Ekipo Los Viajeros den gran forma den torneo na Cali i resultadonan 50+
CALI - Ekipo Los Viajeros ku ta konsistí di vários veterano di Sòftbòl a biaha pa Cali djadumingu último. E torneo a start dia 4 di yüni i lo terminá dia 8 yüni. Los Viajeros di Kòrsou a gana dos wega sigí i ayera mester a hunga wega number 3. Los Viajerso a gana di Cali 21-4, Baranquitla 12-7 di Aruba 26-10, Isla San Andres 8-7 Vários hungadó konosí di Liga 50 i 60 di Kòrsou a hasi e biahe. Den kolumna nos tin mas detaye.
Marlins ta gana Lions i Jaws a dal Ban Serio
WILLEMSTAD- Liga 50 a sigi djasabra último na Van Engelen Ballpark. Den e promé wega Marlins a gana Lions ku skor di 13-1. Despues a sigi e wega entre Jaws i Ban Serio kaminda Jaws a gana Ban Serio relatívamente fásil ku skor di 16 pa 8. Ban Serio, ekipo super kampion, no tin viktoria den e kampionato aktual. Den wega number 3 di djasabra Baranka a nòkout Flamboyan 11-1. Pitufos, ketu bai invikto ku rèkòrt di 4-0 a dal Sluggers 13-3. Standing up to date di Liga 50 ta, Pitufos 4-0, Baranka 3-0, Marlins 2-1, Flamboyan/Gamers 2-1, Artemisia 2-1, Jaws 1-2, Catpower 1-2, Ban Serio 0-3, Lions 0-4. E aña aki e promé 7 ekiponan den Liga 50 lo klasifiká.
RESULTADONAN
Marlins 13, Lions 2
Marlins tabatin 14 hit ku 2 eror. Lionel Li a gana. Jurgen Susana a bai di 2-1, Rignald Martina di 2-2. Amarildo Coffie, Irving Sambo ku Eddy Obispo, tur a bai di 3-2 i Roderick Postina di 4-3. Pa Lions 5 hit ku 3 eror. Geralton Martha a pèrdè. Carlos Liberia di 2-1. Juny Pieter, Robert Trinidad ku Eran Neuman, tur di 1-1.
Jaws 16, Ban Serio 8
Jaws a dal 13 hit i nan a kometé 2 eror. Edison. Sambo tabata ganadó. Chervin Maduro a bai di 2-1 i Lesley Fer di 1-1. Arlyson Sommer a bai di 2-2, Edison Sambo di 3-2 i Fransje Lambertina di 4-2. Ban Serio tabatin 10 hit ku 5 eror. Miro Daal a resultá pèrdèdó. Nato Anasagasti a bai di 2-1 i Byron Kook di 1-1. Ali Rodriguez di 2-2, Reinaldo Casimiri di 3-2 i Jair Josepha di 3-3.
Baranka 11, Flamboyan 1
Baranka tabatin 9 hit ku 3 eror. Kenny Hellement a bai ku e viktoria. Sendley Reina a bai di 2-1, Myron Wijman di 3-2 i Edmar Cornelia di 4-2. Flamboyan a bati 6 hit i hasi 6 eror. Chines Li a karga ku e derota. Stanley Palm ku Robertico Castillo, ámbos a bai di 2-1 i Gerton Matrona di 2-2.
Pitufos 13, Sluggers 3
Pitufos a dal 15 hit i kometé 2 eror. Sidney Lourens a gana. Jurwin Duggan, Ericson Windster ku Omar Valies, tur a bai di 2-1. Orsendo Clemencia, Edward Janga ku Sidney Lourens tur di 1-1. Gerald Zimmerman, Richenel Juliana ku Terry Rosina, tur 3 a bati di 3-2 i Sor Moesquit di 2-2. Sluggers tabatin 7 hit ku 6 eror. Claifson Domacasse a pèrdè. Percy Gosepa a bai di 2-1. Ivan Constancia, Junny Marselia, Norman Sloop ku Eldred Bakker, tur di 1-1 i Raymond Lieuw di 2-1.
