Liga di Nos Tur 2023 dediká na Marie Windster i Dalilah Martina a sigi den Frank Curiel Ballpark i mas informashon di Sòftbòl i Beisbòl
WILLEMSTAD- Djabièrne 16 di yüni tabatin apertura di Liga di Nos Tur 2023 den Frank Curiel Ballpark. Ekiponan a desfilá subi tereno i a duna honor na Dalilah Martina di Shining Stars i Marie Windster di ekipo Sin Stress na ken e kampionato ta dediká. Tabatin palabra di presidente di Liga di Nos Tur ku ta Gurtney Jansen. Despues di e apertura ofishal tabatin dos Partido. Den e promé partido ekipo Sin Stress a dal e super kampion Un Kara duru ku skor di 18-5. Despues Shining Stars a dal Join Me 10 pa 5. Nos tin e numeritonan i pòtrèt di e apertura.
RESULTADONAN
Sin Stress 18, Un Kara 5
Sin Stress tabatin 16 hit i nan a kometé 1 eror. Marie Windster a gana i Junilla D’Arnault-Carlo a bai di 2-2. Solange Soliana i Dayenne Delando, ámbos a bai di 4-2. Susmailine Rifaela ku Dianara Pieternella, tur 2 a bai di 4-3. Susmailine Rifaela a konektá un homerun. Pa Un Kara 7 hit ku 8 eror. Mairis Obispo a pèrdè. Rubia Adelina, Minshenou Williams-Torregrosa, Rigxaira Bernabela-Poulina i Jeandrelika Pablo, tur a bai di 2-1. Curilma Carolina a bai di 3-2.
Shining Stars 10, Join Mi 5
Shining Stars a dal 13 hit i kometé 3 eror. Minerva Maduro tabata ganadó i Jossane Rosario a bai di 1-1. Marjanella Jozef a bai di 2-1. Ismairy Ignacia, Arnela Benilia, Yurienne Gonzalez, Zunaiska Hailand ku Minerva Maduro, tur a bai di 3-2. Join Mi tabatin 8 hit ku 4 eror. Louisse Ortega a resultá pèrdèdó. Judesca Kastaneer, Nohah Constancia, Suzanne De Hooi ku Mirugia Bernadina, tur a bai di 2-1. Luenchela Sophia di 2-2 i Mirugia Paulina a bai di 3-2.
Weganan di e wikènt aki a termina ku e sigiente resultado. Shining Stars 8 - Un kara 2, Sin stress 12- Chilling 11. Un kara 9 - Join Me 1. Shining Stars 8 - Chilling 4.
INFORMASHON DI SÒFTBÒL I BEISBÒL
Fanátikonan di Deporte Kòrsou, bon dia. Nos ta bai terminá otro wikènt kargá ku Slowpitch i Beisbòl Veterano. Liga Amstel ainda ta pendiente pa start ku play-offnan di 2022. Nos no a risibí nada ofishal ainda. Liga 50 si ku normalmente ta drei pareu ku Liga Amstel si ta drei zetá tur djasabra na Van Engelen Ballpark. Liga 50 ta yegando na final di buelta number 1. Despues di buelta number 2, 4 ekipo ta klasifiká pa despues hunga 1 vs 4 i 2 kontra 3 serinan mihó di 3. Final tambe ta seri mihó di 3. Weganan di djasabra 24 di yüni ta Ban Serio 37 - Catpower 3 (fuueeeerraaa!), Lions 12 - Pitufos 5, Marlins 9 - Artemisia 8. Jaws 7 - Flamboyan 0. Flamboyan/Tigers a pèrdè pa defolt. Esei siiii, no ta bon. Nos lo bini ku mas detaye den dianan benidero.
