Baranka ta gana Ban Serio 9 pa 5 i klasifiká pa final Liga 50
WILLEMSTAD - Ekipo Baranka a klasifiká pa final ganando di Ban Serio ku skor di 9 pa 5 dilanti un públiko grandi djasabra atardi na Van Engelen Ballpark.
Kenny Hellement tabata grandi atrobe pichando wega kompletu pa bai ku a e viktoria komo picher. Kenny a habri i sera tur e 3 weganan di semi-final pa Baranka kontra Ban Serio. Tico Ramazan èks Ban Serio tabatin un grandslam klave pa Baranka den e viktoria. Fisel Pereira i Gregory Reina tambe a dal homerun pa Baranka.
Frensel 'Tucu' Martinus tabata e picher pèrdèdó pa Ban Serio. Play-off final entre Baranka i Pitufos lo ta djasabra 2or i djadumingu awor pa 12’.30 or na Van Engelen Ballpark. Ta trata aki di un seri mihó di 3. Si e seri empatá lo hunga un wega finalísimo djasabra 4 di désember pa 2’or pm na Van Engelen Ballpark.
