Homerun Derby i All Star Game di The Diamond Stars League
WILEMSTAD- Awe djabièrnè, 31 di mart tin Homerun Derby di The Diamonds Stars League. E gran batiadónan di poder di e liga aki di Sòftbòl Femenino Veterano lo kompeti. Djasabra 1 di aprel tin All Star Game kaminda e estreanan di e Liga lo topa ku otro den e tremendo partido. E dos ekiponan ta Diamond Stars Lovers i Diamond Stars Hearts.
Den The Diamond Stars League
Treasure New Era ta gana Rising Phoenix 5 pa 4
WILLEMSTAD- Durante wikènt di djabièrnè 24 di mart i djasabra 25 di mart The Diamond Stars League su kampionato a kontinuá ku 3 wega na Sam Bunting Ballpark na Brievengat. E ekipo Treasure New Era djabièrnè ta gana Rising Phoenix ku skor pèrtá 5 pa 4 i e siguiente wega di e dia ei ta terminá ku un viktoria pa Mas Goso di 4 pa 2 riba The Fighters. Djasabra 25 di mart Unidos ta derotá Golden Girls 6 pa 2.
Djabièrnè 24 di mart
Treasure New Era 5, Rising Phoenix 4
Treasure New Era tabatin 8 hit ku 3 eror. Anuska Delando a gana. Susmaline Rifaela, Dianara Pieternella, Sulena Lacruz i Idelmira Remilia, tur a bai di 2-1. Solange Soliana a bai di 2-2. Rising Phoenix a dal 4 hit i nan a hasi 4 eror. Marie Windster a pèrdè. Joudimay Wederfoort, Ashantely Giterson i Joshmaye Chirino, tur a bai di 2-1.
Mas Goso 4, The Fighters 2
Mas Goso a dal 3 hit i nan a kometé 1 eror. Leonise Avastia tabata ganadٕó. Henmarigila Bernardus a bai di 1-1 i Dayenne Delando a bai di 2-1. Pa The Fighters 4 hit ku 2 eror. Angeledwina Sambo a resultá pèrdèdó. Sonaiska Francisca ku Rubia Adelina, ámbos a bai di 2-1.
Djasabra 25 di mart
Unidos 6, Golden Girls 2
Unidos tabatin 7 hit ku 2 eror. Dulce Petronilia a bai ku e viktoria. Dulce Petronilia ku Esmeralda Mutueel, ámbos a bai di 1-1. Muriel Simmons di 2-1 i Marelyn Windster di 2-2. Golden Girls a dal 5 hit i nan a hasi 2 eror. Mairis Obispo a karga ku e derota i Jacqueline Bernadina a bai di 1-1. Gisella Gracia, Soraida Louisa Molina, Geraldina Sambo ku Candida Gregorius, tur a bai di 2-1.
INFORMASHON DI SÒFTBÒL I BEISBÒL
Fanátikonan di Deporte Kòrsou, bontardi i un felis fin di siman. Nos a drenta un fin di siman karga ku Slowpitch. Tin weganan di Torneo Hope mayan. Segun un mail ku nos a risibí lo no tin wega di Torneo Hope awe, djabièrnè 31 di mart. Weganan ta 1 i 2 di aprel i otro wikènt tambe tin wega i lo tin wega riba fechanan 8,9 di aprel, ke mèn Pasku di Resurekshon tambe tin wega. Ekiponan konstantemente ta manda bisa ku nan no por hunga sierto fecha i oranan i ta pone ku e organisadónan ta man na kabes kon ta hasi hinka e skèdjel den otro.
