Mijail Eisden kampion di Dam 2026
WILLEMSTAD – Mijail Eisden a koroná su mes kampion di dam 2026 riba djaluna 16 di ougùstùs, markando un otro logro importante pa dam na Kòrsou i sifurando su lugá riba e esenario internashonal den e próksimo añanan.

Mijail Eisden ta na ma drechi.
Kaminda pa kampionato Panamericano na Jamaica
Kompletando su triunfo di 2026, Eisden lo ta parti di e delegashon ku lo representá Kòrsou na e Kampionato Panamericano na Jamaica na 2028. El a uni su mes na e kampion i supkampion di e kampionato di 2027 ku tambe lo biaha pa e kompetensia kontinental ei.
Torneo ABC i World Cup Open 2027 na Aruba
Promé ku e sita panamericano, e tòp 5, konsistiendo di Eisden, Marquita, Blijden, Lorevil i Peralta lo biaha bai Aruba na 2027. Einan nan lo kompetí tantu den e torneo ABC komo den e World Cup Open 2027, kua tambe lo tuma lugá riba e isla.

Potret di file di nos di kampioanto na Boneiru. Di robes pa drechi, Eugene Ignacia, Antonio Peralta, Clifton Agatha Silvio Blijden i Mijail eisden
Kiko ta sigui próksimamente na Kòrsou
E kalendario di dam ta sigui aktivo riba nos mes suela ku dos evento riba mesa:
Curaçao Open Challenge (COC): Un kampionato internashonal habrí ku lo trese algun gran maestro internashonal na Kòrsou, programá pa 5 pa 12 di desèmber.
Kampionato Nashonal di ‘Snel Dam’: Riba 20 di desèmber, hungadónan lokal lo midi forsa den e kampionato nashonal di velosidat.












