Historia Salon di Fama FDOK
WILLEMSTAD - Na 1984 Frank Mathilda a bira presidente di C. S. F. ku tabata tin su ofisina na e Tennisbannan na Mundu Nobo. Na 1985 C. S. F. a muda pa nan ofisina na Breedestraat, Otrobanda. A pensa e ora ei pa duna un toke speshal na apertura di e ofisina i duna rekonosimentu na algun persona instalando nan komo e promé miembronan di Salon di Fama. MCB bank a spònser e aktividat aki. Den e promé grupo tabatin sr. Mordi Maduro i Wilfred "Willie" Pieters (ambos liá ku MCB bank). Huntu ku nan Ergilio Hato, Bennie Leito, Myrna Anselmai Ernest Smith a drenta Salon di Fama. C. S. F. a pone nan foto riba e muraya den nan ofisina.
E mesun aña, 1985, den e Ballroom di Hotèl Holiday Beach,4 persona a ser instalá den Salon di Fama. Antoine Maduro, Guillermo "Shon" Haseth, Hector Rosario i Juan Isa. Na 1986 durante un fundraising dinner na Hotel Holiday Beach 3 persona a ser indusí den SdF.
Srs. Clovis Lodewijks, Eduardo "Betto" Adriana i Iyo Pimentel.
Na 1987 na SUVEK 3 persona mas a drenta den SdF. Hector Curiel, Julio Rooi i Guillaume "Sam" Bunting. Frank Mathilda tabata presidente di CSF durante e aktividatnan na 1985, 1986 i 1987. Na 1990 den ballroom di Hotèl Holiday Beach, a instalá 3 persona den SdF. Guillermo Pardo, Walter van Rosberg i Pedro "Doe" Willems.
Dos aña despues, na 1992, a instalá tres persona na Hotèl Las Palmas. Enith Brigitha, Jose "Djo" Mathilda i Marcel Betrian. Na 1994 na Hotèl Princess Beach: Henry Prince, Rafael "Rafi" Josefa, i Edmundo "Sol" Confesor. Na 1995 na Hotèl Princess Beach : Edgardo "Dito" Ravenstein, Urnic "Randy" Wiel i Jan Boutmy.
Na 1997 na Marriot Hotèl: Geoffrey Goede, Romoldo Martis i Wilhelm Canword. William Millerson tabata presidente durante e aktividatnan di 1989 te ku 1997. Despues di 12 aña, na 2009, bou di presidensha di Eduardo "Dito" Vlieg, a sigui e siguiente instalashon ku a tuma lugá na Banko Sentral: Soraida "Aida" Juliana, Julius "Maracucho" Hellburg, Ricardo Elhage, Niels Liberia i Errol Rooi.
Na 2014, bou di presidensha di Jean Francisca na Marriot Beach Resort a instalá 10 persona den SdF: Cor van Aanholt, Andres "De" Constansia, Victor Copra, Heraclio "Aco" Henriquez, Esther Jansen, Dudley Josepa, Anthony "Tonchi" Minguel, Maggy Sprock-de Rooy, Hubert "Ibi" Schoop i Edwin "Eddy" Solomon.
Na 2015 a instalá Max Paula den SdF na Sala di reunion di FDOK. E siguiente aña ku ta 2016 a instala Alvin “Fichi” Fléming, Celsio Victor, Polinet, Franklin Wilfred Mathilda, Harold Daniel Laurens, Johnny Hellmund, Raymond Rafael Martha, Wendell Prince, Wilhelm Keman. Na ABVO.
I na 2017 na Marjorie’s Place , Antonio Pedro Keller, Antonio Jose "Papy" Martina, Efigenio Adriano Braafhart, Gladwin Lumeno de Lanoi, Lupe Acasia Leito, Pedro Basiano Matrona, Stanley Maria Francisca, Orlando Felipe Cuales.Mas despues a instala Francisco Romualdo Gomez na FFK.
Aña pasa 2019 den WTC a instala Eva Marie “Amy” Tujeehut-Suriel, Eric Anthony Gregorio Ogenia, Gilbert Ciro Snijders, Henk ”Henky” Alfons D’Arnault, Hubert Dominicus Jansen, Hubert Simon Zimmerman, Nazario Bernardus Martijn, Renato G. Anasagasti, Sylvanie Elaine Clarke, Wenfrid “Wenny” Pablo Jakoba.
Na aña 2020 den forma virtual den Sala di SdF sr. William Junior W. Millerson.
Desèmber 2020 den Marriott Beach Resort Magdalena Concepcion Faneyt, Raoul Romero Alias, Marcel Dominico Brigitha, Eelco Marcolino Gonet, Erwin Estaquio Martis, Ivonne Leito – Senff, Michael Anthony Carl Arvelo, Gustavo Enrico Martin de Jongh, Wilfrido Manuel Coffi i Philip Saad Elhage.
Na e momentu aki tin 85 persona den SdF. Si nos inkluí e 7 nan aki den SdF nos ta yega na un total di 92 persona di kual 13 ta dama i 79 ta kabayero. Di e personanan aki 37 a fayesé. Di e 38 federashonnan ku ta miembro di FDOK, 23 tin un òf mas miembro den Salon di Fama.
E repartishon ta lo siguiente:
Futbòl 19
Beisbòl 12
Sòftbòl 10
Peso 3
Bodybuilding 3
Natashon 7
Vòlibòl 7
Atletismo 5
Basketbòl 3
Tènis di mesa 2
Esgrima 2
Tènis 2
Sailing 1
Karate 4
Bòkseo 2
Biyar 2
Prensa 2
Yudo 1
Bowling 1
Taekwondo 1
Dam 1
Futsal 1
Tiru 1
Tin dos tata ku yu den e mesun SdF:
• Jose i Frank Mathilda.
• Henry i Wendell Prince.
Pareha den SdF:
• Ivonne Leito-Senff di karate.
• Sr. Anthony Martinus Casildo Leito di karate.
Damanan den SdF:
• 1985 Myrna Anselma di esgrima.
• 1992 Enith Brigitha di natashon.
• 2009 Soraida Juliana di sòftbòl.
• 2014 Esther Jansen di sòftbòl i Maggy Sprock di tènis di mesa.
• 2017 Lupe Acasia Leito.
• 2019 Eva Marie “Amy” Tujeehut-Suriel i Sylvanie Elaine Clarke.
• 2020 Magdalena Faneyt di softbòl i Ivonne Leito-Senff di karate.
• 2021 Sra. Aminta Josefa Sprockel di vòlibòl.
• 2021 Sra. Jeanne Yvette Lopes tiru.
• 2021 Sra. Sherry Sophia Veronica Howell vòlibòl.
