Djadumingu awor último weganan di buelta regular di Liga Streanan di Ayera
WILLEMSTAD- Liga Streanan di Ayera a sigi ku dos wega kayente wikènt pasá na Muizenberg Ballpark. Djadumingu awor tin e último dos weganan di kampionato regular, pa despues start mesora ku play-off. Djadumingu 10 di òktober, Nos ku Nos a gana Golden Girls 6 pa 2. Despues tabatin e klèsh di Liga Streanan di Ayera, kaminda Treasure a gana Tur Goso 2 pa 1. Fanátiko, kòrda djadumingu awor Marlene ta warda boso pa bin gosa i difrutá di e 50plusnan Femenino Veterano den akshon.
RESULTADONAN
Nos ku Nos 6, Golden Girls 2
Nos ku Nos a dal 5 hit i nan a kometé 4 eror. Grace Girigorie tabata ganadó. Nadine Franciska a bai di 2-2 i Suyenne Otto di 1-1. Mirugia Bernadina ku Joyceline Green, ámbos a bai di 2-1. Golden Girls tabatin 3 hit ku 2 eror. Candida Gregorius a resultá pèrdèdó. Elvira Steenbaar, Ida Pepin ku Jenny Sambo, tur a bai di 2-1.
Treasure 2, Tur Goso 1
Treasure tabatin 5 hit ku 3 eror. Enid Hooi a gana. Xiomara Francisca a bai di 3-2, Marelyn Martis di 2-2 i Rartina Agard a bai di 2-1. Pa Tur Goso 5 hit ku 2 eror. M. Leito a pèrdè. Melisa Rosalina, Leonise Avastia, Fatima Muskus, M. Basilio, tur a bai di 2-1. S. Vales a bai di 3-1.
