Impreshonante apertura di Liga di Nos Tur dediká na Mayris Obispo i Sevilla Martina
WILLEMSTAD- Djasabra 4 di yüni 2022 den oranan di anochi tabatin apertura di kampionato di Liga di Nos Tur den Frank Curiel Ballpark. E kampionato 2022 ta dediká na dos baluarte di e liga ku ta sra. Mayris Obispo i sra. Sevilla ‘Chia’ Martina.
Pa start e apertura ofishal ekiponan a desfilá drenta Frank Curiel Ballpark for di rightfield i drenta infield via di leftfield. Dos hoben di Scouting a karga e bandera i nan a desfilá drenta parke i despues di Himno interpretá pa Tyeisha Bernabela a sigi orashon di pastor Capellan Martina. Presidente di Liga di Nos Tur Gurtney Jansen a hiba palabra sigí pa homenahe na e baluartenan.
MC Jeffrey Martina a lesa CV di e baluartenan ku a risibí regalo di tur ekipo i plakat di presidente di e liga. A sigi show di Seú enkabesá pa Sherrel Denisia i grupo di bailarin Unexpected Dancers. Despues tabatin wega entre e kampion di 2021 Un Kara i Join Me kaminda Un Kara a gana ku skor di 8-0. Djabièrnè Un Kara a gana Join Me ku skor di 16-5. Den e otro seri Sin Stress a gana Chilling ku skor di 6 pa 3.
RESULTADONAN
Un Kara 16, Join Me 5
Un Kara tabatin 10 hit ku 5 eror. Mayris Obispo a gana. Charelda Winklaar a bai di 4-3. Isonette Polonios ku Nathaly Lourens, ámbos a bai di 2-2. Fayna de Mey a bai di 3-2. Isonette Polonius a konektá 1 homerun. Pa Join Me 8 hit ku 7 eror. Louisse Ortega-Silvanie a pèrdè. Nethely Essmith-Casper, Ashantaly Giterson, Lluenchela Sophia i Judesca Kastaneer, tur a bai di 3-2.
Sin Stress 6, Chilling 3
Sin Stress a dal 8 hit i nan a kometé 2 eror. Marie Windster tabata ganadó. Amarisca Paula-Hooi a bai di 1-1. Junisa Goedgedrag ku Marie Windster, ámbos a bai di 2-1. Chilling tabatin 6 hit ku 6 eror. Churmelyn Eduarda a resultá pèrdèdó. Jamira Osepa a bai di 2-2. Myriela Carlo, Leonise Avastia, Melissa Rosalina i Lisa Beaumont, tur a bai di 2-1.
