Isla Crackers ta gana The Brothers den Beisbòl Veterano i play-off di Liga di Nos Tur ta bai start
WILLEMSTAD – Isla Crackers a nota 6 kareda den nan ùltimo chèns pa gana the Brothers ku skor di 12 pa 8. The Brothers tabata ganá ku skor di 8 pa 6 te den último inning. Den otro wega Vosama a gana Otrobanda pèrtá 4-2, Marlins a derotá Marchena Braves 3-2. Djadumingu mainta Jandoret 50+ a dal Vosama 15-0. Despues Santa Maria a zona Azucar 14-0. Den e último wega di djadumingu Santa Rosa Memories a gana Yesterday 14-5.
RESULTADONAN
Djasabra 24 di sèptèmber
Vosama 4, Veteranos Otrobanda 2
Vosama a dal 7 hit i nan a hunga sin eror. Xaviero Avastia a gana. Jose Martinez, Ryan Imperator ku Hubert Perozo, tur a bai di 1-1. Cedrix Valies, Alberto Ramirez, Xaviero Avastia i Henley Dave Paulo, tur di 2-1. Pa Veteranos Otrobanda 7 hit ku 1 eror. Gilbert Bernadina a pèrdè. Bertyson Ignatia a bai di 1-1, Philogene Strick di 2-1 i Kenneth Desbarida a bai di 3-3.
Marlins 3, Marchena Stars 1
Marlins tabatin 8 hit i kometé 2 eror. Shanon Kleinmoedig tabata ganadٕó i Gillord Pikerie a bai di 1-1. Freddy Castillo Garido, Bienvenido Jose Sierra Martinez ku Cedric Gill, tur a bai di 2-1. Shanon Kleinmoedig i Fernando Rosario Moreno, ámbos a bai di 3-2. Marchena Stars a dal 7 hit i nan a hasi 2 eror. Wendell Elisabeth a resultá pèrdèdó. Evans Schoop, Ruthgard Lunkers, Chervin Maduro I Ericson Rodriguez, tur di 2-1 i Wendell Elisabeth a bai di 2-2.
Isla Crackers 12, The Brothers 8
Isla a dal 12 hit i kometé 5 eror. Roderick Eustatius a gana. Michelangelo Celestina ku Joell Angelista, ámbos a bai di 1-1. Dave Janga, Jair Josepha, Julius Veeris ku Jermaine Esprit, tur a bai di 3-2. The Brothers tabatin 6 hit ku 4 eror. Cidrick Koffy a pèrdè. Aishel Hooi ku Rignaldo Giterson, ámbos di 2-1 i Kelvin Winklaar a bai di 3-2 inkluyendo 1 homerun.
Djadumingu 25 di sèptèmber
Sta Maria Pirates 14, Azucar 0
Sta Maria tabatin 15 hit ku 1 eror. Eldred Estanista tabata picher ganadó. Randolph Balentina i Gerthon Matrona, ámbos di 1-1. Eldred Estanista i Signald Paz, ámbos di 2-1. Ryan Ogenia, David Kirindongo ku Rodreck Zimmerman, tur a bai di 3-2 i Raylen Francisca di 4-3. Azucar a dal 2 hit i nan a hasi 3 eror. Raymond Soerka a resultá pèrdèdó. Jeniver Mook I Cedric Curiel a bai di 1-1 ámbos.
Sta Rosa Memories 14, Yesterday 5
Sta Rosa a konektá 15 hit i nan a kometé 2 eror. Raymond Martis a gana i Jair Quant a bati di 2-1. Cedric Antonia, Farley Girigorie, Ian Leito i Shernold Martina, tur a bai di 3-2. Randy Lo-A-Tjong a bai di 3-3. Yesterday tabatin 5 hit ku 3 eror. Pernel Sprott a pèrdè. Alexander Martina, Sergio Ricardo Suilvino Everon, ámbos di 1-1. Charles Van Thijs a bai di 2-2.