* * * * *
Ekiponan ku lo klasifiká den Liga 50 ta Baranka i Ban Serio atrobe. Baranka ta kampion di 2021 i 2022. Ban Serio tabata kampion na 2019, 2018 i 2017. Na 2020 debí na Covid no a terminá e kampionato. Ekipo Marlins i Jaws tin hopi chèns di bira number 3 i 4 respektivamente teniendo kuenta ku ekipo Flamboyan Tigers ku tin un bon ekipo, pero a kai atras ku rekòrt di 2-5. Temporada 2022 tabata ekiponan Baranka, Ban Serio, Jaws i Flamboyan Tigers ku a klasifiká. Tene kuenta ku ekiponan Jaws, Lions, Sluggers ta empatá na di 3, 4 i 5 lugá. Di dos buelta lo bira hopi interesante. Emmerick Agata di Baranka ta lider den bateo, Kelvin Winklaar di Ban Serio ta lider den RBI. Gino Valeriaan number 1 den ERA i Kenny Hellement lider den ponche tirá. Tantu Gino komo Kenny ta forma parti di ekipo Baranka.
* * * * *
Awe nos tin standing i lidernan den Beisbòl Veterano. Quality Stars 4-0, Santa Rosa Memories 4-0, Isla Crackers 3-1, Jandoret Raiders 3-1, Santa Maria 3-1, Azucar 2-2, Vosama 2-2, The Brothers 2-3, Yesterday 1-3, Marlins 0-3, Veterano Otrabanda 0-3, Marchena Stars 0-4. Bertrand Peters (Santa Maria) i Rochardo Davelaar (Vosama) ta lider den bateo ku .800, ta sigi Reginald Pieterz (Santa Rosa), Julius Veeris (Isla) i Chervin Maduro (Jandoret) ku .667. Betrand Peters ta lider den RBI tambe ku 11, sigí pa Dayron Puriel di Quality Stars ku tin 7 RBI. Dayron Puriel ta lider den picheo ku un ERA di 0.00 empatá ku Remy Cicilia di Santa Rosa. Verney Jansen di Santa Rosa Memories tin un ERA di 0.88, Ramses Jamanika (Santa Rosa) 1.31, Raylan Capella di Jandoret 1.56.
* * * * *
Raylan Capella ta lider den ponche tirá ku 12, Raymy Cicilia 11, Verney Jansen 6. Amador Nita (Santa Maria ) i Carl Jurrjens di Yesterday tambe tin 6. Djasabra 24 di yüni The Brothers a dal Otrabanda 7-0, Isla a nokout Vosama 12 pa 2 i Yesterday a derotá Azucar 6-2. Liga 50 ku lo tin 4 tim e aña aki lo start den buelta number 2. Ekiponan Jandoret, Yesterday, Otrabanda i Sigi Hunga lo tei atrobe den 50+ di Beisbòl. Miéntras tantu 60+ a start i nos a mira algun resultado riba Game Changer. Despues di e promé siman no tabatin resultado. Los Amigos a gana Nos Power 8-1, Jaws a gana Nos Tambe Por 3-2 i Pitufos a gana Sluggers 8-6. Kampionato ta dediká na Johannes Curie, Oswald Elisa, Hermenegildo Bernadina, Melvin Alexander i Luis Chaves. Djadumingu 25 di yüni pa 11’or Lions kontra Pitufos, 1’or Sluggers vs Curacao Super Stars, 3’or Nos Power kontra Jaws. Ekipo Nos Tambe Por tin barwacht i Los Amigos ta liber.
* * * * *
Tin rumor ku tin un otro ekipo di Santa Maria na kaminda pa loke ta trata Liga 60+. Nos no a risibí un notisia konkreto, pero keda pendiente pa mas informashon. Awe nos tin mas detaye di Liga di Nos Tur ku a start djabièrnè siman pasá den Frank Curiel Ballpark. Weganan ta sigi tur djabièrnè i djasabra riba e parke. E kampionato ta dediká na Marie Windster di ekipo Sin Stress i Dalilah Martina di ekipo Shining Stars. Apertura tabata impreshonante djabièrnè último na Frank Curiel Ballpark. Nos ke manda palabra di kondolensia na famia Jansen ku fayesimentu di Hubert D. Jansen, hòmber grandi den deporte, tata di Gurtney Jansen redaktor deportivo i hòmber di deporte pa hopi aña. By the way Baranka a dal Crazy Tigers ku skor di 20 pa 9 i bira kampion Liga 40 di kampionato 2022. Kampionato 2022 a terminá awor den 2023.
