Jaws ta gana Nos Tambe Por i klasifiká pa final di Liga 60
WILLEMSTAD- Jaws, e kampionnan di Liga 60 di 2022 a dal Nos Tambe Por ku skor di 5 pa 3 djadumingu 3 di desèmber den Frank Curiel Ballpark. Ku e viktoria aki e ekipo Jaws a klasifiká pa final i lo enfrentá Pitufos ku tin un siman ta warda den final. Nos Tambe Por tabatin hopi chèns di bini bèk den e wega, pero a keda kòrtiku. Nos Tambe Por tabata dilanti 3 pa 0 den e wega, pero no por a wanta e ventaha. Final ta start djadumingu awor na Frank Curiel Ballpark entre Pitufos i Jaws .
Djadumingu 3 di desèmber
Jaws 5, Nos Tambe Por 3
Jaws tabatin 8 hit ku 2 eror. Riley Toppenberg a gana. Marvin Wijman a bai di 1-1. Tyrone de Palm ku Rudsel Poulina a bai di 2-1 i Russel Wilson a bai di 2-2. Nos Tambe Por a dal 7 hit i hasi 3 eror. Willem Felicia a pèrdè i Emile Haswell a bai di 1-1. Edson Sophia a bai di 2-1 i Willem Felicia a bai di 3-3.
MAS INFORMASHON DI BEISBÒL I SÒFTBÒL
Fanátikonan di Deporte Kòrsou bon dia. Nos tei atrobe karga ku informashon di Beisbòl i Sòftbòl. Kampionato di Beisbòl Profeshonal ta den full swing. Ayera tabatin wega number 3 di e kampionato ku ta entre 3 ekipo, Curacao Suns, Willemstad Canons, Curacao Goats. E kampionato a start djadumingu 3 di desèmber i lo terminá djadumingu 10 di desèmber. Tur ekipo ta enfrentá otro 2 biaha i dia 9 di desèmber lo tin semi-final pa dia 10 di desèmber lo tin e gran final. Dia 9 di desèmber number 2 ta hunga kontra number 3 i number 1 lo topa ku e ganadó di 2 i 3 den e gran final.
* * * * *
Djaluna hungadónan di fama a drenta akshon, manera entre otro Cedanne Rafaela i Jonathan Schoop. Despues mas dje grandinan aki pa drenta akshon entre otro Did Gregorius. E públiko mester yega serka pa e espektákulo bira kompletu. Ta spera un yeno kompletu djasabra i djadumingu na Tio Daou Ballpark. Pa partisipá na Serie Del Caribe ku lo tuma lugá di 1 pa 9 di febrüari na Miami, Kòrsou mester tabatin un kampionato pa asina por partisipá na e Serie Del Caribe. Tin indikashon ku grandinan manera Ozzie Albies, Kenley Jansen, Xander Bogaerts i otronan lo partisipá na Serie Del Caribe pa keda den forma rumbo pa Spring Training di MLB.
* * * * *
Ata algun nòmber aki di hungadónan di ekiponan. Curacao Suns tin Riordan Windster, Darren Seferina, Dudley Leonora, Donovan Antonia, Dashenko Ricardo, Shakir Albert, Rushenton Tomsjansen, Gedion Marlins i Alexander Rodriguez. Den Willemstad Canons tin entre otro Edmond Americaan, Raywendley van Gurp, Kemp, Juremi Profar, Ericson Leonora, Jandido Tromp, Ulrich Snijders, Ryson Polonius i Temesh Loruens. Den Curacao Goats tin Delano Selassa, Cedanne Rafaela, Scharlon Schoop, Jonathan Schoop, Ortwin Pieternella, Rayshandel Michel, Terrence Goeloe, Jurdrick Profar, Bryan Biegel ets. Djaluna Curacao Goats a gana Curacao Suns ku skor di 7-0. Djaluna Willemstad Canons a gana Curacao Goats ku skor di 5-2.
* * * * *
Nos Tambe Por a kai afó di un manera sorprendente for di play-off, despues ku e ekipo a komandá durante henter e kampionato i terminá ku un rèkòrt di 13-1. Den play-off e ekipo a pèrdè dos wega sigí i kai afó. Nos Tambe Por a pèrdè den e seri di 1 kontra 2 kontra di Pitufos i djadumingu último a pèrdè kontra Jaws den semi-final. Nos Tambe Por a nota solamente 4 kareda den dos wega kontrali na kampionato, kaminda e ekipo tabata nòkout su kontrinkantenan riba un fásil. Lo tin moveshon pisá den e ekipo pa bini fuerte bèk den 2024.
* * * * *
Ekipo Los Amigos ta sigi tira bara di hak den ekiponan, miéntras Pitufos tampoko no ta keda atras. Hopi kambio mes ta bai tin den Liga 60 pa loke ta temporada 2024. Ekiponan Pitufos, Los Amigos i Jaws lo bira mas fuerte. Nos Power no ta kedando atras i lo reforsá nan ekipo. Den 2024 tin varios torneo 60+ den eksterior. Den luna di mart tin e torneo Himno i Bandera na Aruba, den luna di mei tin ABC&S na Aruba i komienso di òktober na Boneiru. Na Kòrsou tin 40+ i na Aruba tin 50+.
* * * * *
Final di Liga 60 lo ta entre Pitufos i Jaws. Pitufos a dal Nos Tambe Por i pasa dirèkt pa final. Jaws ku a gana di ekipo Nos Tambe Por lo pasa pa final. Jaws ta den un bon racha di dos ganá i 0 pèrdí den play-off. Ekipo Pitufos a dal Nos Tambe Por i pasa dirèkt pa final. E gran final lo ta seri mihó di 3. Lo hunga e promé wega djadumingu 10 di desèmber. Wega number 2 di e seri final lo ta dia 17 di desèmber. Den kaso ku e seri empatá, lo hunga wega number 3 mesora despues di wega number 2. Ke mèn, lo hunga doubleheader dia 17 si ta nesesario.
* * * * *
Liga 60 ta último aktividat pa loke ta trata Slowpitch den 2024. Ta spera un yeno kompletu na Frank Curiel Ballpark riba e sigiente dos djadumingunan. Jaws ta kampion di 2022 i nan tabata super kampion di Liga 60 un tempu ku hopi título sigí. 2012, 2013, 2014, 2015, 2018 i 2022. Un tempu dinastía den Liga 60. No ta keda te aki pa awe i te mayan ku Poder di Dios.