Liga 50
Jandoret Raiders 15, Vosama 0
Jandoret tabatin 13 hit i nan a hunga sin eror. Raylon Capella a gana i Raimy Pastor a bai di 1-1. Angelo Martina ku Maikel Melfor a bai di 2-1, ámbos. Edmar Cornelia, Earl Virginia i Marvin Wijman, tur a bai di 2-2. Rigobert Cijntje a bai di 3-2. Pa Vosama 4 hit ku 4 eror. Hubert Perozo a pèrdè. Xaviero Avastia i Hubert Perozo, ámbos di 1-1. Charles Daal ku Cedric Antonia, tur dos a bati di 2-1.
Playoff Liga di Nos Tur ta start 7 di òktober
WILLEMSTAD- Kampionato regular di Liga di Nos Tur a terminá djasabra último na Frank Curiel Ballpark. Play-off ta start dia 7 di òktober i ekiponan ku a klasifiká ta Un Kara (19-1), Sin Stress (15-5), Chilling (11-9) i Shining Stars (8-12). Ekiponan Curaçao Sweethearts (6-14) i Join Me (1-19) a keda eliminá. Isonette Polonius di Un Kara a sali kampion bate ku average di .611 (42-26). Isonette Polonius mes ta lider di homerun ku 6. Mairis Obispo i Carlientje Cleopa di Un Kara ta lider den picheo ku 8 ganá i 0 pèrdí.
RESULTADONAN
Un Kara 15, Chilling 0
Un Kara tabatin 16 hit i nan a hunga sin eror. Carlientje Cleopa a gana. Lisette Hooi ku Fayna De Mey, ámbos a bai di 1-1. Charelda Winklaar ku Shalimayla Martis, tur dos di 2-1 i Isonette Polonius di 2-2.
Valerie Christina ku Jeamine Pieternella, ámbos di 3-2. Brunaila Felipie ku Nathaly Lourens a bai di 3-3 ámbos. Chilling a dal 4 hit I hasi 2 eror. Churmelyn Eduarda a pèrdè. Henmarigila Bernardus ku Dulce Petronilia a bai di 1-1, ámbos. Myriela Carlo ku Shurella Merkies, tur dos di 2-1.
Shining Stars 11, Curacao Sweethearts 4
Shining Stars a dal 12 hit i kometé 2 eror. Jurmyda Lake tabata ganadó. Ismairy Ignacio, Grace Girigorie ku Noraline Gomperts, tur a bai di 1-1. Dianella Joseph ku Ruela Pietersz, ámbos di 2-1. Sovienca Calmera ku Yurienne Gonzalez, ámbos di 2-2 i Sulena La Cruz a bai di 3-2. Sovienca Calmera a konektá 1 homerun. Pa Curacao Sweethearts 9 hit ku 3 eror. Irlyn Lard a resultá pèrdèdó. Idelmira Remilia ku Angeledwina Sambo, ámbos a bai di 2-1. Celeste Francisca, Sue Ellen Mouricia ku Joshmaye Chirino-Boelijn, tur a bai di 2-2.
Teksto pa pòtrèt:
Un Kara number 1 di kamponato regular.
Isonette Polonius lider di bateo i homerun den Liga Di Nos Tur.
Fanátikonan di Deporte Kòrsou bontardi. Slowpitch i Beisbòl a sigi den gran forma den wikènt. Hopi a pensa ku weganan lo keda suspendé debí ku djaweps i djabièrnè siman pasá kos tabata pinta mahos. Djabièrnè awaseru a kai un tiki i weganan a sigi normal djasabra i djadumingu. Van Engelen Ballpark mes ku no ta wanta masha awa, weganan a sigi normal den Liga 50 i Liga Amstel djasabra normal riba e parke menshoná. Liga di Nos Tur a sigi ku e último weganan di buelta regular djabièrnè i djasabra na Frank Curiel Ballpark.
