Fanatikonan di Deporte Kòrsou bonochi. E siman aki selekshonnan di Junior i Senior a bini bèk for di Aruba. Selekshon Junior Pariba a bira kampion ganando di Pabou ku skor di 7 pa 3. Pabou a gana Pariba den tur wega i den e wega final nan ta kai vensí. Esei ta Beisbòl i esei ta deporte. Na yegada di e selekshonnan Junior i Senior no tabatin masha kos, debi na e situashon di COVID-19 aki na Kòrsou. Selekshon Pariba Senior a pèrdè ku skor grandi 11-0 kontra di selekshon North di Aruba. Tremendo torneo entre Aruba i Kòrsou tantu aki komo na Aruba pa e muchanan di Minor te ku Senior por a move tòg. Na 2020 no tabatin play-off, tampoko kompetensianan den eksterior.
* * * * *
Den Liga Streanan di Ayera ekipo Treasure a dal Golden Girls 14-2 i Unidos a derotá Eureka 12-0. Algu di Liga Streanan di Ayera: Nos no ta bai bèk hopi tempu pasá, pero na 2017. Ougùstùs 2017 tabatin un All Stars Game na Muizenberg Ballpark. Promé ku e wega di Strea tabatin un Homerun Derby entre 6 batiadó di poder di e Liga. Nos tin nòmber di e hungadónan ku e tempu ei a partisipá den e Wega di Strea di Liga Streanan di Ayera.
* * * * *
E siguiente hungadónan ta forma parti di ekipo Streanan. Manager Franco Wawoe. Hungadónan: Di Shining Stars ta Emmely Jonis, Chaunice Maduro, Celeste Franciska, Merelyn Martis i Minerva Maduro. Di The New Dimension ta Solange van Gurp, Sholainska Alberto, Shunesca Martina, Nehiloth Nieuwkerk, Melisa Rosalina i Ignaldaly Garcia. Di Unidos ta Morela Osepa, Jeanderica Martina, Maureen de Windt, Marien Windster, Mazirra Martis. Batiadónan di Homerun Derby ta Emmely Jonis di Shining Stars, Morela Osepa di Unidos i Celeste Francisca di Shining Stars.
* * * * *
Di Un Kara tabatin Janitza Betrian, Isabel Godie, Anuska de Lando, Dayenne Delando, Valeria Christina. Di ekipo Eureka ta Josh-May Chirino, Sharlenda Walle, Nadine Fransiska, Nuria Garrico i Maudrith Faneyt. Di Mi Deseo ta Melanie Adriana, Candida Gregorius, Fariella Liberia, Jacqueline Sophia, Ismairy Ignacio i Jadarica Dall. Batiadónan di Homerun Derby ta Josh-May Chirino di Eureka, Dayenne de Lando di Un Kara i Jacqueline Sophia di Mi Deseo. Ekiponan Shining Stars, Un Kara miéntras tantu a bai Liga di Nos Tur. Bèk den tempu un ratu ku Liga Streanan di Ayera fundá pa Marlene Obispo i famia.
Den Liga 50 tin kandela djasabra awor ora Lions topa ku Ban Serio pa 4’or. Lions tin un averahe kolektivo di .374 di bateo, un ERA tremendísimo kolektivo di 2.45 i defensa di .950. Pa loke ta trata Ban Serio, nan tin un bateo hopi serio di .522, un picheo ku ERA 2.63 i defensa .939. Lions ta un tiki ariba Ban Serio den picheo, den bateo Ban Serio ta un fuera di seri i defensa Lions tin mihó averahe ku Ban Serio. Djasabra awor pa 10’or ta Baranka vs Artemisia, 12’or ta Pitufos vs Flamboyan Tigers, 2’or ta Marlins vs Catpower i 4’or ta e kandela entre Ban Serio ku tin 5-0 vs Lions 6-0. Un invikto lo kai den e wega ei. Liga 40 ta sigi djaweps awor ku dos wega. Djaweps Baranka a gana Jaws 19-2 . Tur dos ekipo tabata 0-3. Despues pa 9.30’or rumannan Leon a topa otro. Swift ku Dimitri Leon komo manager a gana di Sergei Loen ku skor di 6-1.
