Pitufos kontra Lions den gran final di Liga 60 djadumingu 22 di novèmber den Frank Curiel Ballpark

Picture of Deporte Korsou
By Deporte Korsou
November 22, 2026
Share:

Pitufos kontra Lions den gran final di Liga 60 djadumingu awor den Frank Curiel Ballpark

WILLEMSTAD — Djadumingu pa 2’or p.m. ta start ku e seri final mihó di tres di Liga 60 entre Pitufos i Lions na Frank Curiel Ballpark. Pitufos a klasifiká number 1 i keda number 1 despues di e promé seri di playoff, miéntras ekipo Lions a terminá number 4 i poko poko pero sigur a gana dos wega sigí pa pasa pa final. Durante e kampionato regular, Lions a gana Pitufos 4-3 den e promé buèlta i den buèlta number 2 tabata ekipo Pitufos a gana ku skor di 3-1. Martijn tabata e picher ganadó den e promé wega, despues ku el a relevá Grutney Adriana. Lesley Martina tabata e picher perdedó den wega number 1 pa Pitufos.

Pitufos den gran final pa di dos biaha den Beisbòl Veterano.

Johan Cicilia a gana wega number 2 pa ekipo Pitufos tirando 8 inning, wega kompletu den e wega di extra inning ei. E one-two di Gregory Martijn i Fernando Rosario a kombiná pa Lions i Martijn a resultá e picher perdedó.

Pa loke ta e batiadónan di Pitufos: Richenel Juliana (.439), Orsendo Clemencia (.421), Rignald Hooi (.419), Amarildo Coffie (.407), Luis Coffie (.400), Sidney de Windt (.385), Ruvio Kook (.323), Randall Constancia (.294), Elston Constancia (.294) i Sidney Lourens (.280). Bateo kolektivo di Pitufos ta .309. Den picheo ta Johan Cicilia ku 58 inning pichá (10-2) i ERA di 0.72, i Lesley Martina a tira 12 inning i ta 2-1 ku ERA di 4.67. Pitufos tin un ERA kolektivo di 1.56.

Lions ta den final atrobe despues ku nan a kai vensí den final di 2025.

Averahenan di Lions ta: Fransje Lambertina (.442), Raishel Leito (.433), Ronsel Daal (.406), Robert Trinidad (.400), Marlon Louiza (.395), Stanley Palm (.385), Sandey Reinita (.375), Ludwig Mathilda (.364), Winston Kirindongo (.354), Heinrich Wever (.333), Carlos Liberia (.333), Fernando Rosario (.323), Ernesto Priest (.310), Herbert Lucas (.278), Lyndon Lourens (.275) i Sherwin Floranus (.276). Kolektivo Lions ta bati .331. Den picheo, Lions tin Gregory Martijn ku tin 57.2 inning i ERA di 1.69, Fernando Rosario ku 29.1 inning i ERA di 0.48, i Sandey Reinita ku 25 inning i ERA di 2.52. Picheo kolektivo ta 1.59.

MAS INFORMASHON DI SÒFTBL I BEISBÒL

Lesadonan di Deporte bon dia i felis siman. Djasaara tabata kandela kandela ku final den Beisbòl Veterano djasabra i awe djadumingu ta komienso di final den Sòftbòl 60+ djadumingu. Djasabra tabata Santa Rosa Memories kontra di Santa Maria Pirates den wega finalísimo pa 2’or di mèrdia.  Santa Rosa a gana ku skor di 6-2 i bira kampion. Den kurso di siman nos tin mas detaye.

