Broncos vs Quality Stars i Yesterday kontra Santa Rosa djadumingu 13 di òktober
WILLEMSTAD- Beisbòl Veterano ku ta den fase final di buelta regular ta sigi ku algun wega kayente e wikènt aki na Vi Jansen Ballpark. Djadumingu tin dos wega kayente na momentu ku ekipo Broncos topa ku Quality Stars pa 1’or i Yesterday hunga kontra Santa Rosa pa 3.30. Ekipo Broncos mester di viktoria pa sigurá nan klasifikashon i Quality mester sigi gana pa keda na promé lugá.
Yesterday tin chèns chikí pa terminá number 4 ganando di Santa Rosa Memories, miéntras un viktoria pa Santa Rosa ta nifiká ku nan a terminá na di 4 lugá. Skema kompletu di e wikènt ta djasabra 12 òktober pa 11.00 Santa Maria – Marlins, (Santa Maria a dal Marlins duru 12-0) 15.30 Otrabanda - Azucar. (Azucar a baha pisá riba Otrabanda 15-1). Djadumingu 13 di òktober 13.00 Broncos – Quality Stars, 15.30 Santa Rosa – Yesterday. 11’or am ta Otrabanda vs Energy den Liga 50+. Standing ta Santa Maria Pirates 16-2, Quality Stars 15-2, Isla Crackers 12-3, Santa Rosa Memories 11-5, Yesterday 9-7, Broncos 8-9, Jandoret 6-11, Azucar 5-13, Marlins 4-13, Veteranos Otrabanda 4-13, Azucar 5-13 i Flamingos 0-10.
Cicoza a gana Terremoto den Liga Amstel i Ban Serio a gana Pitufos den 50+
WILLEMSTAD- Liganan Amstel i 50+ a sigi djasabra ku 7 wega na Van Engelen Ballpark. 3 wega di Liga Amstel i 4 wega di Liga 50. Den Liga Amstel, Cicoza a gana Terremoto 15 pa 9 den un wega ku Cicoza a bini bek i nota 11 kareda den nan último 3 inningnan. Terrepower a gana X-treme 15-8 i Thrillers a dal Sugar 23-13.
Den 50+ Ban Serio a gana Pitufos 9 pa 5, Marlins a derotá Sluggers 4-2. Jaws a zona Catpower 10-0 i Lions a derotá Artemisia. 9-4.
Resultadonan dia 5 di òktober
Cicoza a gana Terrepower 11-7 i Gamers a dal Thrillers 13-4 den Liga Amstel
WILLEMSTAD – Liga Amstel a sigi dia 5 di òktober ku 3 wega na Van Engelen Ballpark. Ekipo Cicoza ku a empatá na di 5 lugá riba standing a gana di Terrepower ku skor di 11 pa 7. Roderick Bernadina a konektá 2 homerun den e viktoria di Cicoza. Den otro wega Gamers, kampion di temporada 2023, a dal Thrillers, un tempu super kampion, ku skor di 13-4. Den e di tres wega di djasabra último Sugar a derotá Terremoto 10 pa 5. Standing up to date den Liga Amstel ta Terremoto 7-1, Gamers 7-2, Thrillers 5-3, Sugar 5-4, Cicoza 5-4, X-Treme 1-8 i Terrepower 0-9.
Cicoza 11, Terrepower 7
Cicoza a dal 13 hit i hasi 2 eror. Picher ganadó tabata Adrian de Freitas. Myson Cathalina a bati di 1-1, Roderick Bernadina di 3-2, Rainer Polonius di 5-3 i Ryson Polonius di 4-2. Roderick Bernadina a bati 2 homerun. Rainer Polonius, 1 homerun.Terrepower a konektá hit i kometé 3 eror. Roland Castro Arias tabata e picher pèrdèdó. Raino Coran a bati di 3-3, Jonaikel Castro Arias i i Nathaneal Gonzalez di 4-2. Raino Coran a konektá 2 homerun.
Gamers 13, Thrillers 4
Gamers a bati 13 hit i hunga sin eror. Alexander Rodriguez tabata e picher ganadó. Dimitri Leon a bati di 2-2, Jonjernhi Rifaela i Alexander Rodriguez di 3-2. Kevin Boekhoudt a konektá un homerun.
Thrillers a bati 8 hit i hasi 2 eror. Rochendrick Alexander tabata e picher pèrdèdó. Argenis Daal a bati di 2-2. Carlton Daal di 3-2.