* * * * *
Den Liga 50, ekiponan Ban Serio, Marlins i Lions a gana. Marlins i Lions a logra viktorianan importante den e lucha pa logra di 4 luga. Ban Serio su rekòrt a bira 9-2 i nan ta na promé lugá di Liga 50. Ta sigi Baranka 8-2 i Jaws 8-2. Baranka tabata liber i Jaws tabatin barwacht. Flamboyan a bai 6-5, Marlins tin 5-5, Lions 5-6, Pitufos a kai na 4-7, Sluggers 2-8 i Artemisia 1-9. Nos ta pendiente pa e resultadonan ofishal di direktiva di Liga 50.
* * * * *
Un Kara tabata den gran forma atrobe den wikènt pa terminá na promé lugá den Liga Di Nos Tur ku solamente un wega pèrdí. Wikènt awor play-off ta start na Frank Curiel Ballpark entre Un Kara, Sin Stress, Chilling i Shining Stars. Un Kara ta super kampion i tin 3 título sigí. Na 2018 na momentu ku tabatin e promé kampionato di Liga Di Nos Tur, ekipo Sin Stress a logra bira kampion i despues tabata Un Kara ku a kue tres sigí i nan ta faborito pa bira kampion atrobe den 2022. Un ekipo bon hinká den otro i bon reforsá enkabesá pa Gerald Mathilda i Pepi ‘Jug Norris’ Martis.
* * * * *
Den Beisbòl Dòbel A situashon ta sigi pèrtá entre ekiponan 1 te ku 4. Te ku djasabra Wild Cats tabata 15-6, Santa Rosa 14-7, Royal Scorpions 14-8, Santa Maria 12-8, Groot Kwartier 9-11, Marchena 5-14 i Firebirds 2-17. Marchena Braves lo enfrentá ekipo Groot Kwartier sigur den e wega di Wild Card entre number 5 i 6. Marchena a clinch e puesto number 5. Marchena mester pèrdè tur wega i Firebirds mester gana tur e sobra weganan pa bini un empate i esei no ta probabel. Pa loke ta trata e promé 4 ekiponan, e ekiponan menshoná lo no topa ku otro mas den e temporada regular aki. Djaluna i djamars Beisbòl Dòbel A a sigi ku algun skor feros atrobe.
* * * * *
Ban un ratu pa Major League Baseball i fanátikonan aki na Kòrsou ta pendiente kon kos lo bira den play-off. Manera ta konosí ta dos ekipo den kada liga ta siguránan na pase pa Division Series. Kuater ekipo den kada liga lo hunga Wild Card mihó di 3. Falta mas o ménos 9 pa 10 wega mas pa terminá e kampionato regular. Ekipo Los Angeles Dodgers i Houston Astros so a sigurá ku nan lo bai dirèkt e division series. Ekiponan New York Mets, Atlanta Braves i New York Yankees a sigurá Wild Card. Yankees a klinch divishon djamars dia 27 di sèptèmber.
* * * * *
Djasabra e ekipo Oakland Athletics a kue e super picher Jacob de Grom duru mes aya ana Oakland. Den 4 inning De Grom a tira 80 lansamentu, tuma 6 hit pa 5 kareda limpi, kuater base por bola i 5 ponche tirá. Esei pa mustra ku tur picher i hungadó por tin un mal dia. De Grom su ERA a bira 2.93 i e tin un rekòrt di 5 ganá i 3 pèrdi. Yankees tin 6 wega sigí ganá. Harrison Bader, centerfielder nasé na New York despues di tabata leshoná a bini bèk siman pasá i trese un bientu fresku pa Yankees. Un tremendo fileadó ku un bate regular. Bader a bai Yankees dia 2 di ougùstùs pa e picher Jordan Montgomery ku a tira bon pa Sint Louis despues. Play-off MLB ta start dia 7 di òktober ku wegaan di Wild Card. Nos ta keda te aki pa awe.
