Clase Aparte a entrega unifòrm na hungadónan na Around the Clock
WILLEMSTAD – Djarason 2 di novèmber ekipo Clase Aparte ku ta moviendo den gran forma den Liga van Engelen a entregá unifòrm nobo na su hungadónan. E entrega a tuma lugá na Convenience Store ‘Around the Clock’ na Winston Churchillweg skuin dilanti di Casa Cesar na Rio Canario.
Ei ta e sitio kaminda deportistanan ta bin kombersá i relahá despues di wega i buska loke mester. Clase Aparte ta moviendo tremendo e aña aki den Liga van Engelen i ta number 3 rekòrt di 9-4, tras di ekiponan Swift i Jaws. Clase Aparte tin 31 aña di eksistensia.
