Jandoret Raiders i Lions kampion Torneo Boy Constancia
WILLEMSTAD – Torneo Boy Constancia a yega na su final djadumingu 30 di mart den Stadion Post 6. Despues ku ekiponan a klasifika den e 4 kategorianan, 60+, Soshal 40+, 50+, .
Den kategoria 60+, ekipo Lions a gana di Los Amigos den Tie Break ku skor di 4 pa 2, den e sigiente wega SDKK/Damen/GGZ a dal CRU ku skor di 8pa 6 Jandoret Raiders a derotá Pitufos 14 pa 8. Finalmente Treasure a dal Golden Girls 11 pa 4.
Despues di wega presidente I fundadó di Pitufos, Edgar ‘ Gachi’ Zimmerman a dirigí palabra e rekorda Raymond ‘Boy’ Constancia na ken e torneo ta dediká.
SVB/Aventa ku dos viktoria den Torneo Hope wikènt pasá I weganan ta sigi mayan
WILLEMSTAD – Torneo Hope a sigi wikènt pasá ku varios wega na Van Engelen Ballpark. Ekipo SVB/Aventa kargá ku vários hungadó aktivo den Beisbòl òf ku den pasado a hunga Beisbòl na nivel, a gana dos wega relatívamente fásil wikènt pasá. Djasabra ekipo SVB/Aventa a gana e ekipo Aqualectra 2 ku skor di 11-0 i djadumingu nan a dal SDKK 13-2. Tabatin weganan tambe di COED, 40+ i Soshal Open. Nos tin resultado di vários wega.
Lesadónan di Deporte Korsou, bondia i felis siman. Torneo Hope a sigi djabièrnè, djasabra i djadumingu na Van Engelen Ballpark i lo sigi djasabra i djadumingu e wikènt aki nnos tin resultado di algun wega. Ekipo SVB/Aventa a dal Aqualectra 2 duru ku skor di 11-0.
* * * * *
Nos tin resultado di algun wega mas di Soshal. MCB a gana CGA ku skor di 10 pa 2, Selikor a gana Polis 15-14, Belastingdienst a derotá Jansen De Jong 16-9. CITCO a blankia Douane/C POST 4-0. Djadumingu mainta SVB a lanta tempran i dal SDKK duru ku skor di 13-2. Tremendo ekipo riba papel ku hungadónan manera Riley, Antersijn, Louisa, Wijman, Velder, Phelipa ets. Junny Aniceta a bolbe picha i gana pa SVB dos wega den ménos ku 12 ora di tempu. Junny ‘Kò’ Orcadio a relevá pa SVB gana ekipo di Aqualectra djabièrnè. Awe i mas den kurso di siman nos tin mas resultado i detaye.
* * * * *
Nos a drenta aprel i ta luna di play-off Little League 2025. Play-off ta start dia 22 di aprel i terminá 30 di aprel. Nos a risibí kuerpo tékniko di Liga Pariba despues ku den luna di febrüari nos a publiká esnan di Liga Pabou. Minor di Liga Pariba tin Elmer Koeiman komo manager i su coachnan ta Darsey Martinus i Sherman Schoop. Delegadonan ta Jacqueline Bernabela i Roderick Candelaria. Little League ta kandela ku Eliezer ‘Cheli’ Kleinmoedig komo manager ku coachnan Railison Gijsbertha i Candrick Cannister. Urvin Faneyte i Robert Martis ta e delegadonan.
* * * * *
Nos ta sigi pa kuerpo tékniko di Pariba pa loke ta Intermediate. Manager ta Damery Meyer ku coachnan Shanon Kleinmoedig i Marc Hennep. Jacqueline Bernabela i Gerschwin Meyer ta e delegadonan. Junior Pariba tin Emile Haswell komo manager i komo coachnan ta Chistian Vilchez i Ludwin Obispo. Juvenal Leonora ta delegado huntu ku Sidianne Laker. Den Senior Rolando Chirino ta manager huntu ku coachnan Ericson Irausquin i Jaire Emerenciana. Urvin Faneyte ta delegado huntu ku Michael Viktoria. Eksito na tur selekshon di Liganan Pariba, Pabou i Willemstad.
* * * * *
Ekipo Lions 60+ ku lo bini fuerte den Liga 60 den 2025 a gana Los Amigos den Tie Break Rule pa bira kampion di Torneo Boy Constancia kategoria 60+. E wega a start den oranan di mainta i terminá mèrdia dilanti vários fanátiko. 60+ tin su fanátikonan manera ta e kaso tur djadumingu na Frank Curiel Ballpark. E wega ariba menshoná a terminá ku skor di 4-2. Ekipo Lions tabata dilanti 2-0 i Los Amigos a logra empatá e wega. Finalmente ekipo Lions a gana ku skor di 4-2 den Tie Break. E pichernan Gregory Martijn (Lions) i Gibi Henrietta (Los Amigos) a tira wega kompletu pa nan respektivo ekiponan. Den e artikulo nos tin resultado di e otro finalnan.
* * * * *
Djasabra awor ta start Torneo Kid Boca Chica na Frank Curiel Ballpark. E torneo ta dura dos siman i nos tin skema di e promé wikènt. Djasabra 5 di aprel 10.00 Curacao Super Stars – Jaws, 12.00 Nos Tambe Por – Los Amigos, 14.00 Nos Power – Pitufos, 16.00 Sluggers – Lions. Djadumingu 10.00 Jaws – nos Power, 12.00 Pitufos – Curacao Super Stars, 14.00 Los Amigos – Sluggers , 16.00 Lions – Nos Tambe Por.
* * * * *
Pa loke ta trata Liga 50+, nos a tende ku direktiva di Liga 50 a manda un karta pa e kuerpo di umpire di Eddaine ‘dinki’ Cannister pa informá nan ku lo no traha ku e kuerpo menshoná mas den 2025. Parse ku Liga lo tin su mes kuerpo pa dirigí. Ke mèn a skohe algun umpire i un komishon di Liga ta tuma desishon ora kos pega i lo dirigí e umpirenan ku lo keda skohé. Nos ta keda te aki pa awe i te mayan ku Poder di Dios.
