pa konkistá e título despues ku nan tabata kampion for di 2009. Ta spera un públiko grandísimo na Vi Jansen Ballpark manera tabata e kaso wikènt pasá. Ta spera Ramses Jamanika pa Santa Rosa Memories i Evenon Martis pa Santa Maria.

Santa Maria den dugout

Evenon Martis kla pa habri djasabra atrobe.

Shendy Cras Manager di Santa Rosa Memories












