Golden Athlete Caribbean Champion Ship Series a sigi djabièrnè den Stadion Post 6
WILLEMSTAD – Djaweps den oranan di mèrdia tabatin apertura di e Golden Athlete Caribbean Champion Ship Series den Stadion Post 6. E torneo ta konta ku partisipashon di ekiponan di Aruba, Kòrsou, Puerto Rico i República Dominicana ta organisá pa Pitufos. Despues di weganan di djarason, djaweps mèrdia despues di wega number 2, tabatin apertura ofishal ku tabata na enkargo di Edgar Zimmerman fundadó di Pitufos ku tabata maestro di seremonia.
Representante di ekiponan tabata presente miéntras madrinanan riba motosaikel ku bandera di paisnan partisipante a drenta den tereno for di rightfield pa yega na pitching plate pa sigi e seremonia kaminda Edgar Zimmerman a hiba palabra. Despues motosaikelnan a hasi un rekorido riba tereno, pa asina sigi ku wega number 3 di e fecha ku tabata entre Jaws i Puerto Rico (Barrio Obrero) ku skor di 9-8 den un wega emoshonante. Nos tin resultadonan di e e weganan. Djarason Jaws a gana Banco Central.
RESULTADONAN
Djarason 8 di mei
Liga 50
Sluggers 15, Banbino 11;
Jaws 15, Banco Central 3;
Banbino 15, Banco Central 9;
Barrio Obrero 24, Pitufos 7.
Liga 60
Pitufos 5, Los Prados 4.
Djaweps 9 di mei
Liga 60
Florsheim 7, Pitufos 6;
Nos Power 14, Florsheim 3;
Los Prados 12, Nos Power 9;
Jaws 10, Barrio Obrero 9.
Marlins ku dos viktoria den Kopa ABC&S 50+ na Aruba
ARUBA- Marlins a gana e fuerte ekipo Astros 7 pa 1 i despues gana di Boneiru ku skor di 26-1 den Kopa ABC&S 50+ ku ta tumando lugá na Pos Chikitu Ballpark na Aruba. Djarason tabata e ekipo Astros ku a gana dos wega sigí, Astros (Aruba) 20, Tigers (Sint Maarten) 5. Astros 8, Tigers (Aruba) 5. Mas resultado for di Aruba ta Decos di Aruba a gana Ban Serio 8-7. Ban Serio tabata pèrdí 4-0 nan empatá e wega den di 6, Decos a skor 4 den bòm di 6 i nan a skor 3 i keda kòrtiku.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou, bon dia i felis wikènt. Nos ta riba un djabièrnè speshal kargá ku resultadonan di e kopanan ABC&S ku ta tumando lugá na nos islanan ruman, èks Antia. Na Sint Maarten den un wega pèrtá Swift a gana 2-0 di Super Stars di Sint Maarten. Controllers a gana Thunders di Sint Eustatius 10-8. Na Aruba ekipo Marlins a sali riba bon pia i gana dos wega djaweps na Pos Chikitu den e torneo Kopa ABC&S 50+. Marlins a gana di e super ekipo Astros 7-1 i despues nòkout Boneiru 26 pa 1. Djarason tabata e ekipo Astros ku a gana dos wega sigí, Astros (Aruba) 20, Tigers (Sint Maarten) 5. Astros 8, Tigers (Aruba) 5.
* * * * *
Bon ambiente i bon públiko durante di e Golden Caribbean Athlete Tournament organisá pa Pitufos. Weganan pèrtá i weganan habrí. Hopi veterano huntu pa kompetí riba nivel 50+ i 60+. Den 50+ tin 6 ekipo miéntras den 60+ tin 4 ekipo. Awe djabièrnè ta último fecha di e buelta regular i djasabra tin e play-offnan. Awe tabatin 6 wega na Post 6. For di 9.30’or ta kuminsá ku weganan di 50+, pa despues sigi ku e weganan di 60+. Djasabra tin e semi-finalnan kaminda 9.30’or ta hunga number 2 kontra 3 i despues pa 11.15’or number 1 kontra 4 den Liga 60. Den Liga 50 ta number 1 kontra 4 den e promé partido pa 1’or i pa 2.15 pm ta number 2 kontra 3. Den Liga 60 tur ekipo a klasifiká miéntras ku den 50, 4 ekipo di e 6-nan lo klasifiká. Djasabra mainta pa 9.30 ta ekipo Nos Power vs Florsheim i despues 11.15 Pitufos vs Repubica Dominicana.
* * * * *
Ban Boneiru un ratu pa loke ta trata ABC&S 40+. AB sin C naturalmente, debí ku Baranka a bula fó. Union Dominicana 8, Braves Legends 5. Union Dominicana 12, Kibaima 1. Leftover 11, Kibaima 4. Leftover 7, Quisqueya Aruba 6. Survival Aruba 10, Quisqueya Aruba 9. Bastante wega sigí i ekiponan ta hunga doubleheader tur dia. Nos ta pendiente di mas resultadonan tantu di Aruba komo Boneiru i Isla Riba. Djaweps Terremoto, Swift i Cicoza mester tabata den akshon. Swift mester a topa Cicoza pa 5’or pm i nos no a risibí e resultado ainda. Cicoza a gana Swift 8 pa 6. Superstars 11, Sluggers 0. Mayan nos tin mas detay di kopanan ABC&S.
