John i Robert Moron a entregá unifòrm na Pichingolo e siman aki
...38 aña dje partosinio...
WILLEMSTAD- Djarason, 18 di òktober na e “showroom” di Saliña Trading entre e bunita outo (nan) Nissan i Kia ruman (nan) Sr. Robert i John Moron ofisialmente a hasi entrega di unifòrm (nan) nobo na e organisashon di sòftbòl femenino fastpitch SV Pichingolo. Ofisialmente ta di 38 aña di e relashon entre Saliña Traiding i Pichingolo.
Dia 26 di novèmber di aña 1985 e relashon entre Saliña Traiding i Pichingolo ofisialmente a start ku Don Alfred Moron (dfm) hasiendo entrega di e promé unifòrm na e eterno kampeon (nan) sòftbòl femenino fastpitch. Djarason atardi Sr. Taffy de Jongh, i dos prospekto dje organisashon tabatin e honor di risibí e unifòrm for di man di Sr. John i Robert Moron. Direktiva di SV Pichingolo i tur nan miembro (nan) un biaha mas ta gradisí famia Moron pa nan konfiansa den e organisashon.
Isla Crackers kontra Santa Rosa Memories djadumingu den Beisbòl Veterano
WILLEMSTAD- Isla Crackers ku ta number 2 riba e standing lo topa ku Santa Rosa Memories djadumingu den Beisbòl Veterano na Vi Jansen Ballpark. Varios ekipo falta 2 wega pa terminá e temporada regular.
Santa Rosa Memories ta luchando pa keda entre e promé 3 ekiponan. Saliendo number 4, Santa Rosa lo mester bai hunga Wild Card. Standing den Beisbòl Veterano ta Quality 20-0, Isla 16-4, Santa Rosa Memories 15-4, Santa Maria Pirates 14-5, Jandoret Raiders 11-9, The Brothers 9-11, Yesterday 8-11, Azucar 7-12, Vosama 7-12, Marlins 5-15, Otrabanda 4-15 i Marchena Stars 0-18.
RESULTADONAN
Djasabra 14 di òktober
Isla Crackers 20, Marlins 3
Isla a dal 22 hit i hunga sin eror. Jursiegh Leitoe a gana. Joël Angelista ku Roderick Sambo a bai di 1-1. Jursiegh Leitoe a bai di 2-1, Enrique Kroon di 2-2, Quincy Kook di 3-2. Dave Janga i Luigino Domacasse a bai di 4-2. Julius Veeris ku Stanford Landburg a bai di 3-3 i Rodney Riley di 4-3. Pa Marlins 2 hit ku 4 eror. Orlando Gerard a pèrdè. Bienvenido Sierra Martinez a bai di 1-1 i Shanon Kleinmoedig a bai di 3-1.
Jandoret Raiders 7, The Brothers 4
Jandoret a bati 8 hit i nan a kometé 3 eror. Deron Clara tabata picher ganadó. Jersinio Fluonia, Deron Clara ku Juni Orcadio, tur a bai di 2-1. Sherdon Rombley a bai di 2-2 i Rayshel Francisca a bai di 3-3.
The Brothers tabatin 6 hit ku 4 eror. Bryon Kook a resultá pèrdèdó. Michaelson Muriër a bai di 1-1, Bryon Kook, Hubert v/h Kruys, Wendell v/h Kruys ku Clifford Rosina, tur a bai di 2-1.
Santa Rosa Memories 3, Marchena Stars 2
Santa Rosa a dal 5 hit i hunga sin eror. Verney Jansen a gana i Shurnold Martina a bai di 2-1. Michelangelo Cijntje ku Curby Brunken ámbos a bai di 2-2. Marchena Stars tabatin 3 hit i nan a hunga sin eror. Raily Cordilia a pèrdè. Francisco Alcantara, Ruthgard Lunkers ku Pedro Hernandez, tur a bai di 1-1.
Djadumingu 15 di òktober
Santa Maria Pirates 15, Veteranos Otrabanda 4
Santa Maria tabatin 14 hit ku 2 eror. Signald Paz tabata ganadó. Eldred Estanista ku Ruben Snoyl a bai di 1-1. Irvin Sambo a bai di 2-1. Roderick Zimmerman a bai di 2-2, Gerald Zimmerman di 3-2, Randolph Balentina di 3-3 i Rayan Samuel di 4-3. Roderick Zimmerman a konektá 1 homerun. Otrabanda a dal 6 hit i hasi 2 eror. Gregory Mathilda a resultá pèrdèdó i Lindsie Maccow a bai di 1-1. Norwin Moesquit, Alcides Juliana ku Damery Meyer i Harvey Griejaloe, tur a bai di 2-1.
Quality Stars 6, Yesterday 2
Quality a dal 7 hit i kometé 2 eror. Hayzem Martina a gana i Hensley Josephina a bai di 1-1. Dayron Puriel, Emile Haswell, Merieldo Trinidat ku Leroy Antonia, tur a bai di 2-1. Ramiro Balentina a bai di 2-2.
Yesterday tabatin 8 hit ku 1 eror. Pernell Sprott a pèrdè i Elvis Jacobino a bai di 1-1. Andley Simmons, Alexander Martina ku Andres Gonzalez, tur a bai di 2-1. Zhurendel Ilaria a bai di 3-2.
