WILLEMSTAD- Liga 40 a sigi djaweps último na Van Engelen Ballpark. Baranka a gana Swift ku skor di 3-2, ku picheo atrobe di Raylison ‘Sontje’ Gijsbertha. Den otro wega Twister a dal Jaws 15 pa 9 i Gamers a gana Cicoza 17-7. Standing di Liga 40 ta Gamers 7-2, Baranka 6-2, Swift 5-4, Cicoza 4-4, Twister 3-6 i Jaws 1-8.
Liga 40
Baranka 3, Swift 2
Baranka tabatin 4 hit ku 1 eror. Sontje Gijsbertha a gana i David Kirindongo a bai di 1-1. Ryan Ogenio, Raymond Leonora ku Gerald Zimmerman, tur a bai di 2-1. Pa Swift 6 hit ku 1 eror. J. Del Rosario a pèrdè. Stanley Girigori a bai di 2-1, Wilkin Lockhart a bai di 2-2 inkluyendo 1 homerun i Emilio Velarde a bai di 3-2.
Twisters 15, Jaws 9
Twisters a dal 14 hit i kometé 3 eror. H. Antonia tabata picher ganadó. S. Kleinmoedig ku D. Reinita, ámbos a bai di 2-1. Gilbert Emperador a bai di 2-2. A. Minguel, Thierry. Goeloe, Reinaldo Elcock ku H. Antonia, tur a bai di 3-2. Jaws tabatin 13 hit ku 3 eror. Eran Neuman a bai di 1-1, C. Toppenberg di 2-1, Furgion Booi di 3-2, Dudley Felicia di 3-3 i C. Volk a bai di 4-2.
Gamers 17, Cicoza 7
Gamers tabatin 17 hit ku 1 eror. F. Rosario Moreno a bai ku e viktoria. Byron Kook ku Jair Quant a bai di 2-2. E. Gonzalez i Fernando Rosario a bai di 4-2. T. Hollander ku C. Sint Jago, ámbos di 3-3 i R. Imperator a bai di 4-1. E. Gonzalez, C. Sint Jago i R. Imperator, tur a konektá 1 homerun. Cicoza a dal 11 hit i nan a hasi 1 eror. Jeremy Obispa a karga ku e derota i e mes a bai di 1-1. Myson Cathalina tambe a bai di 1-1. Dayron Puriel ku G. Martina a bai di 2-1, ámbos. Julius Veeris a bai di 3-2 i Yurendell de Caster a bai di 3-3.
Dennis D’Arnault gran hungadó i personahe di Sòftbòl i Beisbòl a bai sosegá
WILLEMSTAD- Djabièrnè, 18 di òktober 2024, den oranan di mèrdia, Extra Inning a risibí e notisia ku Dennis D’Arnault (56), gran hungadó di Sòftbol Slowpitch/Fastpitch, Beisbòl i Beisbòl Veterano a bai sosegá.
Dennis tabata sufri di kebrante di salu último lunanan i a alehá poko for di deporte. Te ku 2023 Dennis tabata hopi aktivo riba tereno di Sòftbol i Beisbòl. Dennis ta yu di e konosido èks coach i hungadó di Beisbòl i Vòlibòl Henky D’Arnault.
Dennis ta trahadó i hungadó di ekipo Aqualectra pa hopi aña. Dennis a hunga den ekipo Catpower, Baranka, Dalpega, Jandoret Raiders, Telepoint Tigers i Crazy Tigers (40+). Yesterday, Quality Stars i Isla Crackers den Beisbòl Veterano. Alpha Zelbo, Blue Hawks i Wild Cats den Beisbòl Dòbel A.
Dennis a studia i hunga Beisbòl na nivel haltu na Hulanda pa hopi aña. Persona hopi yega na nos ku nos ta kombersá kun’é i ku su tata Henky konstant. Forsa na kasá, yunan, tata, mama i demas famia di Dennis D’Arnault. Entiero lo tuma lugá djabièrnè 25 di òktober.