MAS INFORMASHON DI SÒFTBÒL I BEISBÒL
Lesadonan di Deporte Kòrsou, bon dia i felis wikènt. djarason 5 di yüni den Stadion Ergilio Hato nos a gana di Barbados ku skor di 4-1 i djasabra 8 di yüni nos selekshon lo hunga kontra di Aruba na Aruba. Pa loke ta trata e problemanan rondo di FFK, direktiva , moshon di deskonfiansa, FIFA, nos ta laga esei pa esnan ku ta sigi Futbòl. Un konfushon kompletu ruman. Ban pa Sòftbol i Beisbòl rápidamente, debí ku tabatin bastante moveshon den fin di siman entre otro Diamond Stars League, Liga 50, Liga 60 i Beisbòl Veterano.
• * * * * *
Djasabra siman pasa nos tabata na Van Engelen Ballpark i a wak un bon wega di training entre selekshon Intermediate i hungadónan di Curacao Prospect League. Naturalmente den Curacao Prospect League di Yurendell de Caster tin algun hungadó di selekshon Intermediate di Liga Pabou. E wega a tuma lugá riba vèlt B na momentu ku tabatin wega entre Marlins i Lions pa loke ta Liga 50. Marlins a gana Lions ku skor di 13-1. E wega tabata 1-1 te den habrida den inning number 5. Marlins a nota 3 kareda den kabes di e di 5 i 9 den kabes di e di 6 inning. Marlins su rèkòrt a bira 2-1 miéntras Lions a bira 0-3.
• * * * * *
Den e sigiente wega ekipo Jaws a sorprendé Ban Serio ganando ku skor di 16 pa 8. Ban Serio a kometé 5 eror. Arlyson Sommer a bati di 2-2 pa Jaws. Arlyson ‘Galichi’ Rodriguez a bati di 2-2 pa Ban Serio. Edison Sambo tabata fuerte pa ekipo Jaws komo picher i a gana tirando relatívamente fásil. No tabatin homerun den e wega aki ku e bala nobo. Normalmente tin bòshi homerun den e weganan aki. Miro Daal tabata e picher pèrdèdó. Baranka a pasa fásil riba Flamboyan ku picheo di Kenny ‘Refuse to Lose’ Hellement. Myron Wijman a bati di 3-2. Pitufos ku ta invikto a dal Suggers fásil 13-3. Pitufos ta invikto ketu bai i Baranka tambe ta invikto. Pitufos ta pendiente di nan estrea ku ta Roderick Zimmerman ku lo kumpli 50 aña pronto.
• * * * * * *
Nos Goso a gana Treasure 10 pa 6 Den Diamond Stars League i final a start djasabra anochi kaminda Rising Phoenix a gana wega number 1 di e wega final ku skor di 6-1. Pa loke ta e wega di djabièrnè 31 di mei, Carlientje Cleopa tabata e picher ganadó djabièrnè i Vanessa Winklaar a bati di 3-3. Emily Jonis a konektá homerun. Nos Goso a dal 11 hit i hasi 2 eror. Treasure a bati 10 hit i kometé 4 eror. Un públiko grandi tabata presente djabièrnè pa mira e wega. E seri final di The Diamond Stars League ta entre Nos Goso i ekipo Rising Phoenix.
* * * * * *
Den Beisbòl Veterano ekipo Isla Crackers a gana di Santa Rosa Memories den un tremendo partido djasabra mèrdia na Vi Jansen Ballpark. E wega a terminá ku skor di 6-5 riba hit di Quincy Kook. Isla tabata ganá 4-0 i despues 4-1, pero Santa Rosa a bini bèk bon i nota 4 kareda den kabes di e di 6 inning i tabata ganá 5-4 te den último inning. Isla Crackers a nota dos kareda riba hit di Quincy Kook pa laga Santa Rosa den tereno ku Ramses Jamanika pichando. David Kirindongo i Jules Veeris a bati di 3-2. Isla a usa 4 picher i Roderick Eustatia a resultá e picher ganadó. Dayron Puriel, Stanford Landburg i Felix Ibañez tambe a picha pa Isla. Quality Stars a gana Jandoret Raiders 6-0.
• * * * * *
Djasabra wega entre Broncos i Yesterday a keda suspendé pa motibu di umpire. Djadumingu Veterano Otrabanda a dal Flamingo 14-9. Djadumingu Jandoret Raiders a hiba e gran fanátiko Marelyn ‘Linchi’ Bekeer na su último lugá di sosiegu. Gran fanátiko sigur pa mas ku 10 aña di Jandoret Raiders na Vi Jansen Ballpark. Nos ta keda te aki pa awe.
%20copy.jpg)
