Bright Premier Cup ta start awe djabièrnè 4 di mart na Van Engelen Ballpark

WILLEMSTAD-  Amstel Bright Premier Cup ta bèk i ta start awe djabièrnè 4 di mart na Van Engelen Ballpark. Ekiponan di Modified, Liga 50, Soshal, Soshal Habri i COED lo kompetí. Skèdjelnan ya ta klá den tur katerogía.

Organisadónan Cicoza tin tur detaye klá pa start e torneo.

 Awe djabièrnè tin 3 wega. Pa 7.15 pm SBAB lo topa ku Douane den Soshal, sigí pa 8.45 pm SBAB kontra SOAB den COED. Segidamente UoC lo topa ku The New Radiator den Soshal Open. Kasi 50 ekipo a inskribí pa partisipá den e torneo.  E organisadónan Cicoza a manda tur detaye, regla i skèdjel pa ekiponan e siman aki.

Swift selebrando 50 aña ta den e parti modified di e torneo.
‍
Baranka kampion Liga 50, un dje grandinan den torneo Amstel Bright.
Jandoret Raiders tei komo ekipo invitado speshal den e parti di 50+.
SBAB, un dje grandinan i fundadó di Torneo Soshal.
Libu Stars den Torneo Amstel Bright. Djadumingu awor nan lo ta den akshon.
Ta spera hopi akshon e simannan benidero.
Mas akshon durante Torneo Amstel Bright.
Ekipo Trillers un dje fuertenan den Modified.
Cicoza tambe ta partisipá naturalmente.

‍

‍