Crazy Tigers ta klasifiká pa final di Liga 40 resultado di Beisbòl Veterano i Liga 50
WILLEMSTAD – Crazy Tigers a nòkout Gamers ku skor di 11 pa 1 i klasifiká pa final di Liga 40 djamars 13 di yüni den oranan di anochi na Van Engelen Ballpark. Crazy Tigers lo topa ku Baranka den e gran final di Liga 40. E final lo start djamars 20 di yüni na Van Engelen Ballpark. E final mester a start ayera djaweps 15 di yüni, pero pa motibu di insertidumbre pa motibu di koriente i blackout lo start djamars 20 di yüni.
NUMERITONAN
Crazy Tigers a nota 11 kareda, bati 13 hit i hunga sin kometé eror. Dudley ‘Dudu’ Penso tabata e picher ganadó i Roderick Zimmerman a bati di 3-3. Stanford Landburg di 2-2. David Kirindongo i Stanford Landburg a dal homerun. Gamers a skor na un okashon, konektá 5 hit i hasi 2 eror. Jose Obispa tabata e picher pèrdèdó. Reugenne Martis a bati di 3-2. Standy Walle di 1-1.
Quality Stars ta gana Santa Maria 8 pa 5
WILLEMSTAD – Den e wega di siman wikènt último den Beisbòl Veterano, ekipo Quality Stars a gana Santa Maria ku skor di 8 pa 5. Santa Maria tabata dilanti 5 pa 2 den di 3 inning, pero Quality ta bòltu e skor notando 4 kareda den bòm di e di 3 inning i keda mantené e ventaha te den final di e partido. Den otro weganan di wikènt pasá, Yesterday a nòkout Marchena 15-1 i Isla Crackers a dal Azucar 13 pa 4. Santa Rosa a gana The Brothers 6 pa 5 riba djasabra. Djadumingu Jandoret Raiders a gana Vosama 8 pa 5. Wega entre Otrabanda i Marlins a keda suspendé den di 3 inning.
RESULTADONAN
Djasabra 10 di yüni
Yesterday 15, Marchena Stars 1
Yesterday tabatin 16 hit ku 2 eror. Carl Jurrjens a gana. Charles van Thijs ku Ronald Sprok a bai di 3-2. Zhurendel Ilaria i Daniel Garnette a bai di 4-2 ámbos. Renato Anasagasti ku Osaires Lucas, ámbos di 4-3. Marchena Stars a dal 3 hit i nan a hasi 4 eror. Jurien Martina a pèrdè. Daniela Sanchez i Jurien Martina, ámbos di 1-1 i Reugene Martis a bai di 2-1.
Isla Crackers 13, Azucar 4
Isla a dal 15 hit i nan a kometé 1 eror. Marlon Balentien tabata ganadó. Roderick Sambo, Quincy Kook ku Marlon Balentien, tur a bai di 1-1. Rolin Eustatius a bai di 2-1. Charlton Merite ku Julius Veeris, tur 2 di 2-2. Dave Janga a bai di 4-3. Azucar tabatin 3 hit ku 2 eror. Dennis Testing a resultá pèrdèdó. Jeniver Mook a bai di 2-1.
Sta Rosa Memories 6, The Brothers 5
Sta Rosa tabatin 6 hit ku 1 eror. Ramses Jamanika a gana i Verney Jansen a bai di 1-1. Reginald Pietersz, Farley Girigori ku Rendy Lo-A-Tjong, tur di 2-1. Shurnold Martina a bai di 2-1. The Brothers a dal 3 hit i hasi 2 eror. Cidrick Koffy a pèrdè. Arley Landburg a bai di 1-1, Juvenal Leonora i Clenn Pietersz, ámbos di 2-1.
Djadumingu 11 di yüni
Jandoret Raiders 8, Vosama 5
Jandoret a dal 10 hit i kometé 2 eror. Raylan Capella a bai ku e viktoria. Chervin Maduro i Jeffrey Martina, ámbos di 1-1. Arthur Kops, Earl Virginia ku Juni Orcadio, tur a bai di 2-1. Myron Wijman di 2-2 i Deron Clara di 3-3. Vosama tabatin 5 hit ku 2 eror. Felix Ibañez a karga ku e derota. Carlmichael Suares a bai di 1-1. Alberto Ramirez, Xaviero Avastia ku Ryan Imperator, tur a bai di 2-1.
