Crazy Tigers ta pika dilanti den play-off semi-final Liga 40
WILLEMSTAD- Crazy Tigers a dal Gamers ku skor di 13 pa 2 (nòkout) den e promé wega di semi-final di Liga 40 ku a tuma lugá djaweps anochi den Van Engelen Ballpark. Djamars,12 di òktober Crazy Tigers a elminá Baranka ganando ku skor 13 pa 5. E play-off semi-final ta sigi djamars awor ku wega number 2 di e seri semifinal entre Crazy Tigers i Gamers. Swift ta den final pendiente di e ganadó entre Crazy Tigers i Gamers.
SEMIFINAL
Djaweps 14 di òktober
Crazy Tigers 13, Gamers 2
Crazy Tigers a dal 12 hit i hunga sin eror. Jermaine Esprit a gana i David Kirindongo a bati di 3-3 ku dos homerun. Stanley Palm a dal un homerun. Gamers a bati 6 hit i kometé 4 eror. Rudney Gamers tabata e picher pèrdèdó i Wally Kopra i Patrick Wagner a bati di 2-2.
Djamars 13 di òktober
Crazy Tigers 13, Baranka 5
Crazy Tigers tabatin 14 hit ku 3 eror. Julius Veeris tabata picher ganadó. Dennis D’Arnault, Stanford Landburg, Jermain Esprit, Kevin Boekhoudt ku Luigi Yanez, tur a bai di 3-2. Julius Veeris a bai di 2-1. Roderick Zimmerman, Michelangelo Celestina ku Fhurgion Booy tur a bai di 3-1. Stanford Landburg ku Jermain Esprit, ámbos a konektá 1 homerun. Pa Baranka 10 hit ku 2 eror. Kenrick Hellement tabata pèrdèdó. Charlton Merite a bai di 2-2. Glendomar Davelaar ku Jair Josepha a bai di 2-1. Gerald Zimmerman di 1-1. Merieldo Trinidad, Raymond Leonora, Eldred Estanista, Erling Gosepa ku Edmar Cornelia, tur a bai di 3-1. Charlton Merite a konektá 1 homerun.
