Den Liga Amstel
Bombers ta empatá ku Cicoza na promé lugá
WILLEMSTAD- Djasabra 28 di ougùstùs kampionato di Liga Amstel a kontinuá na Van Engelen Ballpark ku un total di 4 wega. Den e promé wega Bombers ta gana Terremoto 7 pa 2 i di e forma ei ta empatá na promé lugá ku Cicoza ku a pèrdè. E otro resultadonan riba e dia tabata Gamers 14, Cicoza 10; X-Treme 7, Sugar 4 i Thrillers 19, Terrepower 11.
RESULTADONAN
Bombers 7, Terremoto 2
Bombers tabatin 7 hit i nan a hunga sin eror. Alexander Rodriguez a gana. Risandro Pastor a bai di 2-2.
5 hungadó a bai di 3-1. Shuremy Fornerino ku Alexander Rodriguez a konektá 1 homerun kada unu. Pa Terremoto 3 hit ku 1 eror. Gedion Noor a pèrdè. Robertico Ramazan a bai di 2-1. 3 hungadó di 3-1.
Gamers 14, Cicoza 10
Gamers a dal 15 hit i kometé 1 eror. Emilio Velarde a gana. Wally Kopra a bai di 3-3. Darwin Blanquicett ku Kevin Bokhoudt, ámbos a bai di 3-2. Jonjendri Rifaela i Rhiency Imperator di 4-2 ámbos. Madison Ortega a bati di 1-1. Darwin Blanquicett, Kevin Boekhoudt i Wally Kopra, tur a konektá 1 homerun. Cicoza tabatin 14 hit i nan a hunga sin eror. Andley Simmons a pèrdè. Germain Genaro, Ryan Ilario, Andley Jansen ku Eldrion Regina, tur a bai di 4-2. Rupert Eustacia a bati di 2-1. Andley Simmons ku Germain Genaro, ámbos a konektá 1 homerun.
X-Treme 7, Sugar 4
X-Treme a bati 12 hit i nan a hunga sin eror. Jose Obispa tabata picher ganadó. Rutherson Ustacia a bai di 3-3, inkluyendo 1 homerun. Swindly Lint a bai di 2-2. Geriyon Jakob ku Jurich Marlin, ámbos bai di 2-1. Pa Sugar 9 hit ku 1 eror. Dicson Jose Acosta Caridad a resultá pèrdèdó. Dicson Jose Acosta Caridad, Rafael Leal Lopez ku Segundo Jose Contin Ventura, tur a bai di 3-2. Dennis Puertas di 2-1. Rafael Leal Lopez a konektá 1 homerun.
Thrillers 19, Terrepower 11
Thrillers tabatin 20 hit i nan a hunga sin eror. Jermain Esprit a bai ku e viktoria. Erickson Senior, Bertrand Peters ku Railison Liberia, tur a bai di 3-3. Norangelo Jacobus ku Jermain Esprit, ámbos a bai di 3-2. Dursley Ignacio di 2-2, Argenis Daal di 4-2. Bertrand Peters, Jean-Mark Casillo, Erickson Senior ku Raymond Leonora, tur a konektá 1 homerun. Terrepower a dal 16 hit i nan a hasi 1 eror. Rolando Castro Arias a karga ku e derota. Jonaikel Castro Arias a bai di 3-3. Alexander Henrietta ku Carlos Daniel Rosario Peña, ámbos a bai di 3-2. Alfry Agramonte Reyes di 2-2 i Gillomar Giterson di 4-2. Derrel Laken ku Enrique Madera Pimentel, tur 2 di 1-1. Alexander Henrietta a konektá 1 homerun.
Teksto pa pòtrèt:
Bombers ta empatá ku Cicoza na promé lugá ku 6 ganá i 2 pèrdí.
Cicoza a kai vensí kontra Gamers ku skor di 14 pa 10.
