Awe, djarason, 12 di mart den oranan di mainta ta hiba Erquiles ‘Boy’ Motor’ Cornelia na su último lugá di sosiegu
Historia kòrtiku den Beisbòl Veterano di Erquiles ‘Boy’ Motor ku a bai laga nos
WILLEMSTAD – Awe, djarason 12 di mart den oranan di mainta ta hiba Erquiles ‘Boy’ Motor’ Cornelia na su ultimo lugá di sosiegu. Kondolensia di ta 9or am pa 10.30 am na el Tributo i despues di respòns lo hiba e defuntu na su último lugá di sosiegu na Santana Katóliko na Roodeweg.
Nos ta algu di bida di Boy i den Beisbòl.
Na 2013 kampionato di Beisbòl Veterano tabata dediká na señor Erquiles Cornelia mihó konosí komo ‘Boy Motor’ i Medardo Isidora. Boy Motor a nase na febrüari 1940 den e bario di Marchena, ke men Boy a fayesé na e edat respetá di 85 aña, djaweps 6 di mart.
Un fanátiko di deporte ta un hende ku ta fiel, ku ta stima deporte, ku tin entusiasmo i dedikashon i ku ta asistí na kasi tur wega. Un fanátiko hopi biaha ta mará na un ekipo i ta bin wak wega ora su ekipo ta hunga. Pero e persona aki tei presente tur siman hasta ora nan ekipo no ta hunga. Na momentu ku menshoná e nòmber ‘Boy Motor’, tur hende sa ta ken, pasobra ta rònt Korsou konosé bou di e nòmber ei. Boy Motor ta fanátiko del alma di Royal Scorpions i Jandoret Raiders. Pero Boy ta fanátiko di bon beisbòl en general tambe.
Boy tabata bai Beisbòl Veterano un adén un afó, pero for di dia su yu Boy Chiki a hasi edat pa hunga den Beisbòl Veterano, Boy Motor tei tur siman. Boy ta yega for di mainta. Despues ku Jandoret Raiders a djòin Beisbol Veterano i su yu Edmar ‘Boy Motor jr.’ a djòin Boy a bira fiel fanátiko di Jandoret Raiders. Ku su chistenan i su komentarionan e ta pasa di grupo pa grupo. Boy ta trese un ambiente trankil dushi na su manera úniko den tribuna ora di weganan. E tempu ei e homenahe ofisial di Boy Motor tabata riba un djasabra mèrdia den Stadion Johnny Vrutaal. Beisbòl Veterano a gradisí no solamente Boy, pero tur e otro fanátikonan ku tur siman tei presente. Un parti prèt durante e seremonia: Tabatin orashon di Rudsel Schmidt i palabranan di presidente di Beisbòl Veterano Irving Evers. Remarkabel ta ku Boy Motor durante promé lansamentu a dal Medardo Isidora un deadball den pechu. Rèkòrt. Boy Motor tabata bon hungadó di Marchena Braves di fin di aña 50 i 60. Kore masha duru mes, pesei nan ta yame Boy Motor. Rèkòrt.
HOMENAHE TEMPORADA 2013
Boy a risibí hopi homenahe durante su tempunan komo ferviente fanátiko di Royal Scorpions komo di Jandoret Raiders. Ultimo añanan despues ku ela stòp di kore outo e no tabata bai weganan di Royal Scorpions mas, pero si weganan di Jandoret debí ku ta un bùs e ta kwe òf haña un left pa yega Vi Jansen Ballpark kaminda weganan di Jandoret tabata tuma lugá.
Boy tabata e fanátiko number 1 i tabata wak tur pero tur wega di Jandoret Raiders i no a laga e ekipo aki kai nunka te na momentu ku e mester a keda interná debí na malesa dos aña pasá. Kampionato 2013 di Beisbòl Veterano tabata dediká na Boy Motor i na hopi okashon Jandoret Raiders a duna Boy Motor homenahe i a entregá Boy Motor un plakat na momentu ku Jandoret Raiders a kumpli 25 aña di eksistensha i bira kampion. Boy Motor tabata bon hungadó di Marchena Braves den fin di aña 50 i 60. Kore masha duru mes, pesei nan ta yame Boy Motor. Algun aña pasa dia 18 di febrüari 2019 nos a deseá Boy Motor hopi aña mas di bida rumbo pa 80 e tempu ei. Boy Motor tata ‘still going strong’ kuidando kurpa, e no ta move aki aya mas. Nos brother a baha man na e bitternan tambe. Banda di kas na Toko Rimon durante oranan di mainta i move pa kas tempran. Esaki ta algu ku nos a skibi di Boy na febrüari 2019.
