John Means di Baltimore ta tira wega kasi perfekto kontra Seattle Mariners

SEATTLE- E picher John Means di Baltimore Orioles ta tira no hit no run kontra di Seatle Mariners djarason 5 di mei 2021.  Ta for di 1969 un picher di Orioles a tira un no hit no run (wega kompletu/un picher). E otro no hitter di Orioles tabata 1991 den un kombinashon di picher. E picher slengu di 28 aña di edat por poko a terminá un wega perfekto. E úniko batiadó ku a embasá tabata Sam Haggerty ku a poncha i e bala a bai laga e kècher (wild pitch) den di 3 inning. Despues e koredó menshoná a keda saka out na segunda mesora den intento di robo. E wega a terminá ku un liña mansu pa shòrtstòp bati pa e batiado slegun J.P. Crawford di Seattle .  John Means a tira 113 lansamentu, 79 strike 12 ponche i 0 base por bola.  Despues ku e último out a kai naturalmente tabatin selebrashon grandi riba tereno.

Kècher Severino ta brasa Jhn Means despues ku último out a kai
Selebrashon despues di e no hit no run
John Means ku tremendo temporada 4-0 ku ERA di 1.37

‍