Jaws ta laga Nos tambe Por den tereno i bira kampion di Liga 60+

WILLEMSTAD- Jaws riba homerun di Raimy Pastor i bon bateo di Fransje Lambertina ta laga Nos Tambe Por den tereno den Tie Break pa bira kampion di Liga 60 di temporada 2022. Fransje Lambertina a konektá hit pa senter pa laga Nos Tambe Por den tereno, miéntras Raimy Pastor tabatin homerun di 3 kareda pa bòltu skor di 6-5 pa 8 pa 6. Den e último chèns di ekipo Nos Tambe Por nan a empatá wega na 8 kareda, pero Jaws a bini bèk pa laga Nos Tambe Por den tereno.  Despues di wega tabatin entrega di premio.

Ekipo Kampion Jaws. Kid Boca Chica fundadó di Jaws ta tuma kopa.

‍

Kampion: Jaws;
Supkampion: Nos Tambe Por;
Di tres lugá: Pitufos;

Kampion bate: Fransje Lambertina (Jaws);
Kampion picher: Wim Felicia (Nos tambe Por);
Lider di homerun: Eston Constancia (Pitufos).

Supkampion Nos Tambe Por. Edmond ‘Wochi’ Balentina ta tuma trofeo.
Di tres lugá tabata Pitufos den nan promé aña den Sòftbòl 60+.
Kampion bate, Fransje Lambertina (Jaws) ta tuma trofeo.
Wim Felicia, Kampion picher (Nos Tambe Por)
Lider di homerun tabata Elston Constancia.
Robert Klooster i Rafaelito ‘Yuchi’ Balentina, dos Baluarte di Liga 60+ a tira promé bala.

Jandoret vs Sigi Hunga den final di Liga 50 djadumingu 2'or

WILLEMSTAD – Jandoret Raiders a gana Veteranos Otrabanda 12 pa 1 i klasifiká pa final di Beisbòl Veterano. Sigi Hunga a gana Yesterday pa defolt djadumingu debí ku Yesterday no a presentá.  E final lo ta djadumingu 11 di desèmber pa 2’or pm na Vi Jansen Ballpark.  Nos tin e numeritonan di e wega entre Jandoret i Otrabanda.


Jandoret Raiders 12,  Veteranos Otrobanda 1
Jandoret a dal 9 hit i hunga sin eror. Clifton Ijziek a gana i Earl Virginia a bai di 1-1. Marvin Wijman, Mairon Martinus ku Maikel Melfor, tur a bai di 2-1. Chervin Maduro i ku Sherdon Rombley, ámbos a bai di 3-2. Pa Otrobanda 4 hit ku 5 eror. Gregory Mathilda a pèrdè. Philogene Strick a bai di 1-1, Earning Sterling di 2-1 i Miguel Velasquez di 2-2.

Jandoret a dal Otrobanda 12 pa 1 i ta den final di Beisbòl Veterano 50+.
Sigi Hunga den komienso. Nan a drecha e tim formal i ta kla pa final.


Fanátikonan di Deporte Kòrsou bon dia. Djasabra 4 di desèmber e wega di Sigi Hunga i Yesterday di play-off semi-final di Liga 50 mester a sigi na Vi Jansen Ballpark. Tabatin rumor ku Yesterday lo no presentá pa e wega kontra Sigi Hunga. Parse ku hungadٙó i dirigentenan di Yesterday a kansa ku kada bes weganan ta para pa awaseru.  Yesterday no a presentá djadumingu i Sigi Hunga a klasifiká pa final. Sigi Hunga si ta dispuesto pa kaba e temporada 2022 e aña aki mes.  Pa loke ta trata tur weganan ku mester tuma lugá na Van Engelen Ballpark a keda suspendé. E informashon ei nos a risibí den pitu aki. Liga van Engelen, Liga Amstel i Liga 40 lo sigi den 2023. Tur e kampionatonan aki a keda suspendé, debi ku Van Engelen Ballpark ta saturá ku awa i no ta sigi mas ku wega di Sòftbòl riba e parke.

Van Egnelen Ballpark a shut down pa temporada 2022.

* * * * *

Serinan di Liga Amstel entre Cicoza i ekipo Thrillers tabata empatá na unu, e otro seri entre ekipo Gamers i Sugar tambe tabata empatá na 1.  Play-off di Liga van Engelen no a start ainda, miéntras Liga 40 semi-final mester a start entre Gamers i Crazy Tigers pero ya.. tambe a keda suspendé te ku otro aña. Despues di hopi aña kampionatonan ta bai terminá e otro aña. Ta for di 2010 i 2011 kampionatonan a terminá den e sigiente aña.

Hopi awaseru na Van Engelen.

* * * * *

Ban bèk pa Beisbòl Veterano. Azucar tin pensá di bini ku un ekipo di 50+ manera tabata e kaso na 2022.   E biaha aki Michael Philips èks pelotero di Aruba ku a yega Kòrsou den gran forma den aña 70, ke move ku algun brother di Azucar den 2023. Vosama tin pensá di hunga ku e gainan di 50+ den 40+ atrobe. Algún hungadó di 50+ lo ta mas aktivo den 40+. Marchena Stars ta pendiente pa un reunión serio ku hungadónan, pa asina dirigentenan tende kiko ta bai pasa den 2023. Marchena Stars tabatin algun wega ku nan tabata nèt 9, 10 i 11. Minister Ruisandro Cijntje i Evans Schoop tabata e motornan tras di ekipo.

Azucar ku ekipo den 50+ pa 2023.

* * * * *

Ku kampionatonan di Slowpitch i Beisbòl yegando fin, nos lo bai konsentrá riba posibel kambionan pa loke ta trata temporada 2023. Den Beisbòl Veterano tin hopi kambio sigur na kaminda i hopi hóben na kaminda pa Beisbòl Veterano 40+. Tin indikashon ku 50+ lo krese atrobe den Beisbòl Veterano, pero hopi 50+ ta preferá di lucha pa hunga regular den 40+. En todo kaso lo tin hopi informashon den luna di desèmber aki. Selekshon di Kòrsou a hunga promé wega djadumingu kontra Puerto Rico na Bahamas den e kampionato di Karibe. Jordan Lucas tabata picher habridó di e promé wega.

Selekshon Korsou den semi-final djasara 11 di desèmber kontra di cuba.

 * * * * *
Final di Liga 50 ku a tuma lugá na Sam Bunting Ballpark aya na Brievengat entre Baranka i Jaws a terminá ku e ekipo Baranka titulando kampion di Liga 50 ku un viktoria di 11 pa 8 riba Jaws. Den nos proksimo post nos tin mas detaye i portrèt.

‍