Direktiva di T-Bòl Sylvio “Cascarita” Leonora sòftbòl ta gradisí i ta yama danki

                             

Liga  T-Bòl Sylvio “Cascarita” Leonora ta un liga instrukshonal di sòftbòl espesialmente pa mucha muhé  den kual muchanan entre 5 pa11 aña di edat ku ta bai dal nan promé stap den direkshon di e deporte di sòftbòl.

Barionan ku a partisipá na di XXI kampionato e aña aki ta:

Buena Vista,  Domi , Soto , Souax i Suffisant ku a dibertí tur djabièrnè anochi  i djasabra den luna di Sèptèmber riba e Parke di sòftbòl di Buena Vista.

UN SUPER DANKI ta bai na prome luga na Sra. Cicely van de Dijs i Sra. Isonette Polonius di VANDDIS BV ku ta e sponsor prinsipal i tambe sr.Min. Ruisandro Cijntje ku tambe tabata un di e sponsornan (CTB) Asina ku direktiva por a organisa e di 21 kampionato di T- bol 2023 e aña aki.naDirektiva di e liga ta gradisí i yama danki na tur  coachnan di diferente bario  pa e dedikashon, amor , pasenshi i e  edukashon duna na tur mucha pa e di  XXI kampeonato  liga Sylvio “Cascarita” Leonora, ku tabata un éksito rotundo.  

Un danki ta bai tambe na famia Leonora ,  FFDK i Sr.  Wendley ‘Chape” Bernardus di FUKODEP ku a sòru di marka i prepara e tereno, tur djabièrnè i djasabra den luna di sèptèmber. Tambe un danki ta bai na Sra. Rigmayra “Poeni” Poulina & crew ku a soru pa e mayornan  por a kumpra algu na kushina na un preis di famia.

KLOUSURA den Caribbean Cinemas.

Sponsornan a soru pa djasabra 30 di sèptèmber pa tur 90 mucha huntu ku nan coachnan disfrutá den Carribean Cinemas di un pelikula special pa mucha kompaña ku nan  popcorn i softdrink .

‍