FDOK ta rekomenda tur su miembronan pa bai bakuná
WILLEMSTAD - Pa mas ku un aña kaba e pandemia di COVID-19 ta asotando mundu kompletu, i nos aki na Kòrsou no ta un eksepshon. E situashon di COVID-19 ta un pandemia ku mundialmente a kosta
kantidat grandi di bida humano, i riba tereno deportivo tantu lokal komo internashonala kousa un stankamentu total. Direktiva di FDOK ta siguiendo di aserka e desaroyonan di COVID-19 ku hopi atenshon.
Den e kuadro aki ta konsehái motivá tur deportista i dirigentenan pa mas tantu posibel bai bakuna.E idea ta pa yega na e momentu ku 85% di nos poblashon ta bakuná, di manera ku esei por duna posibilidat pa nos aktividatnan deportivo por tin kontinuidat den forma responsabel pa pueblo en general. Federashonnan miembro di FDOK den pasado a yega di instituí diferente protokòl i tin diferente modelo ku ta fet ku nos ambiente deportivo lokal.
Direktiva di FDOK ta deseá deportista,dirigentenan i personanan ku ta interná aktualmente na CMC of na kas ku ta kontagiá ku COVID-19 un pronto rekuperashon i tambe ta manda palabranan di kondolensia na tur famianan deportivo ku nan sernan kerí di un forma repentino a bai laga nan. Ban mantené positivismo, hasi bon uso di nos kreatividat durante di e periodo di “lockdown” presente i ban spera ku mas pronto ku ta posibel e sifranan di kontagionan por baha, pa di e forma aki Kòrsou por rebibá den normal i denun forma responsabel. BAN SKAPA BIDA, BAN BAKUNA.
Un saludo deportivo, G. CharlesDirektor FDOK
