Ekipo Lions 60+ a sera aña na Aruba serka amigunan
WILLEMSTAD- Ekipo Lions 60+, un dje grandinan di Sòftbòl Veterano, tabata na Aruba serka amigunan pa sera aña i rekordá tempunan grandi di Beisbòl i Sòftbòl. Algún siman pasá Lions a bai serka hungadó i dirigentenan di ekipo Boomerang i a sera aña ofishalmente aya na Aruba. Ekipo Lions lo bin mas fuerte den Liga 60 temporada 2022 i lo ta den e promé 4-nan atrobe rumbo pa nan promé título. Dirigentenan di e ekipo no kier a laga e nòmbernan ku lo ta den 60+ den 2022. Lions ta deseá tur fanátiko di Sòftbòl Veterano un Felis Aña 2022.
Pitufos rumbo pa 60+ den Sòftbòl tambe a sera aña
WILLEMSTAD- Siman pasá ekipo Pitufos tambe a sera aña 2021. Ekipo ku den 2022 lo tin ekiponan den Liga 50 i 60+ a sera aña na kas di Boy Constancia na Boca Sami. Varios di e hungadónan ku lo ta den 60+, tabata presente i nan a selebrá alabés e sup título di 50+.
