FEBEKO a tene konferensia di prensa en konekshon ku playoff final di Beisbol Dòbel A ta start djadumingu
WILLEMSTAD- Playoff di Beisbòl Dòbel A a start djadumingu entre Royal Scorpions i Santa Maria Pirates. En konekshon ku e play-off aki FEBEKO a organisá na Emmalaan (Emmastad) un konferesia di prensa kaminda manager i 2 hungadó di e dos ekiponan a dirigí palabra.
Tabata presente sra Scarlet De Groot na nòmber di FEBEKO ku a dirigí e konferensia prensa, manager di Royal Scorpions Raymond’ Mompi’ van Gurp i manager di Santa Maria, Sorick Liberia.
Hungadónan presente tabata Edinho Meyer i Wladimir Coco Balentien pa Royal Scorpions. Sharlon ‘Wecho’ Schoopi Cedeon Langguth pa Santa Maria. Weganan ta djadumingu awor, djarason, djaweps i djasabra. Si ta nesesario djadumingu 29 di sèptèmber, djarason 2 di òktober i djawebs 3 di òktober.
Nos Power ta gana Pitufos i Jaws ta derotá Los Amigos den Liga 60
WILLEMSTAD- Liga 60 a sigi ku 3 wega djadumingu na Frank Curiel Ballpark. Den e promé wega djadumingu último Nos Power a gana Pitufos ku skor di 4 pa 2. Nos Power a nota nan 4 karedanan den di 3 inning ku bon bateo kombiná ku un eror di e defensa di Pitufos. E veteranísimo picher Richard Albertsz tabata e picher ganadó pa Nos Power. Den otro wega, Jaws ku tabata atras den e wega a bini bèk i gana di Los Amigos ku skor di 6-4. Den e otro wega Lions ku tremendo picheo di Gregory Martijn a blankiá Sluggers ku skor di 9-0. Sluggers tabata gana algun tim grandi último weganan.
Liga 60
Nos Power 4, Pitufos 2
Nos Power tabatin 6 hit ku 1 eror. Richard Albertsz a gana. Victor Haakmat ku Henry Wal, ámbos a bai di 2-1. Wendell v/h Kruys a bai di 3-2. Pitufos a dal 7 hit i hasi 3 eror. Lesley Martina a pèrdè. Norman Felipa a bai di 1-1. Rignald Hooi ku Orsendo Clemencia, ámbos di 2-1. Rubio Kook di 2-2 i Richinel Juliana di 3-2.
Lions 9, Mon Repos Sluggers 0
Lions a dal 12 hit i nan a hunga sin eror. Gregory Martijn tabata ganadó. Marlon Louisa, Gensley Balborda ku Ernesto Priest, tur a bai di 2-2. Lyndon Lourens di 3-3. Ludwig Mathilda a konektá 1 homerun. Pa Mon Repos Sluggers 5 hit ku 2 eror. Raymond Zieck a resultá pèrdèdó. Norman Sloop a bai di 1-1. Raymond Lieuw, Efraim Marselia, Richenel Boeldak ku Ivan Constancia, tur a bai di 2-1.
Jaws 6, Los Amigos 4
Jaws tabatin 8 hit ku 2 eror. Anthony Pieter a bai ku e viktoria. Ruben Snoyl, Raimy Pastor ku Anthony Pieter, tur di 1-1. Rudsel Schmidt, Desmond Brathwaith ku Tyron di Palm, tur a bai di 2-1. Russel Wilson a bai di 2-2. Los Amigos a bati 7 hit i hunga sin eror. Gilbert Henrietta a karga ku e derota. Cedric Curiel ku Jerson Beaumont, ámbos di 1-1. Edson Sophia, Gregory Jonis ku Gilbert Henrietta, tur 3 a bai di 2-1 i Sendly Reina a bai di 2-2.
Gamers ta dal Jaws 11 pa 1 i keda invikto den Liga 40
WILLEMSTAD- Gamers ku viktoria fásil di 11 pa 1 riba Jaws den Liga 40 ta keda invikto ku rekòrt di 5-0 den liga 40. Jaws no tin viktoria e aña aki den Liga 40 i tin rekòrt di 0-5. Den e otro weganan Swift a gana Twister ku skor grandi, 17 pa 6. Baranka, e super kampion di Liga 40 a derotá Cicoza 7 pa 3. Liga 40 ta sigi djaweps awor ku 3 wega. Pa 7.30 ta Swift vs Jaws, 9’or ta Twister vs Cicoza i 9.30 ta Baranka kontra Gamers. E wega di Baranka vs Gamers ta spera di bira kandela. Gamers ta na promá luga i Baranka number 2 empatá ku Swift. Standing up to date ta Gamers 5-0, Baranka 3-2, Swift 3-2, Cicoza 2-3, Twister 2-3 i Jaws 0-5.
Baranka 7, Cicoza 3
Baranka a dal 10 hit i kometé 1 eror. Railison Gijsbertha a gana. Ericson Senior a bai di 1-1. Raymond Leonora di 2-1.
Dwight Alexander a bai di 3-3 i Dave Kirindongo di 3-2. Dwight Alexander ku Dave Kirindongo, ámbos a konektá 1 homerun. Cicoza tabatin 6 hit ku 3 eror. Myson Cathalina a pèrdè. Julius Veeris a bai di 1-1 i Z. Ilaria a bai di 2-2.
