Di spònser pa RBC Royal Bank
Curacao Little League Foundation ta organisá kurso básiko pa umpire di Little League
WILLEMSTAD – Di 31 di yüli pa 2 di ougùstùs, Curacao Little League Foundation ta organisá un kurso básiko pa umpire di Little League. E kurso lo ta pa hóbennan for di 13 aña (hóbennan di Little League) te ku adulto mayor di tur edat. RBC Royal Bank spònser prinsipal di Little League ya pa 20 aña kaba ta spònser e kurso i material pa e kurso kompletu. Djamars 14 di yüli, Curacao Little League Foundation i District Administrator a reuní ku e kuerpo di umpire enkabesá pa Sendley Martina ku lo ta enkargá ku desaroyo i duna lès/intrukshon di e kurso di umpire básiko aki. Na final di e kurso e umpirenan lo risibí un sertifikado. RBC i Curacao Little League Foundation manera semper ta pone hopi énfasis riba formashon di e hoben. Den e kaso aki lo bini ku un novum na Kòrsou kaminda for di edat hóben ta forma e umpirenan p’asina nan yuda engrandesé e Little League i despues den e beisbòl engeneral ku arbitrahe. Inskripshon ta habri for di awor pa e kurso. Inskripshon ta limitá, ke men inskribí mas lihé posibel via abcumpirecamp@gmail.com òf yama Sendley Martina na 561-3770, Kenneth Pieter, 522-2701 òf Carol de Palm sr. na 685-0104.
