Jong Holland ta dal Centro Barber 3 pa 1
WILLEMSTAD- Jong Holland ta sigi sólido den kaya 6 di Futbòl FFK promé divishon. Djarason Jong Holland a dal Centro Barber 3-1. Ku e viktoria aki Jong Holland, Scherpenheuvel, Inter Willemstad i Vesta ta klasifiká pa play-off kaya 4. Falta dos wega mas di kaya 6, pero e weganan ei lo no trese kambio den e klasifikashon. Den di dos divishon Jong Colombia ta empatá ku Tera Kòrá 1-1 i New Song ta dal Sithoc 3-0.
Jong Holland 3, Centro Barber 1
E golnan di Jong Holland a keda anotá pa:
Jurensley Martina 2X '22 '79
Jonathan Geertruida '31
E gol di Centro Barber a keda anotá pa:
Roshyon Anita '66
Resultadonan segundo divishon:
Jong Colombia 1, Tera Kòrá 1
New Song 3, Sithoc 0
Ku e resultadonan aki di segundo divishon e gran final lo bai entre e ékipo di New Song i e ékipo di Sithoc. Un pabien na tur e ékiponan ku a logra nan metanan.