Gamers 11, Jaws 1
Gamers tabatin 13 hit i nan a hunga sin eror. Fernando Rosario Morena tabata ganadó. Tyron ‘Tai Tai’ Hollander ku Christaan Sint Jago, ámbos di 3-2 . Byron Kook ku Fernando Rosario Moreno (Paiza), tur 2 a bai di 3-3. Pa Jaws 7 hit ku 3 eror. Ramon Cabrera Dominguez a resultá pèrdèdó. Fhurgion Booi a bai di 1-1. Sendy Marceli ku Eugene Antonio, tur dos a bai di 2-2. Osaires Lucas di bai di 3-2.
Swift 17, Twisters 6
Swift tabatin 17 hit ku 2 eror. Carlos Madera a gana. Julio del Rosario ku R. Mora, ámbos di 1-1. Carlos Gil ku R. Peña di 2-1. M. Seferina, S. Girigorie ku Carlos Madera, tur di 2-2. Dimitri Leon ku Emilio Velardi, tur dos di 4-2 i L. Antonia di 3-3. Pa Twisters 10 hit ku 4 eror. Fardy Lard a pèrdè. Jeffrey Thompson, Orlando Gerard, Reinaldo. Elcock ku Siegfried Gijsbertha, tur a bai di 2-1. Carlos Gil ku Milangelo Cijntje, ámbos a bai di 2-2.
MAS INFORMASHON DI BEISBÒL I SÒFTBÒL
Fanátikonan di Deporte Korsou bondia.. Awe nos tin resultadonan di Liga 60 ku a tuma lugá djadumingu na Frank Curiel Ballpark i Liga 40 ku a tuma luga djaweps último na Van Engelen Ballpark i naturalmente konferensia di Prensa en konekshon ku playoff final di Beisbòl Dòbel A. Nos tabatin un ñapa di resultadonan di Liga 50 sin e numeritonan i nos tabatin tambe algu di Beisbòl Veterano ku ta sigi interesante wikènt aki na Vi Jansen Ballpark. Den e kolumna aki nos lo tin mas detaye di e resultadonan.
* * * * *
Den 60+ Nos Power a gana Pitufos ku skor di 4 pa 2. Nos Power tabatin un inning fuerte, ku ta inning number 3 kaminda nan a nota tur e 4 karedanan, di kual solamente un di e karedanan tabata limpi i esei tabata kla pa nan logra e viktoria. Pitufos a nota un kareda den promé inning i e otro kareda den di 6 inning. E veteranísimo Richard Albertsz 70+ a gana e wega. Lions a dal Mon Repos Sluggers duru ku skor di 9-0. Mon Repos Sluggers tabata move bon último weganan ganando grandinan riba e standing. Gregory Martijn tabata tremendo atrobe tirando henter e wega pa Lions. Gregory Martijn ta dominando tantu den Liga 50 komo Liga 60. Ludwig Mathilda a dal homerun pa Lions.
* * * * *
Den e último wega di djadumingu pasá ekipo Jaws a gana Los Amigos 4-2. Los Amigos tabata ganá te den e último chèns di Jaws, pero Jaws ta nota 4 kareda pa bòltu e skor. Den nan último chèns Los Amigos no ta logra nota kareda i e wega terminá. Standing despues di e weganan di djadumingu último ta, Nos Tambe Por 10-2, Jaws 8-3, Pitufos 8-3, Nos Power 6-5, Lions 5-5, Mon Repos Sluggers 4-8, Los Amigos 4-8 i Curacao Super Stars tin 0-11. Weganan pa djadumingu awor ta 11.00 Mon Repos Sluggers vs Pitufos, 13.00 Lions vs Nos Power i 15.00 Curacao Super Stars vs Jaws.
* * * * *
Ekiponan di 60+ Nos Tambe Por, Los Amigos, Lions i Sluggers ta preparando serio pa bai representá Kòrsou na Boneiru di djaweps 3 di òktober pa djadumingu 6 di òktober. E torneo ta konta ku partisipashon di ekiponan di Aruba, Boneiru, Kòrsou i Hulanda. Varios Yu di Kòrsou aki na Kòrsou lo reforsá e ekipo di Hulanda i naturalmente mayoría lo bini for di Hulanda. Nos Tambe Por, Los Amigos, Lions i Sluggers, tambe lo reforsá pa bai partisipá na e torneo ku ta organisá pa Lenny Abrahamsz i su ekipo Boneiru Stars 60+. Aña pasá na Kòrsou den luna di òktober ekipo Nos Tambe Por a bira kampion di e torneo ku tabata organisá pa Los Amigos.
* * * * *
Den Liga 50, ekipo Gamers ta sigi gana i ta invikto. Djaweps último nan a gana Jaws ku skor di 11-1. Den otro wega Swift a suta Twister ku skor di 17-6. E último wega a terminá pèrtá, kaminda Baranka a gana Cicoza 7 pa 3. Tur djaweps anochi tin Liga 40 na Van Engelen Ballpark i e kompetensia ta fuerte. Tur ekipo ta hunga djaweps. E aña aki ta 6 ekipo tin i e entusiasmo ta grandi. Loke falta ta e fanátikonan ku mester bini pa apoyá e hungadónan, loke nan ta hasi ku mesun hungadónan aki den wikènt durante weganan di 40+ na Vi Jansen Ballpark. Standing despues di e weganan di siman pasá ta Gamers 5-0, Baranka 3-2, Swift 3-2, Cicoza 2-3, Twister 2-3 i Jaws 0-5.. Te mayan ku Poder di Dios.
