Final di Beisbòl Veterano entre Jandoret Raiders i Quality suspendé te 2021

WILLEMSTAD – Djamars 8 di desèmber 2020, ekiponan Jandoret Raiders i Quality Stars a risibí notifikashon di presidente di Beisbòl Veterano Kòrsou (BEVEKO) ku e parti final di e wega di Beisbòl Veterano lo tuma lugá na 2021.

 Manera ta konosí djadumingu último den di 7 inning ku e wega empatá, Polis a subi tereno i para wega.  E wega tabata 6-6 ku dos out den kabes di e di 7  inning ku Emile Haswell Jr na bate.  Jandoret lo mester a bini bati den bòm di e di  7 inning pa terminá e partido.  E wega a keda reprogramá pa terminá e inning djadumingu awor pa 2’or, pero outoridatnan a yama presidente di BEVEKO sr. Ruisandro Cijntje i para e wega. Naturalmente ta spera aglomerashon atrobe i lo bira difísil pa stroba fanátikonan di drenta parse.  Asina a yega na final di temporada 2020 i probablemente Liga 50 di Beisbòl tampoko lo no sigi.  

E anunsio ofishal lo bini den dianan benidero di parti di dirigentenan di Beisbòl Veterano. Den dianan benidero nos lo tin mas detaye kon lo bai sigi ku Beisbòl Veterano den 2021.

Ruisandro Cijntje presidente di Beisbòl Veterano ku a tira promé bala djasabra.
Djadumingu dirigentenan di Otrabanda Veterano na kende e temporada ta dediká, a tira promé bala. Hugh Lopez ta lansa promé bala i dirigente Tito Rosalia ta opservá.
Presidente di BEVEKO Ruisandro Cijntje ta pose tras di trofeonan.
Jandoret Raiders e super kampion di Beisbòl Veterano lo mester warda te otro aña.
Quality Stars ku un dream team lo ta pendiente pa kaba e wega otro aña.

‍

‍

‍

‍