Amstel Bright Premier Cup ta start djasabra 27 di yanüari na Van Engelen Ballpark
WILLEMSTAD- Djasabra 27 di yanüari 2024 e tradishon torneo Amstel Bright Premier Cup ta start na Van Engelen Ballpark riba tereno A i B. Ta di 10 Amstel Bright Premier Cup organisá pa Klup di Sòftbòl Cicoza ku ta yegando 48 aña di eksistensia.
Tantu djasabra komo djadumingu tin weganan riba tereno A i B. Lo ta liber riba fecha di Marcha Hubenil i e wikènt di Gran Marcha no tin wega. 75 ekipo den 10 kategoría lo kompetí den e torneo. Finalnan lo ta dia 10 di mart na Van Engelen Ballpark riba tereno A i B. Nos tin skema i mayan nos tin mas detaye.
RESULTADONAN FINAL FESTIVAL DI TUMBA 2024
Nota:10 finalistanan pa loke ta Tumba 2024;
ERA- Benoni
ERA- Ephrem J
Excellence- Jefdanney
Gentz- Raey
Highway Tico Libiee
Icons- Amos
Icons- Djuric
Icons- Irving
One- Dibo
One- Adjatay
------------------------
Tumba chistoso 2024:
Edion Booi- Eitras
-------------------------
Premio Beti Doran 2024:
Adjatay
-------------------------
Tumba original 2024:
Tera korda ken mi ta - Adjatay
----------------------
Areglo di 2 finalista:
Dibo Doran Randall Corsen
Prome finalista:
Dwight Leoneta -Raey
Mihó areglo :
Adjatay - Darrel Titi de Palm
---------------------
4 finalista: Tico Libiee
3 finalista: Tico Balentien
2 finalista: Dibo Doran
1 finalista: Raey Lauffer
Rei di Tumba Sherrel Adjatay Denisia-
Tera kordami ken mi ta
Tur kopa ABC ta na otro islanan den 2024
WILLEMSTAD – Despues di hopi aña no tin un Kopa ABC&S na Kòrsou. Na 2024 tur e torneonan aki lo tuma lugá na islanan Aruba, Boneiru i Sint Maarten. Classico 40+ lo ta na Boneiru ku partisipashon di ekipo Baranka di Kòrsou. Parse ku Edison Sambo a arma su ekipo Petro Amigos i lo bai ku un bòm di ekipo den Liga 40 pa hermana isla Boneiru. Kopa ABC&S 60+ lo tuma lugá na Aruba i na mes momentu lo tin 50+.
Tur e torneonan aki lo ta alrededor di 9 di mei ku ta dia di Ascencion. Na Boneiru lo tin un otro torneo riba nivel di 60+, pero esei ta titulá Dutch Caribbean Masters 60+. Esei ta e torneo ku a tuma lugá na Kòrsou organisá pa Los Amigos, kaminda ekipo Nos Tambe Por a titulá kampion lagando Pitufos komo supkampion i Jaws a keda na di tres lugá. Parse ku Nos Tambe Por, Pitufos i naturalmente Los Amigos tambe lo tei na Boneiru.
Invitashon ya a drenta di parti di Bonaire Stars ku ta organisá e torneo ei ku lo tuma lugá 4,5 i 6 di òktober, e wikènt promé ku Regatta. Kopa ABC&S di e hóbennan lo ta na Sint Maarten. I na Kòrsou tin e Golden Athlete Caribbean Championship Series ku lo tuma lugá den mei, pero ku no ta konsiderá ABC&S naturalmente. Ekiponan di República Dominicana, Aruba, Puerto Rico i Kòrsou lo partisipá na e torneo aki organisá pa Pitufos.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou, bondia. Nos ta den fin di yanüari bai pa kai den e temporada kandela di Karnaval. Pabien na e ganadonan di Festival di Tumb. Manera Festival di Tumba terminá, djasabra mainta ta start ku Amstel Bright Premier Cup organisá pa Cicoza. E torneo ta terminá te den mart 2024 i lo tuma lugá na Van Engelen Ballpark. Nos tin skema di e prome wikènt i naturalmente e flyer di Torneo Amstel Bright.
Hopi inskripshon pa loke ta trata Amstel Bright Premier Cup. Nos a papia ku Pim Fangman ku ta satisfecho mas o ménos ku e inskripshonnan ku a drenta. Ryan Isebia di Cicoza ta okupá ku trahamentu di pul di e diferente kategoríanan. Ta di 10 Torneo Amstel Bright organisá pa Cicoza ku kasi sigur ta den Kopa ABC&S ku lo tuma lugá dia di Ascencion ku ta 9 di mei. Ekiponan Swift, Terremoto i Cicoza t’adén i nos no a tende nada mas di e asuntu di Thrillers Dream Team. Nos no a risibí reakshon di miembronan di Swift i Terremoto ku ta enkargá ku ABC&S pa loke ta trata Kòrsou.
Jandoret Raiders a selebrá nan 28 aniversario djaluna 15 di yanüari den presensia di algun fanátiko i dirigente. Nos tabatin e historia di e ekistoso ekipo aki. Jandoret Raiders lo partisipá na Amstel Bright Premier Cup den e kategoría di 50+. Den 50+ ta sa ta ken ta ken, pa loke ta kambionan ku ta bai tin den Slowpitch den 2024. Vários hungadó ta hunga den un ekipo, pero ora kampionato start ta mira nan den otro ekipo. Den Liga 50 tin algun grandi ku no a duna OK ainda, entre otro Ban Serio i Baranka. Ekiponan manera Polis, Douane, Aqualectra no a mèldu ainda. Hopi di e timnan aki tin dirigentenan klave ku a hala kita pa otro organisashon òf a baha ku penshun ku tabata trèk e ekiponan aki.
Resientemente nos a mira Wilson Obispo riba Facebook. Wilson tabata un dje gran centerfieldernan di tur tempu di nos Beisbòl i un tremendo picher di Sòftbòl Fastpitch. Spencer Mills un tempu tambe tremendo outfielder di Blue Hawks ku a empuhá 9 kareda den un wega. Tempu bon di nos Beisbòl den Stadion di Rif ku awendia ta Stadion Johnny Vrutaal. Pa nos un hòmber hopi grandi mes den Beisbòl Dòbel A òf Beisbòl di historia ta Renato Anasagasti, ku tempu di su tempu a hunga tur selekshon i a keda mas aktivo den Dòbel A ku tur hungadó den historia di e deporte. Na 2019 Renato Anasagasti a drenta Salon di Fama huntu ku Wenny Jakoba pa loke ta trata Beisbòl.
Un dje grandinan di e deporte Beisbòl ta Wilfred ‘Willy’ Pietersz, tata di Djuric Pietersz. Willy a fayesé ku 34 aña den aksidente di outo na Banda Bou. E aña promé ku ela fayesé ku ta aña 1977 e tabata kampion bate di Beisbòl Dòbel A. Willy tabata picher tambe i a keda yamá mr. Baseball. Tur esnan menshoná ta den Salon di Fama. Nos ta keda te aki pa awe. Te mayan ku Poder di Dios.
%20copy.jpg)
