Jaws ta swip ekipo Clase Aparte i klasifiká pa final di Liga Van Engelen
WILLEMSTAD- Jaws a swip Clase Aparte djadumingu último i pasa pa final di Liga van Engelen. Jaws ta pendiente pa hunga final kontra Swift.
Djadumingu 8 di òktober
Jaws 3, Clase Aparte 2
Jaws a bati 6 hit i kometé 2 eror. Jermaine Esprit a gana. Jurich Marlin ku Jowell Thielman , ámbos a bai di 2-1. Clase Aparte tabain 5 hit ku 1 eror. Stanley Girigorie a pèrdè. Ryan Emers a bai di 3-2.
Jaws 11, Clase Aparte 4
Jaws tabatin 10 hit ku 1 eror. Jermaine Esprit tabata ganadó. Reugène Martis a bai di 1-1. Raysheron Michel, Ericson Senior ku Kevin Boekhoudt, tur a bai di 2-1. Alexander Rodriguez a bai di 4-1. Jurich Marlin a bai di 2-2 i Roderick Bernadina di 4-2. Ericson Senior, Alexander Rodriguez ku Raysheron Michel, tur a konektá 1 homerun.
Gamers a gana Swift 6 pa 4 i Cicoza a gana Twister 18-10 den Liga 40
WILLEMSTAD- Liga 40 a sigi djaweps 12 di òktober den Van Engelen Ballpark. Gamers a sorprendé Swift 6-4 i Cicoza a gana Twister 18-10. Standing den Liga 40 up to date ta, Baranka 6-0, Swift 5-2, Cicoza 4-2, Gamers 3-3, Twister 1-5, Jaws 0-6.
Otro resultadonan di Liga 40
Djaweps 5 di òktober
Baranka 19, Twister 2
Baranka tabatin 21 hit ku 2 eror. Jair Josepha tabata picher ganadó. Kevin Winklaar i Reinaldo Casimiri, ámbos a bai di 1-1. Ericson Senior a bai di 2-1, Gerald Zimmerman di 2-2. Raymond Leonora ku Signald Paz a bai di 3-2. Eldred Estanista ku Jermaine Esprit a bai di 3-3 i Jair Josepha di 4-3. Kevin Winklaar, Signald Paz i Eldred Estanista, tur a konektá 1 homerun. Pa Twister 5 hit ku 2 eror. Jerritson Cleopa a resultá pèrdèdó i Gilbert Emperador a bai di 2-1. Cedrik Gill ku Ranchelo Reinita a bai di 2-2.
Swift 14, Jaws 4
Swift a bati 14 hit i kometé 3 eror. Francisco Alcantara a gana i Minald Seferina a bai di 1-1. Harvin Hart ku Carlos Ramirez a bai di 2-1. Francisco Alcantara a bai di 2-2, Ian Ignacio di 3-2 i David Kirindongo a bai di 4-2. Gedion Sambo a bai di 3-3. Jaws tabatin 8 hit ku 4 eror. Axel Gomez a pèrdè i Roderick Martina a bai di 1-1. Bertyson Ignatia, Ingemar Soerka, Edwin Thielman ku Fhurgeon Booi, tur a bai di 2-1. Jurien Martina a bai di 3-2.
Fundraising Yubi Evertsz Batting Tunnel
WILLEMSTAD - Yubi Evertsz batting tunnel, tin un tremendo aktividat den e tunnel pa por haña fondo pa mantenshon di e tunnel aki. Ta un fundraising deportivo i kompetitivo, ku por gana algu bèk.
E “7th Best Target Hitter Event” aki ta tuma lugá djasabra 14 di òktober 2023 di 3’or pm – 6’or pm na e vèlt di Maracana/de Koning, net pariba di Blue Bay òf tambe pegá ku Finca Piscadera.
Pa e fundraising aki bo ta kumpra un karchi di fl.5.== i lo bo haña 1 turno di 20 swing. Den e 20 swingnan aki òf 20 bala batinan aki, bo mester purba di dal e bala den un rònchi poné den e fondo di e tunnel.
Tin bala di Beisbòl i/òf Sòftbòl. Si bo logra dal e bala den e rònchi, lo bo ta un di e “best target hitternan” i bo ta gana 1 ora liber, pa por usa e tunnel den e aña 2023/2024.
E rònchi tin un grandura di un tapadera di un èmber di fèrf grandi òf èmber di rabu. Den e turno di 20 bala batí/swing, bo por gana 1 biaha so ku e picheo bibu.(live pitch), Toss òf riba batting-T.
Bo por kombiná bo 20 swingnan ku bala di Beisbòl òf/i Sòftbòl, pues manera bo ta deseá.
Si akaso bo ke haña mas chèns pa bo sigi bati pa bo purba di gana i train, bo por bolbe kumpra un karchi mas na e mes momentu di e aktividat aki.
Por kumpra karchi adelantá òf riba e dia di e aktividat. Pa mas informashon por tuma kontakto ku Chal van Thijs na cel/app 5175049.