Terremoto 10, Sugar 5
Terremoto a bati 9 hit i hunga sin hasi eror. Jeandre Pereria do Tanque tabata e picher ganadó. Jeandre Pereira do Tanque a bati di 2-2. Zaino Everette di 3-2, Luis Veloz, Regino Winklaar i Tahir Martis di 2-1. Regino Winklaar a konektá un homerun. Sugar a bati 8 hit i kometé 4 eror. Dicson Acosta tabata e picher pèrdèdó. Adam Adames a bati di 3-3, Rafael Lopez Leal di 4-2 i Dicson Acosta di 2-1. Adan Adames a konektá un homerun.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou bon dia i bon siman. Kon a bai ku Dia di Pais Kòrsou (101010). Sòftbòl Slowpitch i Beisból Veterano ta sigi den wikènt na Van Engelen Ballpark, Vi Jansen Ballpark i Frank Curiel Ballpark. Beisbòl Veterano i Liga 60 a anunsiá ahuste riba nan skema, pero mester apuntá ku e weganan ku tabata programá, ta sigi normal i a pone fecha nobo di e weganan ku a keda suspendé den luna sèptèmber i siman pasá na komienso di óktober. Djadumingu awor tin 2 wega di Liga 60 na Frank Curiel Ballpark. Den e promé wega ekipo Lions lo topa ku Curacao Super Stars i despues Pitufos lo topa ku Jaws. Den e 2 weganan tres ekipo ku a klasifiká play-off lo ta den akshon. Nos tin algun resultado di Liga Amstel i Liga 50 ku a tuma oluga djasabra 12 di òkober na Van Engelen Ballpark.
• * * * * *
Ekiponan ku a klasifiká ta Nos Tambe Por, Jaws, Pitufos i Lions. Ekipo Lions a laga bon impreshon atras na Boneiru den e Dutch Caribbean Championship Master 60+. E ekipo Lions tabata úniko ekipo ku a klasifiká pa semi-final invikto. Den e wega di semi-final nan a kai vensí kontra di Bonaire Stars. Lions tabata ganá pa gran parti di e wega, pero den e parti final Boneiru a rèli den e último dos inningnan pa gana e wega ku skor di 8 pa 5. Lions a klasifiká pa play-off den Liga 60 na Kòrsou nèt algun dia promé ku nan move pa Boneiru. Nos Tambe Por a klasifiká na di dos lugá den nan pul i bira kampion na Boneiru. Na Kòrsou Nos Tambe Por a klasifiká na promé lugá den e kampionato regular. Nos tambe Por a defendé e título Dutch Caribbean ku nan a gana na Kòrsou na òktober 2023.
• * * * * *
Jaws ta kampion di 2022 i 2023 despues ku Nos Tambe Por tabata kampion na 2019, 2020 i 2021. Pitufos a hunga final aña pasá kontra ekipo Jaws. Djadumingu 20 di òktober lo hunga e weganan ku a keda suspendé dia 1 di sèptèmber, dia ku un palu di awa a kai na Kòrsou. Djadumingu 20 di òktober ta 11.00 Nos Power – Sluggers i 13.00 ta Los Amigos – Curacao Super Stars, 3’or Nos Tambe Por – Lions. Esei ta Liga 60 ku ta halando basta atenshon tur djadumingu den Frank Curiel Ballpark i tambe tabata kargá ku fanátiko durante e Dutch Caribbean Championship master 60+ aya na Boneiru.
• * * * * *
Saludo pa Siegfried Lopez ku a bira MVP den e gran final na Boneiru entre Nos Tambe Por i Bonaire Stars. Lopez a blankiá e fuerte ekipo di Boneiru kargá ku hungadónan Latino bibá aya ku skor di 5-0. Ta solamente un koredó a yega tersera durante e wega. Nos Tambe Por a bria ku nan defensa di infield i outfield ku tabata hermétiko. Bateo a funshoná tremendo despues ku Nos Tambe Por a pèrdè nan promé wega kontra Lions den apertura di e torneo. Despues a gana 4 wega sigí, 3 pa nòkout i e final 5-0 kontra di Boneiru.
* * * * *
Beisbòl Veterano ta sigi den wikènt ku 4 wega di 40+ i un wega di 50+ na Vi Jansen Ballpark. Djasabra 13.00 ta Santa Maria Pirates – Marlins (12-0 pa Santa Maria) , 15.00 Otrabanda – Azucar (15-1 pa Azucar) djadumingu 11’00 ta Otrabanda vs Energy (50+), 13.00 Broncos – Quality Stars i 15.00 Santa Rosa vs Yesterday. Wega di Jandoret vs Broncos ta krusial pa klasifikashon di Broncos i pa otro siman djasabra 19 di òktober, Broncos lo topa Jandoret Raiders den un wega ‘do or die’ pa tur dos ekipo ku ta luchando pa klasifiká number 6 den Beisbòl Veterano.
* * * * *
Standing di Liga 50 Sòftbòl ta Marlins 15-3, Jaws 13-4, Ban Serio 12-5, Pitufos 10-7, Baranka 10-7, Flamboyan/Gamers 9-8, Sluggers 6-11, Artemisia 5-12, Catpower 4-13 i Lions 2-16. Ekiponan ku ya a klasifiká ta Marlins, Jaws, Ban Serio, Pitufos, Baranka i Flamboyan. Lo tin un lucha den lat aki entre ekiponan ku ta luchando pa klasifiká number 7 ku ta Sluggers i Artemisia. Ultimo weganan di buelta regular ta dia 19 di òktober i play-off entre 7 vs 4 i 6 vs 5 lo ta dia 26 di òktober. Orarionan lo ta 12’or i 2o’r. Nos ta keda te aki pa awe i te djaluna ku Poder di Dios.
