ABC&S ta terminá djadumingu na Van Engelen Ballpark
WILLEMSTAD- E torneo Kopa ABC&S ku a start djarason 17 di mei na Van Engelen Ballpark a sigi dianan 18 i 19 di mei. Awe djasabra 20 di mei tin 4 wega di e buelta regular sigi pa weganan di playoff. 8 di e 12 ekiponan ku a partisipá ta klasifiká pa playoff. Den playoff ta stail di dal saka pa djadumingu mainta hunga e semifinalnan. Djadumingu 21 di mei ta e fecha final di e prestigioso torneo entre ekiponan di Slowpitch di Aruba, Boneiru, Sint Maarten i i Kòrsou. Djabièrnè atardi Superstars di Sint Maarten a dal Terremoto 5-0. Picher Vargas di Superstars tabata hermetiko tumando 4 hit i tira 8 ponche. Na mesun ora Swift tabata bapuliando Redskins Kudawecha ganando 20-0. Hopi fanátiko mes tur dia pa mira e weganan. Semi-finalnan ta 12’or i 2’or djadumingu mientras e gran final ta 4or entre e ganadónan di 12'or i 2’or.
Marlins i Ban Serio a gana den ABC&S 50+ na Boneiru
WILLEMSTAD- Marlins a laga Tigers Vets di Sint Maarten den tereno riba homerun di Skippy Sambo. Ban Serio a laga The Brothers di Boneiru den tereno djaweps ku skor di 9 pa 8 i gana Astros di 6 pa 2 djabièrnè. Ekipo Ban Serio ya a klasifiká pa semi-final i Marlins mester di un viktoria pa klasifiká.
Nonnie de Roon ta den gran forma Ban Serio i a tuma solamente un kareda den dos wega. Nonnie tin dos wega ganá pa Ban Serio. Na Punta Cana e ekipo Pitufos a klasifiká i Baranka a kai afó. Pitufos a bai riba Baranka pa diferensia i kareda den nan pul. Pitufos a klasifiká huntu ku Banbinos di Aruba den Grupo 2. De Grupo 1 te den oranan di atardi e standing tabata Puerto Rico 2-0, Jaws 2-1, Santo Domingo 1-1, Aruba 0-3. Por bini un tripel empate den e pul aki.
