Isla Crackers i Santa Maria Pirates ta klasifiká pa final
WILLEMSTAD – Ekiponan Isla Crackers i Santa Maria Pirates a klasifiká pa final di Beisbòl Veterano. Isla Crackers a gana Santa Rosa ku skor di 16 pa 6 den e promé wega di djadumingu 17 di òktober i despues Santa Maria Pirates a gana Jandoret Raiders 11 pa 8. Tur dos wega tabata partido number 3 di e seri semi-final di Beisbòl Veterano. E seri final mihó di 3 entre Isla Crackers i Santa Maria lo tuma lugá djasabra i djadumingu awor pa 2.30 pm. Den un wega di Liga 50 djadumingu, ekipo Vosama a gana Otrabanda 6-0.
Isla 16, Santa Rosa 6
Isla a dal 12 hit i hasi 2 eror. Roderick Eustatius tabata e picher ganadó i Quincy Kook a bati di 3-3. Dave Janga a bati di 4-3. Julius Veeris tabatin un homerun.
Santa Rosa a bati 8 hit i a kometé 5 eror. Adelberth Martha tabata e picher pèrdèdó. Shendy Cras a bati di 2-2, Reginald Pietersz di 3-2.
Santa Maria 11, Jandoret 8
Santa Maria a bati 13 hit i hasi 4 eror. David Kirindongo tabata e picher ganadó. Irving Sambo a bati di 3-3, Ramiro Balentina di 4-3.
Jandoret a dal 10 hit i hasi 3 eror. Earl Virginia tabata e picher pèrdèdó. Myron Wijman a bati di 4-3. Sherdon Rombely di 3-2. Myron Wijman tabatin un homerun,.
LIGA 50
Vosama 6, Otrabanda 0
Vosama a bati 7 hit i kometé 2 eror. Felix Ibañez tabata e picher ganadó i Nimrod Thielman a bati di 1-1.
Otrabanda a konektá 1 hit i hasi 3 eror. Tito Rosalia tabata e picher perdedo. Giovanni Maduro a bati di 2-1.
