Final Liga Streanan di Ayera djadumingu awor na Muizenberg Ballpark
WILLEMSTAD – Djadumingu awor tin e gran final di Liga Streanan di Ayera na Muizenberg Ballpark. Ekiponan Treasure i Tur Goso lo topa otro atrobe den e gran final. Djadumingu último tabatin semi-final kaminda Treasure a gana Unidos 5-0 i Tur Goso a derotá Nos ku Nos 4-3. Final entre Treasure i Tur Goso lo ta 4’or i pa 2.30’or lo tin wega entre Unidos i Nos ku Nos bálido pa puesto number 3 i 4.
Treasure 5, Unidos 0
Treasure tabatin 5 hit ku 3 eror. M. Maduro a gana. X. Conquet a bai di 2-2. N. Lourens, M. Martis ku M. Maduro, tur a bai di 2-1. Pa Unidos 3 hit ku 5 eror. C. Eduarda a pèrdè i e mes a bai di 1-1. M. Martina a bai di 2-2.
Tur Goso 4, Nos ku Nos 3
Tur Goso a dal 2 hit i nan a kometé 1 eror. C. Cleopa tabata ganadó. M. Rosalina ku M. Basilia, ámbos bati di 2-1. Nos ku Nos tabatin 4 hit ku 7 eror. J. Lake a resultá pèrdèdó. J. Green ku J. Lake, ámbos a bai di 2-1. S. Schobaar ku G. Girigorie, tur dos bai di 1-1.
