Ban Serio a dal Pitufos durísimo den Sòftbòl Liga 50

Ban Serio a dal Pitufos durísimo den Sòftbòl Liga 50

WILLEMSTAD – Ban Serio a kibra invikto di Pitufos den Liga 50 ganando ku skor di 11-1 djasabra último na Van Engelen Ballpark. Ekipo Pitufos i Baranka tabata e dos ekiponan invikto i despues di weganan di djasabra ta solamente Baranka ta invikto. Den e otro weganan Marlins a derotá Sluggers 8-2, Jaws a gana Catpower 9-1 i Lions a dal Arthemisia duru 13-4.

Djasabra 15 di yüni
Jaws 9, Catpower 1
Jaws tabatin 7 hit ku 1 eror. F. Rosario a gana. J. Angelista, T. De Palm, S. Juliana i V. Caldera, tur a bai di 2-1. A. Leonora a bai di 3-2. Catpower a dal 4 hit i nan a hasi 6 eror. M. De Roon a pèrdè. R. Schidt a bai di 2-1. L. Alcantara ku N. Maat, ámbos a bai di 1-1.

Marlins 9, Sluggers 2
Marlins  dal 13 hit i kometé 1 eror. G. Henrietta tabata ganadó. R. Postina, G. Henrietta ku G. Zimmerman, tur a bai di 2-1. H. v/h Kruys i A. Vissers a bai di 1-1. J. Susanna a bai di 3-3. Pa Sluggers 6 hit ku 1 eror. E. Bakker a resultá pèrdèdó. O. Felicia, F. Esclodina i A. Leito, tur a bai di 2-1 i R. Pastor a bai di 2-2.  

Ban Serio 11, Pitufos 1
Ban Serio tabatin 16 hit ku 1 eror. M. Boekhoud a gana. E. Estanista i C. Van Thijs, ámbos di 2-1.
K. Winklaar ku M. Boekhoud di 2-2. J. Josepha, S. Rombley ku L. Pietersz, tur di 3-2. Pitufos a dal 5 hit i hasi 2 eror. E. Janga a pèrdè.  G. Zimmerman a bai di 2-1, A. Rafael ku E. Zinhagel di 1-1 i J. Duggan a bai di 2-2.

Lions 13, Arthemisia 4
Lions tabatin 20 hit ku 4 eror. G. Maduro a bai ku e viktoria. L. Rosa di 2-1. S. Marceli ku R. Leito, ámbos di 1-1. G. Maduro di 2-2. G. Bernadina, H. Lucas i E. Neuman, tur 3 a bai di 3-2. R. Trinidad ku R. Daal a bai di 4-3 i E. Thielman di 4-2. Pa Arthemisia 8 hit ku 3 eror. F. Lard a karga ku e derota. R. Baromeo, R. Allee i D. Marten tur di 2-1. F. Lard i C. Maynard a bai di 2-2.    

MAS INFORMASHON DI SÒFTBÒL I BEISBÒL

Fanátikonan di Deporte Kòrsou, bon tardi. Nos tei atrobe ku hopi informashon di Sòftbòl Slowpitch i Beisbòl Veterano. Parse ku Jetair a bati bankrut i un kantidat di nos hungadónan di Sòftbòl Femenino Veterano tabata na kaminda pa Sint Maarten ku Jetair. Aiaiai kon ta bai hasi. Te ku ayera ekiponan tabata man na kabes kon nan ta hasi yega Sint Maarten. Tin chèns ku ekipo di e otro paisnan tambe lo pasa na Kòrsou kue Jet Air i move pa Sint Maarten. Parse ku Gobièrnu a kai adén i di un manera òf otro lo obligá Jet Air pa duna e hendenan nan sèn pa nan por move pa Sint Maarten òf wak kon ta bai hasi. Un tutu kompletu loke ta pasando na e momentunan aki.  

‍
* * * * *
Awe mester start ku weganan di e torneo di Sòftbòl Femenino Veterano na Sint Maarten organisá pa Upsetters di Sint Maarten. E torneo ta di 19 pa 23 di di yüni i ta konta ku partisipashon di Aruba, Boneiru, Kòrsou, Sint Maarten i Hulanda. Ekiponan partisipante ta Upsetters (Sint Maarten), Dutch Lions (Hulanda), Mi Deseo, Nos Goso, Rising Phoenix i Treasure di Kòrsou. Di Boneiru tin ekipo Angels i Splash di Aruba. Ban spera ku lo bini bèk ku e asuntu di Jet Air aki. A yega tempu pa gobièrnu lanta un kompania di aviashon mirando e manera ku turismo i ekonomia ta kresiendo pa Kòrsou i komunikashon entre e ABC i Sint Maarten tambe a keda krese. Un kompania bon manehá no por pèrdè plaka asina feros ku ta bati bankrut fásil asina ei. Rèkòrt si e manera ku e kompanianan a kai unu tras di otro. ALM, Air ALM, DCA, Insel Air i awor Jet Air. Avionnan ta bula yen riba islanan ABC i otro destinashonnan pero tòg ta bai fayit un tas di otro. Hendenan normal lo bisa ‘Straño’.

