Artemisia vs Marlins den Liga 50 djasabra na Van Engelen Ballpark
WILLEMSTAD- Liga 50 ta sigi e wikènt aki sí na Van Engelen Ballpark. Siman pasá e weganan a para pa desaroyo di COVID-19. Artemisia lo topa ku Marlins den un wega kandela pa 12’or pm. Nos tin mas detaye i e medidanan di seguridat ku direktiva di Liga 50 bou di direkshon di Jerry Booi a tuma.
Direktiva ta supliká tur tim pa tene kuenta ku reglanan vigente di higiëna i mantené distansha sosial. Algun medida pa tene kuenta kune: * No por tin mas ku 15 hungadó den dugout simultaniamente * Liga lo sòru pa tin handsanitizer den dugout. * Ekiponan sòru pa den dugout hungadónan tin nan mondkapje. * Mester mantené distansia sosial riba tereno mas tantu posibel i sigur pafor di tereno. Liga 50 lo sigi monitoriá e situashon hopi djaserka den kontakto ku outoridatnan si mester lo tuma desishonnan mesora si tin algu. Direktiva ta konta ku boso i ku nos lo kuida otro den e tempu ku nos ta pasando di Covid 19 aki.”
Skèdjel Liga 50
Djasabra 5 di sèptèmber na Van Engelen Ballpark: 10.00 Sluggers – Jaws; 12.00 Artemisia – Marlins; 14.00 Catpower – Ban Serio; 16.00 Pitufos – Baranka/Sharks;
Skèdjel Beisbòl Veterano
Djasabra 5 di sèptèmber Na Vi Jansen Ballpark: 10.30 Jandoret – Vosama, 13.00 Isla Crackers – Veteranos Otrabanda i 15.30 Marchena Stars – Marlins. Djadumingu 6 di sèptember 10.30 Quality Stars – Azucar, 13.00 Santa Maria Pirates – Santa Rosa Memories i 15.30 The Brothers – Bulldogs. Naturalmente ta spera bon públiko na Vi Jansen Ballpark i mester bisa ku e distansia tei mirando ku hopi fanátiko ta keda leu den nan station den outfield den teritorio foul tras di primera base.
