5 ENTRENADÓ FEMENINO DI KÒRSOU A BIAHA PA ARUBA PA PARTISIPÁ NA E KNVB-UEFA ASSIST COURSE 2021!
WILLEMSTAD - Djabièrnè 28 di mei 2021, un total di 4 entrenadó femenino a sali pa Aruba pa partisipá na KNVB-UEFA Assist Course Dutch Caribbean 2021. E kurso aki lo mester a tuma lugá den luna di aprel último pero a keda kanselá pa motibu di Covid-19. Awor e lo kontinuá dia 29 di mei pa 6 di yüni 2021 na Aruba. Tihitsa Coffie, Sterre Noordhoek, Sephanyah Pedro i Shurylianne Leito a biaha awe mèrdia 2:45, pa partisipá na e kurso aki miéntras Riesmarly Tokaay lo biaha dia promé di yüni i djòin e sobra partisipantenan.
KNVB ku EUFA a uni i brinda oportunidat na entrenadónan femenino di Aruba, Boneiru i Kòrsou pa sigui un kurso di lisensia D. E kurso aki ta spesialmente pa tur entrenadó femenino desaroyá e parti tékniko pa entrená mucha muhénan di 13 aña i mas abou. Despues di a kompletá e kurso aki e entrenadó por sigui ku e kurso pa optené e diploma di lisensia C.
Pronto futbòl femenino por konta ku mas entrenadó pa sigui desaroyá nos hóbennan den futbòl femenino aki na Kòrsou.
FFK ta deseá tur e damanan aki éksito ku e kurso di KNVB-UEFA Assist 2021!