*    *      *        *          *

Ban bek riba e weganan di final Wega 1 Santa Maria fásil fásil riba Santa Rosa 18-2 djasabra 14 di novèmber. Santa Maria a bati un total di 14 hit i no a kometé eror, miéntras ku Santa Rosa a bati 3 hit i a kometé 4 eror. Hopi hopi importante ta e defensa i e picheo di straik. Na momentu ku Santa Maria a flakiá den su defensa debí na leshon i falta di un tiki profundidat den wega number 2, ekipo Santa Rosa a probechá i empatá e wega pa despues bai ariba fásil 9-5 den wega number 2. Pa Santa Maria, Yurendell de Caster a bati di 2-1 ku un homerun i 2 kareda empuhá, Jermaine Esprit di 2-2 ku 3 kareda empuhá den wega number 1; el a leshoná i tabata klave den desaroyo di wega number 2.

Randy Kirindongo

 *    *      *        *          *

Pa loke ta e parti di Santa Rosa, djasabra siman pasá Santa Maria a hala kita bai leu laga nan momentu ku a sali kue Ramses Jamanika duru ku varios hit i ekstra base sigi. Pa promé biaha den Beisbòl Veterano ku Ramses a risibí hopi hit asina i for di komienso. E manera ku Santa Rosa a tene Roderick Eustatius den e wega apesar ku el a sali tuma 5 kareda den promé inning tabata remarkabel. Hopi a pensa ku lo kambi’é, pero despues di e promé inning malu Roderick Eustatius a tira inningnan 2, 3, 4 i 5 sin tuma kareda. Tambe a bini práktikamente un otro Ramses Jamanika djadumingu ku tabata hermétiko i a picha 2 inning sin permití kareda. El a tuma solamente un hit. Por spera un duelo serio djasabra awor entre Evenon Martis i Ramses Jamanika.

 *    *      *        *          *

Siman pasá nos tabatin averahe di e grandinan di tur dos ekipo, awel ta algun bon hungadó di nivel haltu di Beisbòl Little League te ku Dòbel A tempu di nan tempu. Den e buelta regular Santa Maria a gana Santa Rosa 2 biaha i Santa Rosa a gana un biaha. Grandinan di Santa Maria ta Eldred Estanista (.442), Myson Cathalina (.441), Jason Naaldijk (.424), Bertrand Peters (.400), Ardley Jansen (.389), Roderick Zimmerman (.371), Ryan Samuel (.343), Luisgardo Alvarez (.340), Gerthon Matrona (.333), Jermaine Esprit (.292), Jo-Andy Balentina (.259), Yurendell de Caster (.256). Yurendell de Caster i Jermaine Esprit, ku no a bati pa averahe haltu den temporada regular, ta kayente den e final aki. Myson Cathalina (ERA 1.75) i Evenon Martis (ERA 1.25) a tira bon den e final aki.

Evenon Martis.

 *    *      *        *          *

Pa loke ta Santa Rosa Memories: Dave Kirindongo (.543), Marvin Ludowika (.512), Roderick Eustatius (.471), Randy Kirindongo (.447) bon na bate den playoff, Andy Leer (.436), Aldrich Isenia (.360), Shuremy Fornerino (.357), Henkie Pinedo (.342) su bate a zona bon djadumingu. Raillison Isenia (.333) no tabata presente den e final ainda, Stanford Landburg (.286), Signald Paz (.222). Kolektivo Santa Rosa a bati .394. Den picheo ekipo Santa Rosa Memories tin Ramses Jamanika 42 inning (ERA 2.00) i Roderick Eustatius 15 inning (ERA 0.47). Ramses Jamanika tabata bon djadumingu i Roderick Eustatius a wanta bon djadumingu den relevo.  En todo kaso Santa Rosa kampion i Randy Kirindongo tabata MVP di e final. Te mayan ku Dios ke.

Teksto pa potret

TAGS:

PROUDLY SUPPORTED BY

Deporte Kõrsou Team

We are passionate about Curaçao sports. Bringing you the latest news, radio shows, interviews and memories that connect generations.

Deporte Kõrsou Radio Show

With your host live from studio

RELATED STORIES

LATEST INTERVIEWS

album-art

00:00

FROM THE PAST