Lesadónan di Deporte Kòrsou, bondia. Anke Pasku a pasa kaba nos ta deseá tur nos sigidónan, lesadónan, esnan ku ta sigi nos práktikamente tur dia, pueblo di Kórsou, e otro islanan di Dutch Carribean, un Felis Pasku tòg. Awe den e kolumna aki nos ta resumí Liga Amstel ku a bini bèk den gran forma den 2020. Bon públiko den Liga Amstel i otro detayenan tabata kana zetá te na momentu ku mester a para e kampionato, debí na e di dos ola di Covid-19.
* * * * *
Un kondolensia un biaha mas pa e famia di Sòftbòl Slowpitch ku fayesimentu di Kenneth ‘Kenchi’ Ortega. Kenchi tabata hunga den Baranka/Sharks den Liga 50 i Bombers den Liga Amstel. Naturalmente tambe ku su ekipo di trabou di MCB. Un gai serio, alegre, kla pa yuda den tur situashon. Semper e tin algu chistoso di konta, pa e hendenan rondo di dje por gosa i pasa kontentu. Kenchi Ortega tabata for di kuminsamentu den e grupo di umpire i skorernan The Greatest, ku ta organisá varios aktividat durante aña. Kondolensia na mama, kasá, yunan, famia Ortega, Plaate i Bronswinkel. Nos a komprondé ku djamars dia 29 di desèmber lo hiba Kenchi na su último luga di sosiegu.
* * * * *
Bèk pa Liga Amstel ku a keda suspendé den luna di sèptèmber. Ekipo Bombers tabata por la gomadespues ku nan a bini bèk den e liga. Nan a terminá ku rekòrt di 7-0 i den nanúltimo wega a gana di Thrillers ku skor di 12-1, ku tremendo picheo di JovanWal. E kipo Thrillers tabata kampion na 2019 i na 2018 no a logra terminá ekampionato. Thrillers a dal solamente 4 hit den e wega ei pa un kareda. Bombers a gana 3 di nan 7 weganan pa medio dinòkout. Thrillers a kaba ku 5-1, ké mèn nan úniko derota tabata kontra Bombersna momentu ku dos ekipo invikto a topa ku otro na komienso di sèptèmber.
* * * * *
Ban Pasa Bon ekipo di Pepi Martis a hunga un wega kontra di Domi na Sint Joris. E ekipo di Pepi Martis a presentá ku e sigiente line-up. Cai Leonora AS, Eddie Thielman LF, Ludwig Pietersz CF, Judsel Baranco (QEPD) 2B, Tyron de Palm 3B, Jefferdion Polonius SS, Jeffrey Martina C, Gregory Zimmerman RF, Sherdon Rombley 1B, Pepi Martis P. Tremendo alineashon e tempu ei i Domi no tabatin niun chèns. Ainda Ban Pasa Bon tabata falta Edric Reenis ku e tempu ei a bini bèk for di Salvador ku e selekshon. Esaki tabata informashon di desèmber 2002. Mester bisa si ku kasi tur aña deportenan ta move den desèmber normal te ku mas o ménos dia 20. E aña aki si dimes debi na Covid ta wanta. Beisbòl Veterano a hunga te dia 6 di desèmber. Na 2002 Run Runners di Anto Leonora a stòp di eksistí i e mesun hungadónan a pasa pa ekipo The Best. E aña ei nos tabatin Liga Koktel. Ata algún nòmber di tim i hungadó. Kampion, Ban Pasa Bon, Supkampion Domi, di tres lugá Buena Vista Power, di kuater lugá Forti. Lider di homerun Quincy Kook, Kampion bate Eddie Thielman, Kampion Picher Pepi Martis. MVP Judsel Baranco (QPED), Kampion Buelta pèrdèdó Curacao Yankees i ekipo di spònser pa Breezes, ekipo Gamers.
E standing tabata Bombers 7-0, Thrillers 5-1, Cicoza 4-2, Gamers i X-Treme 3-4, Sugar 2-4, Terremoto 1-5 i Terremaster 1-6. Liga Amstel un tempu 13 tim a bira 8 tim i chèns ta gran ku e kantidat lo subi den 2021. No ta konosí ku lo sigi e kampionato òf lo start ku un kampionato nobo nobo den 2021. Aldair Daal di Thrillers tabata lider den bateo na momentu ku kampionato a terminá ku averahe di .700 empatá ku David Kirindongo di Bombers. Lider den kareda empuhá tabata Shuremi Fornerino di Bombers ku 13, sigi pa Ryan ‘Indjan’ Ilario di Cicoza ku tabatin 12 RBI.
* * * * *
Argenis Daal ku ta tira 90 mia pa ora den Slowpitch tabata e picher ku mihó ERA (1.11). Jovan Wal tabata na di dos lugá ku 2.80. Emilio Velarde di Gamers, pichernan stail di djariba djabou, tabatin 13 ponche i Selvinson Angelista tabatin 11 ponche tirá. Kenny Hellement veteranisimo ku picheo Modified (Slowpitch), normal a poncha 10 batiadó den 2020. Kenny Hellement tabata pa debutá den Liga 50 ofishalmente luna di òktober, pero e liga a keda suspendé debi na Covid. Kenny lo tei tur tur full full ku Baranka/Sharks den 2021 den Liga 50.
* * * * *
Un rato pa Beisbòl Dòbel A. Un ekipo grandi ta duru riba un èks coach ku pa nada di Mundu no ke bai bèk. E coach no ke bai bèk e ekipo grandi kaminda e tabata pa hopi aña. Pero e tim grandi di parti Pabou di Brug no tin niun problema ku e èks coach, pero ta debí na kambio di un manager e tambe a move huntu ku e crew anterior. E moveshon aki ta parse interesante i un tiki kompliká pa splika . Grandinan di Santa Maria dilanti di kortina i tras di kortina ku tur ta tras di e moveshon aki.
* * * * *
Den dianan benidero nos lo tin resumen di e liganan ku nan kampionato a tuma lugá tambe, pero ku no a logra terminá. Liga 50 tabata serka di kaba un buelta, Liga di Nos Tur a start ku play-off, Liga Amstel tambe tabata finalisando promé buelta. Beisbòl Veterano tabata falta un inning. Nos lo bini ku mas detaye den dianan benidero.
Bèk pa Slowpitch, moveshon grandi lo tin den Liga 50 den 2021 ku dos ekipo nobo parse. Varios hende ta aprobá dos tim nobo, di manera ku por hunga un buelta kompletu di 11 wega i despues den pul di 5 wega, 16 wega total. Despues e mihؚó 4 nan lo hunga semi-final 1 vs 4 i 2 vs 3. Otro ta pensa hasta ku por laga e klasifikashon bira manera Beisbòl Dòbel A. Number 6 vs 5 den un wega so, sigí pa e ganadó di esei vs 4 i despues ta sigi e play-off. Nos ta keda te aki pa awe.
