Beisbòl - Curacao Prospect League ku torneo internashonal i Homerun Derby

Curacao Prospect League ku torneo internashonal i Homerun Derby

‍

WILLEMSTAD - Den kuadro di 3 aniversario Curacao Prospect League (CPL) lo bai organisá su promé torneo internashonal kombiná ku e Homerun Derby kustumbrá, kual lo tuma lugá den e siman di 14 pa 20 di novèmber próksimo. Partisipashon di ekipo for di Republica Dominicana, Aruba i 2 Akademia di Kòrsou ku ta Curaçcao Prospect League i JQ Academy (Jordan Quan) Lo tin 2 kategoria: e promé ta hóbennan ku edat di Little League, e otro ta hóbennan ku edat di Senior. Pa loke ta trata e divishon di Little lo tuma lugá na Frank Curiel Ballpark i esun di Junior na Tio Daou Ballpark.

Lo bai tin 3 wega pa dia na tur 2 parke. Weganan na Frank Curiel lo ta 3 or, 5or i 7or i Na Tio Daou Ballpark lo ta 2or, 4or i 6or Apertura i Desfile lo Ta na Frank Curiel dia 14 pa 6or i despues e 2 ekiponan di Korsou lo bai enfrenta otro. Bin mira nos hungadónan ku a representá Kòrsou na Williamsport no huntu pero kontra di otro. Ku e ekipo di Curacao Prospect League (CPL): Davey-Jay Rijke, Jay Wiel, Jaythan Cordilia, Kyshore Hinkel, Reangelo deCaster, Jaydion Louisa i Emery Hansen Ku e ekipo di JQ Academy: Joshua Acosta, Alexander Provavia, Shemar Jacobus, Jayliard Emperador i Deshawn Bonifacio.