Quality 8, Santa Maria Pirates 5
Quality Stars a bati 7 hit i hunga sin eror. Dayron Puriel tabata e picher ganadó i e mes a bati di 2-2.
Santa Maria Pirates a bati 5 hit i kometé 1 eror. David Kirindongo tabata e picher pèrdèdó i Roderick Zimmerman a bati di 1-1.
Otrabanda 4, Marlins 0
Wega entre Otrabanda i Marlins a keda suspendé den di 3 inning, debí ku no tabatin skorer disponibel pa sigi skor e wega.
Marlins ta laga Jaws den tereno den Liga 50
WILLEMSTAD- Randolph ‘Johnny’ Balentina a konektá homerun ku un koredó na base den último inning, pa Marlins laga Jaws den tereno den Liga 50 na Van Engelen Ballpark. Jaws tabata dilanti 6-5 den último inning, pero Jurgen Susana ta embasá ku hit pa lèft i despues Johnny Balentina ta konektá e bataso di kuater skina pa terminá e partido. Den otro wega Lions a gana Sluggers 10 pa 5, Ban Serio a dal Flamboyan 17-11 i Catpower a derotá Artemisia 20 pa 11.
RESULTADONAN
Lions 10, Sluggers 5
Lions a konektá 11 hit i a hasi 2 eror. Gurtney Adriana a gana i e mes a bati di 2-2. Herbert Lucas a bati di 3-2. Sluggers a dal 6 hit i kometé 2 eror. Eldred Bakker tabata e picher pèrdèdó. Sharlon Noor a bati di 2-2 ku un homerun.
Marlins 7, Jaws 6
Marlins a dal 7 hit i hasi 1 eror. Gilbert Henrietta tabata e picher ganadó. Rignald Martina a bati di 1-1.
5 batiadó di 2-1. Johnny Balentina, Eugene Antonio i Aldrin Visser a dal un homerun.
Jaws a konektá 9 hit i a hasi 1 eror. Tyron de Palm i Albert Hartog a bati di 3-2. Carlos Madera a bati di 1-1. Albert Hartog a konektá un homerun.
Ban Serio 17, Flamboyan 11
Ban Serio a dal 18 hit i kometé 2 eror. Norman de Roon tabata e picher ganadó. Albert Pieternella i Sherdon Rombley a bati di 3-3. Reinaldo Casimiri, Winston Kirindongo i Kelvin Winklaar a dal un homerun. E homerun di Winklaar tabata un grandslam.
Flamboyan a bati 13 hit i hasi 2 eror. Eithel Brunken tabata e picher pèrdèdó. Gilbert Juliet a bati di 4-3. Vernon de Lanoi i Gilbert Juliet a dal un homerun.
Catpower 20, Artemisia 11
Catpower a dal 20 hit i hunga sin eror. Maichiel de Roon tabata e picher ganadó. Percy Gosepa a bati di 4-4. Artemisia a bati 15 hit i kometé 1 eror. Frensel Lard tabata e picher pèrdèdo. Giovanni Maduro i Clint Maynard a bai di 2-2.
Fanátikonan di Deporte Kòrsou, bondia i felis wikènt. Djaweps kore kore en konekshon ku blackout. Hopi tim ta train riba djaweps. Timnan Veterano manera Jandoret Raiders , Marlins i Nos Tambe Por a train normal pendiente nan kompromisonan di e wikènt benidero. Miéntras tantu ekipo Crazy Tigers a nòkout Gamers i play-off final ta pendiente pa start. Crazy Tigers ta bon prepará i bon motivá pa logra e título ku nan a logra na 2019 bèk. Baranka super kampion di Sòftbòl Liga 40 ta kla for di novèmber 2022 pa gana e título bèk. Swift tabata kampion na 2022.
* * * * *
Den Beisbòl Dòbel A Santa Rosa Indians a dal Wild Cats durísimo ku skor di 12 pa 2. Jordan Lucas tabata tremendo atrobe i a tuma solamente 2 kareda den 6 inning. Siamani Boehoudt a tira un inning ku dos ponche tumando un hit. Santa Rosa Indians ta den gran forma i ta na promé lugá ku rekòrt di 7-1. Uniko wega ku Santa Rosa a pèrdè tabata kontra Santa Maria ku skor di 12-10 djadumingu 4 di yüni. Jordan Lucas ta keda un dje pichernan dominante na Kòrsou. Tur aña konsistente entre e lidernan di picheo. E aña aki ku un ERA haltu di 5.21 te ainda, pero e ERA ei lo bai baha. Jordan tin 3 ganá i 0 pèrdí.
