Cicoza ku dos viktoria sigí den ABC na Sint Maarten
WILLEMSTAD- Cicoza a gana Swift 8-4 djaweps i derotá Sluggers 10-8 djabièrnè den Kopa ABC ku ta tumando lugá na Sint Maarten. Djabièrnè anochi Cicoza mester a enfrentá Super Stars. Den otro wega Happy Brothers di Aruba ku a bin fuertísimo a dal Terremoto duru ku skor di 18-3. Nos ta pendiente pa mas resultado. Djasabra tin play-off entre e promé 6 ekiponan ku klasifiká. 8 ekipo ta kompetiendo den e kopa ABC&S na Sint Maarten.
Flamboyan Tigers di spònser a entregá unifòrm na hungadónan
WILLEMSTAD- Djarason anochi ekipo di Liga 50 Sòftbòl Flamboyan/Tigers a entregá unifòrm na hungadó i dirigentenan. E entrega a tuma lugá na Hòfi di Beny na Oude Caracasbaaiweg. Flamboyan Tigers ta un dje ekiponan fuerte di Liga 50 ku tur aña ta den e grandinan i den pasado a bira supkampion na dos okashon.
50+ ABC&S
Den kontinuashon di Kopa ABC&S 50+ na Aruba djabierne, ekipo Astros a dal Dragons17 pa 4. Ban Serio a gana The Brothers 9 pa 1. Miro Daal tabata picher ganadó. Reinaldo Casimiri a bati di 3-2 i ta sigi bati e bala fuerte. Despues Astros a dal Dragons di Boneiru 23-0. Marlins ta sigi invikto i nan a gana Tigers di Sint Maarten 9-4. Mayron Martinus a bati di 3-2 i ta sigi ku bon bateo na Aruba.
GOLDEN ATHLETE CARIBBEAN CHAMPIONSHIP SERIES
Den Golden Athlete Championship Series ekipo Nos Power a gana Pitufos 6-3 den oranan di mainta. Los Prados a gana di Aruba den oranan di mainta. Pa awe mainta 9.30’or Nos Power ku a klasifiká number 2 lo topa ku Florsheim di Aruba ku a sali number 3. Despues pa 11.15’or ekipo Los Prados ku a sali number 1 lo topa ku Pitufos ku a terminá number 4. E weganan aki ta semi-final di 60+. Weganan di play-off 50+ no ta konosí ainda. Wega final di 60+ ta djadumingu mainta.
Mainta 11’or i 1’or djadumingu tin final di 60+. Pa 3’or tin entrega di premio i 3.30’or tin animashon musikal bibu na Post 6. Despues ta sigi wega entre Estreno di Pikete i Vivas sigí pa wega di Kicking Ball pa sera e torneo.
%20copy.jpg)
