WILLEMSTAD- Resientemente Sòftbòl Klup Cicoza a entregá premionan individual i premio na ekiponan ku a destaká den Amstel Bright Premier Cup 2025. Tabata na Van Engelen Ballpark durante Torneo Hope ku dirigentenan di Cicoza a bini i entregá e premionan. Nos tin vários pòtrèt di e entrega di premio.
Liga 60
Kampion: Nos Power.
Supkampion: Los Amigos.
Liga 50
Kampion: Jandoret Raiders.
Supkampion: Ban Serio.
Liga 40
Kampion: Cicoza.
Supkampion: Bombers.
Soshal Maskulino
Kampion: FDDK.
Supkampion: Brandweer.
Modified
Kampion: Swift.
Supkampion: Bright Stars.
COED Corporate
Kampion: Corendon.
Supkampion: SOAB.
COED Open
Kampion: The New Radiator.
Supkampion: Tune Squad.
Soshal Open
Kampion: The Living Legend.
Supkampion: Bala Brothers.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou, bon tardi. Awe nos tin skema di Torneo Hope di wikènt benidero, entrega di premio di Amstel Bright Premier Cup i tambe Torneo Kid Boca Chica i pendiente pa Torneo di Quality Stars ku lo tuma lugá fin di aprel na Vi Jansen Ballpark. Despues di e torneo na Vi Jansen Ballpark ta sigi play-off entre number 1 kontra 4 i 2 kontra 3. Quality Stars organisadó di e torneo a terminá number 1, Santa Maria Pirates number 2, Isla Crackers number 3 i Yesterday number 4 despues ku nan a gana den apelashon di nan protesta. Tin rumor ku Santa Rosa Memories a bai wes, pero no tin konfirmashon di un ke otro. Tin rumor tambe ku isla no ta partisipa na play-off i nos a tende ku tur ekipo ke hala atrasi start kampioanto di nobo. Torneo Quality Stars si ta ON i 6 ekipo lo partisipa. Ekipo isla no ta partisipá den Torneo Quality Stars.
* * * * *
Ekipo Jaws a bira kampion di Torneo Kid Boca Chica 60+, djadumingu. Nan a gana Lions ku skor di 5-4. Den dianan benidero nos tin mas detaye. Ban pa Liga 50. Djaluna 7 di aprel tabatin un reunion general kayente aya na sede di SSK. Direktiva ke kambia e kuerpo di arbitrahe i tin algun ekipo ku tabata kontra. Despues di votashon ku ta pro òf kontra desishon di direktiva, e 10 ekiponan a vota 5 na fabor i 5 kontra. Lo bai negoshá ku e kuerpo di umpire pa wak ku nan ke sigi un aña mas bou di maneho di e direktiva di Liga 50 i sigiente aña lo tin un kuerpo di umpire dirigí pa direktiva di Liga 50. Kampionato ta programá pa start dia 3 di mei na Van Engelen Ballpark ku 4 wega. Lo tin weganan e djasabranan 10, 17 i 24 di mei. 31 di mei lo no tin wega debí ku Van Engelen Ballpark ta okupá ku ABC&S entre e hóbennan di paisnan ABC i Sint Maarten. Tambe ekiponan di Liga 50 Ban Serio i Marlins lo representá Kòrsou den Kopa ABC&S na Sint Maarten.
* * * * *
Tin rumor ku The Greatest lo move pa Aruba den ABC&S 40+. Nos a skibi ku Baranka no tei mas den 40+ i parse ku The Greatest lo tuma over. Nos lo bai konfirmá ku dirigentenan, pero ta algun dia pasá nos a risibí e informashon ku The Greatest lo tei den e Classico 40 ku ta e kompetensia ABC&S 40+. Nos ta keda te aki pa awe.
Cicoza a entregá premio di Amstel Birght Premier Cup 2025