* * * * *
Standing den Beisbòl Dòbel A te ku weganan di djaweps anochi tabata Santa Rosa Indians 7-1, Santa Maria Pirates 5-3, Royal Scorpions 5-3, Wild Cats 4-4, Groot Kwartier Stars 2-7 i Marchena Braves 1-7. Weganan ta sigi te dia 6 di yüli na momentu ku selekshon di Beisbol di Kòrsou bini bèk for di Salvador kaminda tin weganan Centro Americano i Del Caribe. Tur kos ta indiká ku e tradishonal 4 ekiponan lo bai klasifiká atrobe. Ta trata aki di Santa Rosa, Santa Maria, Royal Scorpions i Wild Cats. Pa loke ta trata lidernan individual, Denzell Gregg di Santa Maria Pirates ta batiendo .552. Ela bati un homerun kontra Andrelton Simmons den e wega ku Santa Maria a pèrdè kontra di Marchena Braves djaluna. Rochendrick Alexander (Santa Rosa) ku a bai di 4-3 den e último dos weganan ta number 2 den bateo ku .519. Denzel Gregg ku ta den un gran temporada tambe tin 16 RBI sigí pa Rochendrick Alexander ku tin 12 RBI.
* * * * *
Den picheo Elchero Francisca (Royal Scorpions) i Je-andrick Lourens di Royal Scorpions tabatin 0.00. Despues Je-Andrick a tuma un kareda kontra Groot Kwartier i awor tin 0.79 i ta number 1 ku ERA di 0.79. Elechero Francisca a kai na 3.15. Ela tuma 3 kareda den 1 inning kontra di Groot Kwartier djaweps. Lousandry Henriette di Santa Rosa Indians tin 1.86 i Chirstopher Petronilia tin 1.93. Cerilio Soleana alias Bonè tin 20 ponche tirá sigí pa Mairon Brunken (Wild Cats) ku tin 16 ponche. Je-andrick ku a pone rèkòrt resientemente di 11 ponche sigi kontra di Santa Rosa a kuminsá hunga Beisbòl ku 12 aña. Ela konta nos ku e tabata trein Futbòl na vèlt di Barber i un bala di Beisbòl a bin kai banda di dje. Je-andrick a kue e bala tira bèk pa Diegomar Markwell i mesora Diegomar a bise pa kuminsá train i asina ei Je-andrick a kuminsá ku Beisbòl i a kai den vários selekshon, entre otro selekshon di Intermediate ku hunga na Mundial na 2016.
* * * * *
Je-andrick a bira kampion ku Santa Maria den Dòbel A bou di direkshon di Ramiro Balentina na aña 2018. E temporada ei hungando den Hubenil tambe na edat di 16/17 aña. Na 2022 Je-andrick a hunga ku ekipo Groot Kwartier Stars. Un dje gran pichernan ku por ta tei den e parti final ku Royal Scorpions. Jeandrick lo tei te ku luna di sèptèmber na Kòrsou. Base por bolanan a kuminsa baha un tiki, pero mester bisa ku Ruderly Manuel di Wild Cats, un dje gran pichernan a tira 6 base por bola den dos inning kontra Santa Rosa Indians.
* * * * *
Marchena Braves a zona un kampanaso djaluna kontra di Santa Rosa Indians ku Andrelton Simmons den gran forma den relevo. Marchena a gana Santa Rosa 12 pa 9, Andrelton Simmons a tira 5 ponche den 4 inning. Ela tira 78 bala i algun di e lansamentunan ei a yega 90 mia. Ban bèk pa Slowpitch. Liga Di Nos Tur a start ayera na Frank Curiel Ballpark. Djasabra tin Liga 50 na Van Engelen Ballpark. 12’or ta Baranka vs Pitufos i 4’or ta Ban Serio vs Jaws. Wikènt tin 6 wega di Beisbòl Veterano na Vi Jansen Ballpark. Liga 60 ta sigi na Frank Curiel Ballpark djadumingu ku 3 wega. Nos ta keda te aki pa awe.
