Baranka i Ban Serio a gana den play-off Liga 50
WILLEMSTAD- Baranka a gana Marlins 12-2 i Ban Serio a gana Jaws 7-6 den play-off semi-final Liga 50 djasabra 2 di novèmber na Van Engelen Ballpark. Bon publiko pa mira e weganan. Djadumingu 3 di novèmber ta Jaws vs Ban Serio pa 12’or pm i despues 2’or pm ta Marlins vs Baranka.
Gamers a dal Twisters 15 pa 1 i keda na promé lugá den Liga 40
WILLEMSTAD- Gamers ku un ofensiva bárbaro di 17 hit a nòkout Twisters ku skor di 15-1. Ku e viktoria aki ekipo Gamers a keda na promé lugá ku rèkòrt di 8-2. Baranka ta na di dos lugá ku rèkòrt di 7-2. Baranka a dal Jaws durísimo 21-1 djaweps último. Den e otro wega Cicoza a gana Swift 13-10. Falta algun wega mas pa Liga 40 start ku play-off djaweps 7 di novèmber. Standing up to date di Liga 40 ta Gamers 8-2, Baranka 7-2, Cicoza 5-4, Swift 5-5, Twisters 3-7 i Jaws 1-9. Kampionato ta 10 wega i falta un wega mas pa terminá kampionato regular.
Gamers 15, Twisters 1
Gamers a konektá 17 hit i hasi 2 eror. Fernando Rosario a gana. Ryan Imperator, Jair Quant, Fernando Rosario i Christian Sint Jago, tur a bai di 3-2. Kevin Boekhoudt a bati di 3-3. Fernando Rosario ku Ryan Imperator a konektá 1 homerun. Twisters a dal 2 hit i hasi 4 eror. Siegfried Gijsbertha tabata e picher pèrdèdo. Raychal Francisca a bati di 1-1 i Gino Costino di 2-1.
Cicoza 13, Swift 10
Cicoza a dal 13 hit i hasi 1 eror. Jeremy Obispa tabata e picher ganadó. Julius Veeris i Senny Petronella a bati di 3-3. Michelangelo Celestina a konektá un homerun. Swift a konektá 13 hit i kometé 2 eror. Carlos Gil a bati di 3-3. Wilkin Lockhart, Gideon Sambo, Dimitri Leon i Leroy Antonia a bati di 3-2. Gideon Sambo a konektá un homerun.
Baranka 21, Jaws 1
Baranka a bati 18 hit i nan a kometé 2 eror. Raylison Gijsbertha tabata e picher ganadó. David Kirindongo a bati di 3-3, Wilfred Reinita i Jair Josepha a bati di 4-3, Charles Merite di 2-2. Eldred Estanista a konektá un homerun. Jaws a bati 4 hit i hasi 2 eror. Gurtney Adriana a pèrdè i Ingemar Soerka a bati di 1-1.
Teksto pa pòtrèt:
Gamers ku viktoria di 15 pa 1 riba Twisters i asina keda na promé lugá.
Baranka kampion 2022 i 2023 a gana i ta na di dos lugá.
Thrillers a dal X-Treme duru ku skor di 26 pa 7 den Liga Amstel
WILLEMSTAD – Thrillers ku bateo feros di 29 hit a dal X-Treme duru ku skor di 26 pa 7 di Liga Amstel. Den e otro wega Gamers ku a terminá number 1 den Liga Amstel a gana un otro grandi ku ta Terremoto 14-11. Terrepower a gana Sugar pa defolt 7-0. Djadumingu 2 di novèmber Sugar a bolbe pèrdè pa defolt. Nan apèrdè pa defolt kontra Gamers. Sugar tabata falta un wega ganá pa klasifiká i ta pèrdè dos wega sigi pa defolt. Djasabra 2 di novèmber a hunga Gamers vs Sugar (defolt). X-Treme vs Cicoza i Thrillers vs Terremoto.