‍
* * * * *
Situashon pa loke ta trata árbitro pa dirigí weganan di Beisbòl ta sigi tenso na Kòrsou. Durante e podcast di Extra Inning produsí pa Extra Productions djaluna, un di e hefenan di Umpire & Scorer Association Curacao (USAC), Kenneth Pieter a bati alarma i bisa ku no tin masha umpire disponibel pa dirigí weganan di Beisbòl na Kòrsou. USAC ta dirigí weganan di Hubenil, Klase A, Dòbel A i Beisbòl Veterano. Vários di e umpirenan aki ta umpayá Little League tambe i ta pendiente pa dirigí weganan di e kampionato di Karibe ku lo tuma lugá di 14 pa 21 di yüni den Stadion Post 6. Djadumingu último weganan di Beisbòl Veterano i sigun nos Hubenil tambe a keda suspendé.

‍
* * * * *
Beisbòl Veterano tabatin solamente un wega wikènt pasá i esei tabata riba djasabra. E weganan di djadumingu a keda supendé fo’i tempran, debí ku umpirenan a bisa den un karta nèchi ku nan no por kumpli dor ku nan no tin umpire pa kubri tur e weganan. Beveko ta buskando solushon i ta buskando umpirenan, pero ta bira difísil pa por ehèmpel umpirenan di The Greatest ku ta spesialisá den Sòftbòl i probablemente ta den otro liga i torneonanan ku ta bai start.  Un situashon realmente fèrfelu manera nos a menshoná. Ayera Beisbòl Dòbel a sigi ku wega entre Wild Cats i Royal Scorpions, dos grandinan di tur tempu den Beisbòl. Royal Scorpions ta e aktual kampion i ta ekipo ku tin mas título den historia di Beisbòl di Kòrsou pa loke ta trata Dòbel A.

‍
* * * * *
Djaweps tin Reunion General di BEVEKO pa atendé na serio ku e situashon den e liga, entre otro ekipo Flamingos i tambe e asuntu di umpire i start di Liga 50.  Wikènt benidero ta Quality kontra Yesterday ku ta dos ekipo invikto, lo tin tambe Jandoret Raiders kontra di Santa Rosa. Santa Maria kontra di Quality lo ta djasabra 6 di yüli pa 1’or, Quality kontra Santa Rosa Memories ta te dia 21 di yüli.  Isla vs Jandoret Raiders ta 30 di yüni.  Nos ta pendiente pa wak kiko ta bai pasa ku e torneo di Sòftbòl Femenino Veterano na Sint Maarten. Nos ta keda te aki pa awe. Te mayan ku Poder di Dios.

RESULTADONAN DI 50+ DI 8 DI YÜNI

Sluggers a sorprendé Flamboyan/Gamers i Ban Serio a gana Catpower

WILLEMSTAD- Sluggers a soprendé Flamboyan i logra nan di dos viktoria di kampionato 2024 den Liga 50, ganando ku skor di 9 pa 6. Den otro wega ekipo Ban Serio a logra nan promé viktoria di kampionato na momentu ku nan a gana Catpower 9-5. Ban Serio tabata atras 5-0 pero a bini bèk pa gana e wega. Den e otro weganan Baranka a blackout Artemisia 15-0.  Standing den Liga 50 ta Baranka 4-0, Pitufos, 4-0, Marlins 2-2, Jaws 2-2, Sluggers 2-2, Artemisia 2-2, Flamboyan/Gamers 2-2, Catpower 1-3, Ban Serio 1-3, Lions 0-4.

Sluggers 9, Flamboyan/Gamers 6
Sluggers a bati 12 hit i kometé 3 eror. E. Bakker a gana. N. Sloop ku W. Isidora, ámbos a bai di 2-1. A. Juliana ku H. Cicilia di 1-1. A. Leito di 3-2 i F. Esclodina di 3-3. Pa Flamboyan/Gamers 6 hit ku 1 eror. R. Garmers a pèrdè. E. Polonius, G. Juliet ku L. Lourens, tur di 2-1.

Baranka 15, Artemisia 0
Baranka tabatin 12 hit ku 1 eror. F. Pereira tabata ganadó. G. Bito, E. Agatha, F. Pereira i G. La Croes, tur di 2-1. E. Cornelia i J. Beaumont di 1-1. R. Ramazan ku C. Valeriaan di 1-1 i R. Casimiri di 3-2. Artimisia a dal 2 hit i hasi 4 eror. Fardey Lard a resultá pèrdèdó. R. Aldrin a bai di 2-1 i D. Charles di 1-1.

Jaws 5, MARLINS 1
Jaws a dal 6 hit i kometé 2 eror. F. Rosario tabata ganadó. D. Brathwaite ku C. Madera, tur 2 a bati di 2-1. F. Lambertina di 1-1 i F. Rosario di 3-2. Marlins tabatin 4 hit ku 2 eror. F. Henrietta a resultá pèrdèdó i J. Susanna a bai di 2-2.

Ban Serio 9, Catpower 5
Ban Serio tabatin 9 hit ku 1 eror. M. Boekhoud a gana. E. Estanista ku R. Cabrera a bai di 1-1 i R. Casimiri di 3-2. Catpower a dal 10 hit i hasi 2 eror. I. Francees a pèrdè. R. Angela, M. de Roon ku V. Demali, tur di 2-1. E. Virginia ku O. Brunken, ámbos di 2-2 i W. v/h Kruys di 3-2.

‍