Gran final Liga 50 di Sòftbòl djasabra i djadumingu
WILLEMSTAD- Djasabra 27 di novèmber pa 2’or i djadumingu 28 di novèmber pa 12.30’or lo tin e promé dos weganan final di Liga 50 entre Pitufos i Baranka. Pa 12’or djasabra tin wega entre Ban Serio i Lions bálido pa di 3 lugá.
Ta bon pa fanátikonan tene kuenta ku djadumingu e wega ta 12.30’or, debí ku tin skèdjel di Kopa Navideña di Kickball. Si e seri di Liga 50 empatá lo tin wega desisivo djasabra 4 di desèmber pa 1’or entre Pitufos i Baranka. Wikènt awor Artemisia tin barwacht i djasabra 4 di desèmber ekipo Jaws tin barwacht.
Kopa Navideaña 2021 djadumingu na Van Engelen Ballpark
WILLEMSTAD – Djadumingu awor tin wega di Kopa Navideña na Van Engelen Ballpark. Tur wega lo hunga riba Vèlt A i Vèlt B di Van Engelen Ballpark. Un i tur ta keda kordialmente invitá pa bin wak e sensashon di último simannan ku ta “kicking ball” di damas mas weganan kayente di Sòftbòl Maskulino. Kantina i kushina lo ta bon surti. Sòrru pa bo tei pa no pèrdè nada nada i pa ningun hende bin kontabu kon bon kos tabata na Van Engelen Ballpark.
Sekshon KickBall.
09.30 Babis vs Vikingas (Aki un invikto tin ku kai!);
11.00 Power Pink vs Traviesas;
12.30 Mambas Latinas vs Guaras (Aki tambe un invikto tin ku kai!);
14.00 Mambas Latinas vs Rumberas;
15.30 Renegadas vs Mambas Kòrsou.
Sekshon Sòftbòl Maskulino.
9.00 Guerreros vs Victory Power;
10.45 Abusadores vs Barrio Negro;
12.30 Pitufos vs Baranka (Di 2 wega den e gran final di Liga 50 dus aki por sali e Kampeon di temporada 2021 si e serie NO splet!)
14.30 Latin Power vs Guerreros (Aki un invikto tin ku kai!);
16.15 Renegados vs Crazy Dog (Aki tambe un invikto tin ku kai!);
18.00 Renegados vs Clase Aparte (Otro bataya entre 2 ekipo invikto!).