Thrillers 26, X-Treme 7
Thrillers tabatin 29 hit i nan a hunga sin eror. Jermaine Esprit a gana. Shayron Sambo, Ruel Matrona, Ericson Senior ku Julius Veeris, tur a bai di 1-1. Aldair Daal a bai di 2-1. Swindley Lint ku Rochendrik Alexander, ámbos di 3-2. Reyhan Fecunda a bai di 3-3, Juruengelo Thielman ku Argenis Daal tur 2 a bai di 4-3, Marvin Lodowika di 5-3 i Railison Liberia di 5-4. Aldair Daal ku Rochendrik Alexander, ámbos a konektá 1 homerun i Reyhan Fecunda a konektá 2 homerun. Pa X-Treme 12 hit ku 4 eror. Gerion Jakob a pèrdè. Jurich Marlin ku Shevis Domacasse a bai di 2-1, R. Kook ku Q. Martha di 3-2 i J. Pasqual a bai di 3-3. Q. Martha a konektá 1 homerun.
Gamers 14, Terremoto 11
Gamers a dal 12 hit i hunga sin eror. Emilio Lugo Velarde tabata ganadó i e mes a bai di 1-1. Stanley Girigori tambe a bai di 1-1. Johendry Rifaela ku Sergei Leon, ámbos di 2-1, Isaac Palencia di 2-2, Kevin Boekhoudt di 4-2 i Darwin Blanquicett a bai di 3-3. Kevin Boekhoudt a konektá 1 homerun. Terremoto tabatin 16 hit ku 3 eror. Gedion Noor a resultá pèrdèdó i Laishenel Lacruz a bai di 1-1. Jelvisson Martis i Regino Winklaar, tur 2 a bai di 2-1. Tahir Martis, Carlos Rosario Peña i Farley Lard, tur a bai di 3-2 i Luis Veloz a bai di 4-3. Tahir Martis a konektá 1 homerun.
Terrepower a gana Sugar pa defolt 7-0.
Teksto pa pòtrèt:
Thrillers a dal X-Treme durísimo ku skor di 26-7.
Fanátikonan di Deporte Kòrsou, bon dia. Awe nos tin resultado di Liga Amstel i Liga 40 i un ñapa di play-off 50+ Un biaha mas pabien na fanátikonan di Dogders, Los Angeles Dodders a gana e World Series 4-1 di Yankees. . Ta trata aki di e di 119 World Series den historia. World Series a start na 1903 ku ta masha hopi aña mes, siglo pasá ruman.
* * * * *
Play-off di Liga 40 ta start dia 5 di novèmber i play-off di Liga Amstel tin chèns di start dia 8 di novèmber. Den Liga 40 ekiponan ku ya a klasifiká ta Gamers, Baranka Cicoza i Swift tambe lo klasifiká. Den Liga 50 djaabra 2 di november, Baranka a dal Marlins 12-2 i Ban Serio a gana Jaws 7-6. Di dos wega di play-off di e serienan menshoná ta sigi djadumingu 3 di november.
* * * * *
Play-off Liga 60 ta sigi djadumingu 3 di novèmber, 2’or na Frank Curiel Ballpark kaminda ekipo Lions ku a gana Pitufos den e seri 3 vs 4 lo topa ku Nos Tambe Por ku a pèrdè kontra Jaws den e seri 1 vs 2. Jaws a pasa pa final ku lo start dia 10 di novèmber. Liga 60 interesante e aña aki atrobe i ekipo Jaws ta den final for di 2012, ke mèn 13 aña sigí den final. Na añanan 2016 i 2017 Los Amigos a kita e título for di Jaws i despues Jaws a gana e título atrobe na 2018. Na 2019, 2020 i 2021 ekipo Nos Tambe Por ku a keda fundá na 2018 a bira kampion. Jaws ta kampion na 2022 i 2023 di Liga 60.
* * * * *
E picher Gregory Martijn a presentá den gran forma pa Lions gana di Pitufos pa medio di blankeo 4-0 djadumingu 27 di òktober na Frank Curiel Ballpark. Gregory Martijn a permití solamente 3 hit den 7 inning di labor. Di otro banda Janchi Cicilia i Lesley Martina a picha bon , pero ekipo Lions a konektá hitnan oportuno pa bai ku e viktoria. Den e wega di Nos Tambe Por kontra di Jaws un wega ku tabata kayente kaminda Jaws a bai dilanti 4-0, pero poko poko pero sigur ekipo Nos Tambe Por a nota su karedanan pa empatá e wega na 4 den bòm di e di 6 inning. Winston Kirindongo tabatin un homerun di dos kareda durante e wega. Rigo Thode tabata e picher ganadó. Ela relevá Riley Toppenberg den di 6 inning. Den kurso di otro siman nos tin resultado di e weganan ku a tuma lugá djadumingu.
* * * * *