MAS INFORMASHON DI SÒFTB0L I BEISBÒL
Fanátikonan di Deporte Kòrsou, bondia i felis wikènt. Nos ta drenta wikènt di weganan number 2 di playoff Liga 50 ku ta tumando lugá na Van Engelen Ballpark. Ekiponan Baranka i Ban Serio a pika dilanti. Mayan ta Ban Serio vs Jaws pa 10’or di mainta i despues ta Baranka kontra Jaws pa 12’or. No ta konosí pa nos ki dia lo hunga si un òf dos seri empatá. Liga Amstel lo sigi djasabra pareu ku playoff Liga 50. Miéntras tantu promoshonnan ta kore sin fin pa e weganan di playoff di Liga 50 via medionan soshal.
* * * * *
Den Liga van Engelen ekipo Jaws a gana di Clase Aparte i klasifiká pa final kontra Swift. Jaws a swip e ekipo Clase Aparte den e semi-final. Clase Aparte i Jaws ta kargá ku hungadó, pero lástima ku niun di dos ekipo no tabatin hopi hungadó na wega. Na momentu ku topa Swift mester bini fuerte. Pero parse ku Swift tampoko no tabatin masha hungadó na wega, ni playoff e hungadónan hóbennan no ta yega pa hasi e kos serio. Ban Serio ku tantu Jaws komo Swift ta kompletu pa playoff ku lo start pronto.
* * * * *
MLB ta sigi kandela rumbo pa serinan di divishon aya na USA. Playoff ta keda un wega di momentum, si e ekpo ta kayente nèt den playoff riba tur aspekto, bon picheo, bon defensa, bon bate i bon korementu di base ets, ta bira difísil. Ekiponan manera Arizona i Texas ta fèrfelu debí ku nan a swip nan kontrinkante den 3 wega stret den seri di divishon. Liga Americana divishon ost, e liga mas fuerte manera analistanan deportivo ta bisa, no tin niun ekipo mas den playoff. Championship series den Liga Americana lo bai entre Texas Rangers i Houston Astros. Den Liga Nashonal Arizona Diamondbacks ta topa Phillies.
%20copy.jpg)
* * * * *
Hopi rumor pa loke ta trata kambionan di Beisbòl Dòbel A . Tin indikashon ku ekipo Wild Cats ta duru tras di Johnny Balentina atrobe. Despues ku Wild Cats a pèrdè e título e aña aki nan lo bin fuerte bèk. Wild Cats a pèrdè netamente kontra Royal Scorpions den play-off. Royal Scorpions tabatin un kuerpo tékniko fuertísimo i esei ta hasi e trabou di e manager, den e kaso aki Mompy van Gurp, relatívamente fásil. Royal Scorpions a bira kampion despues di 11 aña. Na 2011 i 2012 ekipo Royal Scorpions tabata kampion di Beisbòl Dòbel A. Otro rumor fuerte ta Darren Seferina pa Wild Cats.
* * * * *
Santa Rosa Indians tambe lo mobilisá den e temporada aki i ta buskando hungadó. Nos a tende ku Aldair Adamus lo bai Santa Rosa Indians, despues ku ela hunga den Groot Kwartier i despues Santa Maria Pirates den e último 3 añanan. By the way, nos a mira un pòtrèt di tempu di gloria di Beisbòl den Stadion di Rif ku awor a bira Stadion Johnny Vrutaal. E stadion tabata tuma solamente 4 mil hende na momentu ku e stadion ta yen yen. E kantidat mas haltu di fanátiko ku a yega di bishitá un wega di Beisbòl Dòbel A ta dia 29 di sèptèmber 1981 den Sentro Deportivo Kòrsou.
* * * * *
13168 fanátiko a presensiá e wega entre Wild Cats i Royal Scorpions. Royal Scorpions a gana Wild Cats 13 p 5. E wega ku ménos fanátiko tempu bon di Beisbòl tabata 4 fanátiko ku a yega di wak un wega entre Sorpresa i Groot Kwartier, riba un djadumingu 13 di sèptèmber 1987. Ban bèk pa Slowpitch. Djadumingu Liga 60 ta sigi na Frank Curiel Ballpark. Den e promé wega pa 11’or ekipo Lions lo topa ku Sluggers,despues ta sigi Los Amigos kontra di Nos Tambe Por i Nos Power kontra Curacao Super Stars pa 3’or.
* * * * *
Selekshon di Beisbòl di Kòrsou a logra puesto number 2 den e kampionato di Karibe ku a tuma lugá na Puerto Rico. Nos a topa un Cuba trabuko ku 12 hungadó ku a hunga den World Baseball Classic. Bon kompetensia mes i mester keda kompetí den region pa hisa nos nivel. By the way nan ta bai kita rekompensashon di A-Status den Beisbòl di Reino. Waw dolo di kabes grandi. Nos ta keda te aki pa awe i te djaluna ku Poder di Dios.