Lesadónan di Deporte , bondia i felis siman. Den luna di òktober naturalmente ta luna krusial pa deportenan Sòftbòl Slowpitch i Beisbòl Veterano pa loke ta klasifikashon. Den Liga 50 Ban Serio a logra gana di Baranka ku skor di 6 pa 2. Jair Josepha tabata grandi atrobe ku homerun pa Ban Serio gana. Ramiro Balentina tabata den akshon pa ekipo Baranka den e derota. Tabata e promé wega di e estrea Ramiro Balentina ku e ekipo di Baranka i ela hunga shortstop. Ekipo Sluggers a gana Catpower ku skor di 8 pa 7 i Jaws a dal Artemisia 15-6. Ekipo Sluggers a terminá number 7 i lo topa ku Pitufos ku a terminá number 4. E otro seri di wild card lo ta Baranka ku a terminá number 5 kontra di Flamboyan/Gamers ku a kaba number 6.
* * * * *
Djasabra awor, 26 di òktober lo tin e weganan di wild card na Van Engelen Ballpark. Pa 12’or ekipo Sluggers lo topa ku Pitufos i despues pa 2’or Baranka lo topa ku Flamboyan Gamers. Djadumingu pa 2’or ganadó di e weganan menshoná lo topa otro pa saka e number 4 ku lo bai topa ku number 1 ku ta ekipo Marlins. Number 2 ta ekipo Jaws ku lo topa Ban Serio den e semi-final. Probablemente e gran final lo kuminsá dia 9 di novèmber. Varios hungadó di Sòftbòl lo move ku ekipo Los Amigos pa Medellin na komienso di novèmber. Ekiponan tantu di Liga 50 komo 60 lo sinti falta di algun hungadó.
* * * * *
Promé nos sigi pabien na tur e fanátikonan di Yankees na Kòrsou, Aruba, Boneiru, Sint Maarten, Hulanda ku ta sigi nos. Yankees a gana e seri kontra Cleveland Guardians. Juan Soto tabata grandi ku homerun di 3 kareda den kabes di e di 10 inning djasabra anochi pa asina Yankees bai ariba 5-2 i gana e wega ku e skor menshoná. Promé ku e homerun ei tabata otro homerun, den e kaso aki homerun di 2 kareda di Jean Carlo Stanton den di 6 inning. Jean Carlo Stanton a bira MVP ku 4 homerun den 5 wega. E tabatin un average di .222 ku 4 hit den 18 turno i 7RBI. E 4 hitnan di Jean Carlo Stanton tabata homerun. Soto a bati 7 hit den 19 turno i un average di .368 ku 3 homerun i 6 RBI. Nos a mira Juan Soto (komo MVP) komo un hungadó ku a move bon den tereno i un average muchu mas haltu i e tambe tabatin homerunnan krusial. Den World Series New York Yankees lo topa ku Los Angeles Dodgers. Dodgers a gan Mets relativamente fasil 10 pa 5 djadumingu.
* * * * *
Nos a risibí resultado di weganan di Liga 40 ku a tuma lugá djaweps último. Gamers a dal Cicoza duru ku skor di 17-7, Twister a dal Jaws 15-9. Dos siman pasá Jaws a zona un kampanaso riba Gamers. Tabata úniko wega ku Jaws a logra gana e temporada aki i tabata kontra e ekipo number 1 riba e standing ku ta Gamers. Den e último wega di djaweps pasá Baranka a gana di Swift ku skor di 3-2. Tene kuenta ku Baranka ta kampion di temporada 2022 i 2023. Na 2021 tabata Swift ku tabata kampion ku Emilio Velarde komo picher den final tirando 10 ponche i despues Velarde a stop di picha den Liga 40 ku ta tuma lugá den siman anochi. Standing di Liga 40 ta Gamers 7-2, Baranka 6-2, Swift 5-4, Cicoza 4-4, Twister 3-6 i Jaws 1-8.
* * * * *
Ekipo Santa Rosa a gana di Pichingolo pa pasa pa final kontra ekipo Souax den Sòftbòl Femenino Dòbel A. Ta di promé aña den 49 aña ku Pichingolo no ta den un final. E di 3 wega di e semi-final a tuma lugá djasabra na Sabana Ballpark dilanti un púbiko grandísimo. Djadumingu final a start entre Souax i Santa Rosa. Sigidónan di deporte por wak e weganan via e plataforma di e vários medionan soshal konosí aki na Kòrsou. Djadumingu Souax a gana di Santa Rosa ku skor di 3-0. Nos ta keda te aki pa awe i te mayan ku Poder di Dios.