%20copy.jpg)
Azucar 4, Vosama 3
Azucar tabatin 5 hit ku 2 eror. Nelson Reineta a gana. Gilbert Emperador a bai di 2-1 i Eugene Martijn di 3-3. Vosama a dal 5 hit i hasi 5 eror. Felix Ibañez a pèrdè. Jesus Gonzalez a bai di 2-1 i Xaviero Avastia di 3-2.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou, bon dia i felis wikènt. Nos a drenta e wikènt di e gran final di Liga 50 ku lo bai entre e mihó dos timnan di Liga 50, Baranka i Ban Serio. Baranka a bai semi-final sin Kenny Hellement i tabata Gino Valeriaan ku a hasi e trabou ganando ekipo Marlins den dos wega sigí. Fisel Pereira mester a relevá Gino Valeriaan den e último wega pa saka e último outnan di e wega. Aña pasá e ekipo Baranka a saka Ban Serio for di play-off semi-final pa despues Baranka gana Jaws den final i bira kampion.
* * * * *
E dos weganan na e okashon ei a terminá pèrtá ku skor di 22-20 i 8 pa 5 pa Baranka. En todo kaso e temporada aki ekipo Baranka a swip Ban Serio den e kampionato regular. Den e promé buelta ekipo Baranka a gana Ban Serio ku skor pèrtá di 12-11, lagando Ban Serio den Stadion Post 6. E di dos wega a tuma lugá na Van Engelen Ballpark i einan Baranka a gana Ban Serio 20-8, ke mén pa nòkout. Tur dos ekipo, esta Baranka i Ban Serio a pasa relatívamente fásil den play-off semi-final i a swip nan kontrinkantenan. Baranka a gana Marlins 15-5 i 16 pa 9, miéntras Ban Serio a dal Jaws 13-12 i 15-2.
* * * * *
Na 2021 e play-offnan a bai straño. Nos ta kòrda Ban Serio a gana Baranka 2-1 den e promé wega di semi-final. Baranka a bini bèk i gana 6-5 den wega number dos riba e djadumingu sigiente. E aña ei a hunga play-off semi-final riba djasabra i djadumingu. Baranka a gana Ban Serio 9-5 den wega number 3 na e okashon ei i bai final. Seri entre Pitufos i Lions na 2021 a bai fásil i Pitufos a gana Lions dos biaha i pasa pa final. Na 2022 play-off di Liga 50 a hunga solamente riba djasabra debí ku tabatin espasio pa kaba promé ku desèmber dal adén. Despues awaseru a bin dal adén i mester a terminá e kampionato otro kaminda tòg. Na 2021 e último wega a tuma lugá 4 di desèmber na Van Engelen Ballpark. Na 2022 riba mesun fecha, pero na Sam Bunting Ballpark. 2021 tabata Baranka kontra Pitufos i na 2022 Baranka kontra Jaws den final.
* * * * *
Awe nos tin resultadonan di Beisbòl Veterano ku ta sigi e wikènt aki na Vi Jansen Ballpark. Weganan ta djasabra 21 di òktober 10.30 Santa Maria- Azucar, 13.00 Quality Stars – Vosama, 15.30 Jandoret – Otrabanda. Djadumingu 22 di òktober pa 10.30 ta Santa Rosa Memories kontra Isla, 13.00 Yesterday – Marlins, 15.30 Marchena Stars – The Brothers. Santa Maria mester gana pa logra bai na di 3 lugá i fuera di peliger di Wild Card. Azucar su chènsnan pa klasifiká number 6 ta birando chikí. Quality ta bai mantené su invikto i ta bira difisil pa Vosama keda na di 5/6 lugá. Jandoret Raiders mester gana Otrabanda pa mantené di 5 lugá. Djadumingu ta kandela mes mes entre Santa Rosa Memories i Isla Crackers. Nos tin e standing kompletu. Quality 20-0, Isla 16-4, Santa Rosa Memories 15-4, Santa Maria Pirates 14-5, Jandoret Raiders 11-9, The Brothers 9-11, Yesterday 8-11, Azucar 7-12, Vosama 7-12, Marlins 5-15, Otrabanda 4-15, Marchena Stars 0-18.
* * * * *
E skema di Liga 50 pa djasabra ta Baranka vs Ban Serio pa 12’or. Pa 10’or ta Jaws kontra Marlins den partido bálido pa di 3 lugá. Despues ta sigi weganan di Liga Amstel. Djadumingu tin wega number 2 di e final di Liga 50 pa 1’or pm. Ta pendiente di wega final di Liga van Engelen entre Swift i ekipo Jaws djadumingu. Den kaso di empate di e seri entre Baranka i Ban Serio lo hunga e wega desisivo djasbara 28 di òktober pa 1’or na Van Engelen Ballpark.
* * * * *
Liga 40 a sigi djaweps na Van Engelen Ballpark. Baranka a Cicoza 14-5 i Gamers a dal Jaws 12 pa 6.. E ekipo Cicoza ta promé aña den Liga 40. Den e promé wega di djaweps anochi Gamers a dal Jaws 12 pa 6. Baranka ta kómodo i invikto den Liga 40 ku rèkòrt di 7 ganá i 0 pèrdí. Ta sigi Swift 5-2, Cicoza 4-3, Gamers 4-3, Twister 1-6 i Jaws 0-7. Nos ta keda te aki pa awe. Nos tei bèk pronto ku Poder di Dios.
