WILLEMSTAD - Jair Jurrjens ta keda kla ku Algodoneros de Unión Laguna di beisbòl meksikano pa temporada 2021. Algodoneros tabata e ekipo den kua e mester a picha den dje na 2020 pero pa motibu di kanselashon di temporada pa motibu di Covid-19 no a tuma luga. E picher di 35 aña temporada pasa a picha aki na Kòrsou pa WildCats KJ74 Guardian Group.
ZANDER WIEL
Zander Wiel yu di e legendario basketbolista di Kòrsou Randy Wiel ta haña invitashon pa spring training serka Minnesota Twins. Zander ta ku e organisashon di Twins for di 2015 kaminda el a keda di draft den di 12 rònt. Zander Wiel di 28 aña ta un outfielder/primera base. Su mihó aña tabata na 2019 den Rochester Red Wings (surkursal di Tripel A di Twins) kaminda el a bati pa un averahe di 254 ku 24 honron, 40 doblete i 78 kareda empuha
ARQUEDION MULLER
Arquedion Muller, èks Sta.Maria Pirates ta firma ku Philadelphia Phillies. E segunda base di 16 aña asina awor ta bai inisia su karera profeshonal ku Phillies.