* * * * *
Dia 8 di aprel Liga 50 ta kuminsá den Stadion Post 6. Den edishon di djarason nos a bai den detaye pa loke ta trata e weganan i kambionan den Liga 50. Farley Lard a pasa di Ban Serio pa Catpower. Djarason nos a skibi ku ta di Ban Serio pa Baranka. En todo kaso Farley Lard lo bira mesora picher estelar i infielder pa ekipo Catpower. Ekipo Artemisia ta luchando pa sera hungadó, miéntras Marlins lo bira ekipo to beat ku masha hopi hungadó nobo den nan filanan. Johnny Balentina ku a pone pelíkula ku Pitufos na 2021 a keda un aña afó i lo tei bèk pero ku ekipo Marlins e aña aki. Marlins a haña Gilbert Henrietta bèk for di Baranka. Gibi Henrietta tabata den grna forma durante Torneo Amstel Bright pa ekipo Marlins i a konvensé Gibi pa bini bèk i asina bira e picher estelarísimo di Marlins.
* * * * *
Mayan Torneo Kid Boca Chica organisá pa Jaws lo start. Kid tin mas ku 50 aña aktivo den Slowpitch i un gran picher di tur tempu. Gran kabayero tantu pafó komo padén di tereno. Gran bòksdó tambe tempu di su tempu. E aña aki lo kumpli 50 aña ku Kid Boca Chica a funda ekipo Jaws, ku ta e úniko organisashon di Slowpitch ku tin ekipo den tur Liga pa loke ta trata edat. Liga van Engelen, Liga 40, Liga 50 i Liga 60. Esaki ta e skèdjel di e torneo pa e wikènt aki. Tene kuenta ku otro wikènt no tin wega i e torneo ta sigi djasabra 15 di aprel i terminá 15 di aprel. Tur wega ta tuma lugá na Frank Curiel Ballpark. Djasabra 1 di aprel pa 10.00 Jaws - Lions; 12.00 Nos Tambe Por – Nos Power; 14.00 Pitufos – Los Amigos; 16.00 Sluggers - Curacao Super Stars. Djadumingu 2 di aprel: 10.00 Los Amigos – Jaws; 12.00 Lions – Pitufos; 14.00 Sluggers – Nos Tambe Por; 16.00 Nos Power - Curacao Super Stars.
* * * * *
Awe nos tin resultadonan di The Diamond Stars League ku a tuma lugá djabièrnè 24 i djasabra 25 di mart. Wikènt aki tin Homerun Derby i All Star Game di e liga. Homerun Derby ta tuma lugá djabiernè 31 di mart i All Star Game lo tin djasabra 1 di aprel. No ta Joke, pero t’asina mes ta. All Star Game lo tuma lugá riba Sam Bunting Ballpark. Chèk nòmbernan di e personanan ku ta bai partisipá na e Homerun Derby aki. Emmely Jones, Asila Finies i Dayenne Delando di Mas Goso. Susmaline Rifaela i Tanusi Delando di Treasure New ERA. Celeste Francisca di ekipo The Fighters, Ashantely Giterson i Joshmaye Chirino di Rising Phoenix. Nohah Constancia di ekipo Lady G tambe ta partisipá na e Homerun Derby.
* * * * *
Nada ainda di Beisbòl Vetrerano pa loke ta trata e direktiva nobo. Nos no a haña mas informashon tampoko di e Torneo Warm-up di ekipo Azucar. Naturalmente ekipo Azucar mester pidi permit di direktiva i no tin direktiva. Pero e regla ei tei dimes, pa niun ekipo no organisá torneo durante kampionato. Ke mèn, probablemente Azucar lo a risibí permit di e direktiva saliente pa nan por dal bai ku nan torneo. Ekiponan di 40+ di Beisbòl Veterano a keda invitá pa e torneo. No tin niun moveshon pa direktiva di BEVEKO i chèns tei ku kampionato di Beisbòl Veterano 40+ lo keda suspendé den 2023.
* * * * *
Temporada di MLB a start ayera na USA. E dos timnan hopi popular na Kòrsou a sali ku viktoria. Atlanta Braves a gana di Washington Nationals ku skor di 6-2. Ozzie Albies a bati di 5-3 ku 1 RBI. Yankees ku picheo di Gerrit Cole a dal San Francisco 5-0. Aaron Judge i Gleyber Torres a dal homerun pa Yankees. Nos ta keda te aki pa awe.
