Informashon di Tim di natashon na El Salvador
SALVADOR - Nos a risibi algun detaye di e tim di Natashon na El Salvador pa medio di e tim di FDOK
Samantha van Vuure
Samantha van Vuure a kompetí tantu djasabra komo djadumingu último, den kompetensianan preliminar riba 100 meter riba lomba, unda ku el a alkansá e gran final den kompleho akuatiko Merliot.
Den e gran final, Samantha no a logra keda den premio, pero ta logra tempu di 1.10.20 sekònde. Den tur su 3 kompetensianan el a sa na sigui drecha su tempu personal.
Jaydon Loran
Jaydon Loran a kompetí djadumingu 25 yüni 2023, den 100 meter pechu i a logra tempu di 1.10.79 sekònde, den e buèlta preliminar ku el a kompetí den dje. Ku e logro aki, inkluso e ta mehorá su tempu personal un poko.
Kyra de Cuba
Finalmente e atleta mas hóben di e delegashon, Kyra de Cuba, awe lo ta den pisina kompetiendo.
Banda di Kyra, tantu Samantha i Jaydon, tambe lo mira akshon awe, den kontinuashon di natashon di Weganan Sentro Amerikano i di Karibe 2023, na El Salvador.
Riba e kombinashon di fotonan, por mira nos diferente atletanan, ku ta parti di e ekipo di natashon, na El Salvador.
