Ivar ‘Pipi’ Jessurun hòmber grandi di Swift i Sòftbòl Slowpitch a bai sosegá
WILLEMSTD- Djabièrnè 9 di aprel den oranan di mainta Extra Slowpitch a risibí e notisia ku Ivan ‘Pipi’ Jessurun a bai sosegá. Pipi manera tur hende tabata yamé tabata un dje gran dirigentenan di Swift i un hòmber semper kla pa yuda tur hende di su ekipo i di ekiponan kontrali. Huntu ku Sergio Leon pa hopi aña tabata forma un ‘one-two’ di e ekipo super kampion di Liga Van Engelen i super kampion di Kopa ABC, Swift. Pipi tin masha hopi amigu den Sòftbòl Slowpitch, den Beisbòl i den Beisbòl Veterano. Pipi tabata algún dia malu i hopi a kere ku Pipi lo a rekuperá, pero ayera mainta nos amigu a bai sosegá. Kondolensia na famia, amigunan di Swift Sòftbòl i Beisbòl en general. Deporte a pèrdè un gran hômber.
